Júzdesý barysynda sóılegen Qazaqstan basshysy eki el arasynda jańa tarıhta bolmaǵan dárejede iri somada iskerlik kelisimderge qol qoıylǵaly otyrǵanyn aıtty.
«Men sizdi Qazaqstan jerinde shyn júrekten, baýyr retinde qarsy alam. Biz sizdi kútken edik. Bul – sizdiń prezıdent retindegi alǵashqy saparyńyz. Sizdi ózbek halqy prezıdent saılaýyna baılanysty quttyqtaımyz. О́zbekstan bizge strategııalyq áriptes, kórshi ári baýyrlas el. Bizdiń halqymyz sizderge damý jáne bereke tileıdi. Bolashaqta da ekonomıkalyq jáne mádenı-gýmanıtarlyq baılanystardy damytý isinde biz О́zbekstanǵa jáne jeke ózińizge senim artamyz. Saparyńyz tabysty bolýy úshin barlyǵyn jasaımyz» dedi Nursultan Nazarbaev О́zbekstan basshysyna.
Nazarbaev ekijaqty kelissózder kezinde 75 kelisimge qol qoıylǵaly otyrǵanyn aıtty. "Kelissózderdi keshe bastap kettik. Shekarany kólikterge, saýda-sattyqqa ashýdyń arqasynda eki el arasynda saýda tez ósti. О́nimderdiń jańa túrlerin jetkize bastadyq. Iri bıznes-forým ótip jatyr. Oǵan eki elden 500 kásipker qatysýda. Maǵan aıtýlaryna qaraǵanda, quny mıllıard dollarlyq 75 kelisim-shartqa qol qoıylǵaly otyr. Bul jańa tarıhymyzda alǵash ret bolǵaly otyrǵan jetistik» dedi Qazaqstan basshysy.