Qazaqstan Prezıdenti Nursultan Nazarbaev ózbek lıderi Shavkat Mırzıeevpen kelissóz kezinde sý-energetıka máselelerine aıryqsha mán berilgenin aıtty.
«Ortalyq Azııanyń transshekaralyq ózenderi ortaq ıgilik ekenin taǵy da rastadyq. Biz baýyrlas elderdiń sýdy paıdalaný jónindegi oılaryna tolyq túsinistikpen qaraımyz jáne bul iske atalǵan ózenderdiń tómen jaǵyndaǵy elderdiń múddesine nuqsan keltirmeı qatysýǵa daıynbyz. Bul sýǵa mıllıondaǵan adamnyń taǵdyry táýeldi. Aımaqtaǵy turaqtylyq, aman-saýlyq, tıisinshe aramyzdaǵy dostyq qarym-qatynas pen senimniń nyǵaıýy osy sýǵa baılanysty. Sondyqtan ony aqylmen paıdalaný qajet» dedi Nursultan Nazarbaev.
О́zbekstan Prezıdenti Shavkat Mırzıeev ekeýara kelissóz kezinde transshekaralyq ózenderde jańa gıdrotehnıkalyq qurylystar salý máselesi talqylanǵanyn aıtty. «Mundaı is-áreketter ózge de múddeli memleketterdiń múddelerine nuqsan keltirmeıtin konstrýktıvti kózqaras pen kompromıss negizinde jáne halyqaralyq sý quqynyń jalpylaı moıyndalǵan normalaryna sáıkes jasalýy tıis. Bul turǵyda biz BUU-nyń Ámýdarııa men Syrdarııanyń sý resýrstaryn rasıonal ári ádil paıdalaný jóninde halyqaralyq kelisim jasaý jónindegi bastamasyn qoldaımyz» dedi Mırzıeev.
О́zbekstan Prezıdentiniń sapary aıasynda mynadaı birneshe qujat qabyldandy:
· Qazaqstan Respýblıkasy men О́zbekstan Respýblıkasy arasyndaǵy strategııalyq áriptestik pen tatý kórshilikti bekitýdi odan ári tereńdetý jónindegi deklarasııa;
· Qazaqstan Respýblıkasy Úkimeti men О́zbekstan Respýblıkasy Úkimeti arasynda aımaqaralyq yntymaqtastyqty damytý jónindegi kelisim;
· 2017-2019 jyldarǵa arnalǵan ekonomıkalyq yntymaqtastyq strategııasy;
· Qazaqstan Respýblıkasy Úkimeti men О́zbekstan Respýblıkasy Úkimeti arasyndaǵy tabys pen múlikke qos salyq salýǵa jol bermeý jónindegi kelisimge ózgerister men tolyqtyrýlar engizý týraly hattama;
· 2006 jylǵy 20 naýryzdaǵy halyqaralyq avtkólik qatynasy týraly úkimetaralyq kelisimge ózgerister men tolyqtyrýlar engizý týraly hattama;