Mádenıet jáne aqparat mınıstrligi jyl saıynǵy «Mereıli otbasy» ulttyq baıqaýyna ótinim qabyldaý bastalǵanyn habarlady, dep jazdy Egemen.kz.
Konkýrsqa qatysýǵa ótinimder 15 mamyrdan 15 maýsymǵa deıin óńirlik komıssııalarda qabyldanady.
«Baıqaý adamgershilik qasıetterdi jandandyrýǵa, otbasy mártebesi men qundylyqtaryn arttyrýǵa baǵyttalǵan. Eńbek pen sportta, shyǵarmashylyq jáne zııatkerlik salalarda, ǵylym men ónerde jetistikteri bar otbasylar, sondaı-aq qoǵamdyq paıdaly qyzmetke belsendi aralasatyn otbasylar qatysa alady», delingen habarlamada.
Baıqaý eki kezeńnen turady:
Aýdandyq (qalalyq) kezeń (15 maýsymnan 30 maýsymǵa deıin). Oblystyq (respýblıkalyq mańyzy bar qalalar men elorda) kezeń (30 maýsymnan 15 shildege deıin).Qazaqstannyń barlyq óńirinen úzdik dep tanylǵan 20 otbasyǵa «Mereıli otbasy» ulttyq konkýrsynyń laýreaty ataǵy beriledi. Jeńimpazdardy saltanatty marapattaý rásimi Astana qalasynda ótedi.
«Mereıli otbasy-2025» baıqaýynyń jeńimpazdary marapattaldy
Aıta keteıik, osy jyldar ishinde konkýrsqa Qazaqstannyń barlyq óńirlerinen 20 myńnan astam otbasy qatysty. Bıyl qatysýǵa nıet bildirgender óz ótinimderin óńirlik komıssııalarǵa jibere alady. Tolyq aqparatty +7 (7172) 74-10-52, 74-01-62 telefon nómirleri arqyly bilýge bolady.
Eske salaıyq, byltyr atalǵan konkýrstyń jeńimpazdaryn Parlament Senatynyń Tóraǵasy Máýlen Áshimbaev quttyqtaǵan bolatyn.