Ortalyq saılaý komıtetiniń ókilderiniń aıtýynsha, eń jas depýtat 22 jasta, ol Qaraǵandy oblysynyń Buhar jyraý aýdany № 1 saılaý okrýginde saılanǵan. Al eń úlken depýtat 64 jasta - Taraz qalasy máslıhatynyń № 22 saılaý okrýginde. Depýtattardyń ortasha jasy 46,5 jas eken.
Aıta keteıik, saılaý zańnamasyna sáıkes 26 naýryzda respýblıkanyń 12 óńirinde máslıhattardyń shyǵyp qalǵan depýtattarynyń ornyna 57 depýtatty saılaý ótti.
Saılaýdy uıymdastyrý men ótkizýge 13 oblystyq, 9 qalalyq, 36 aýdandyq, 58 okrýgtik, 355 ýchaskelik saılaý komıssııasy jumyldyryldy. Saılaý naýqany barysynda barlyǵy 201 kandıdat usynyldy. Olardyń 50-i oblystyq, 32-si - qalalyq jáne 119-y - aýdandyq máslıhattarǵa daýysqa tústi. 62 úmitkerdi saıası partııalar usyndy, 139-y - ózin-ózi usyný arqyly usynyldy.
"Okrýgtik saılaý komıssııalary máslıhattardyń depýtattyǵyna kandıdattar retinde 188 adamdy tirkedi. Saılaý bıýlletenderine 170 kandıdattyń tegi engizildi. Bir depýtattyq mandatqa ortasha básekelestik shamamen 3 úmitkerdi qurady. 2017 jylǵy 26 naýryzda 330 saılaý ýchaskesinde daýys berý ótkizildi", - delingen habarlamada.
Sonymen qatar, saılaýshylardyń 77,83 paıyzy daýys bergen. Daýys berý qorytyndylaryna saı 12 oblystyq, 9 qalalyq jáne 36 aýdandyq máslıhat depýtaty saılandy. Daýys berý barysy men daýystardy sanaý rásimin baıqaýdy kandıdattardyń 398 senim bildirgen adamy, saıası partııalardyń 289, qoǵamdyq birlestikterdiń 34 jáne BAQ-tardyń 51 ókili júzege asyrdy.
Saılanǵan máslıhattar depýtattarynyń quramynda 46 (80,7 %) er adam jáne 11 (19,3 %) áıel adam. Saılanǵan depýtattardyń 54-niń (94,7 %) joǵary bilimi bar, 3 (5,3 %) - arnaýly orta. 3 (5,3 %) - ákimder men máslıhattar apparattarynyń qyzmetkerleri. 28 (49,1 %) - memlekettik mekemelerde, uıymdarda jáne kásiporyndarda, 20 (35,1 %) - kommersııalyq qurylymdarda jumys isteıdi, 6 (10,5 %) - saıası partııalar men ÚEU qyzmetkerleri.
"Saılaý naýqany saılaý zańnamasy normalarynyń talaptaryna sáıkes ótti. Saılaý ýaqyty ishinde Ortsaılaýkomǵa 3 ótinish kelip tústi. Ońtústik Qazaqstan oblysynyń №11 saılaý okrýgi boıynsha máslıhattyń shyǵyp qalǵan depýtatynyń ornyna ótetin saılaýda bir kandıdat qaldy. Saılaý zańnamasynyń keminde 2 kandıdattyń básekelestigi qaǵıdatynyń saqtalýyna baılanysty atalǵan okrýgte saılaý bolǵan joq. Bul okrýgte saılaýdy ótkizý týraly sheshim respýblıkanyń saılaý zańnamasynyń talaptaryna sáıkes qabyldanady", - deıdi komıssııa ókilderi.