Germanııanyń Bremen qalasynda dzıýdodan jastar arasynda halyqaralyq «Master Bremen» týrnıri ótti.
Jarysqa álemniń 25 elinen 1000-ǵa jýyq sportshy qatysty. Týrnırde Qazaqstan quramasynyń sportshylary 1 altyn, eki kúmis jáne eki qola medal aldy.
55 kelige deıingi salmaqtaǵy fınalda eki qazaqstandyq dzıýdoshylar beldesti. Nátıjesinde Dáýren Súıkenov jeńimpaz atansa, fınaldaǵy qarsylasy Qýanysh Jaqsylyq kúmisti mise tutty.
Asa aýyr salmaqta tatamıge shyqqan balýanymyz Erkebulan Abdýlla (+100 kg) fınalǵa deıin qarsylas shaq keltirmeı, fınalda qarsylasyna ese jiberip, kúmiske ıe boldy. Sondaı-aq, Qaıyrberdi Aıdynbaı (55 kg) men Jasulan Otarbek (60 kg) qolany qanaǵat tutty.