Soltústik Qazaqstan
oblysy TJD Jedel-qutqarý jasaǵy turǵyndarǵa kóktemgi qaýipsizdik sharalaryn
saqtaýdy, balyqshylarǵa muz ústine shyqpaýyn, al ata-analar balalaryna ózen muz aıdyndaryna
oıynǵa shyqpaý jaıly eskertýdi suraıdy.
Kóktemgi muz áli de qalyń sekildi kóringenimen onyń boıynda qys kúnindegideı beriktik joq. Tańerteńgi jaǵdaıy tústen keıingi jaǵdaıymen uqsamaıdy. Túngi sýyqpen bekigen muz tańerteń kótergen salmaqty, keshte kótere almaıdy. Sonymen qatar, muzda júris kezinde kózge túspeıtin aýaly qýystar bolady. Kóktemgi muzdy syrǵanaý jáne ótkel úshin paıdalaný qaýipti. Sondyqtan Kóktemgi muzǵa shyqpańyzdar.
Jedel-qutqarý jasaǵy jıi profılaktıkalyq jumystar júrgizip, halyqty qaýip qater jaıly eskertip turady.
Sonymen qatar buqaralyq aqparat quraldarymen birlese profılaktıkalyq jumystardy júrgizedi.
Eger siz sýdaǵy tótenshe jaǵdaıdyń kýágeri bolsańyz, 112 nómirine habarlańyz.