Telearna ashylǵan kúni kórermen nazaryna kompozıtor Shámshi Qaldaıaqov jaıyndaǵy «Án aǵa» serıalynyń 1-shi epızody, «Quraq kórpe» lırıkalyq komedııasy kórermen nazaryna usynylady. "Altyn qorymyzdy urpaq ıgiligine jaratýdy kózdegen jańa arnany biz eldiń arnasy bolsyn degen nıetpen "El Arna" dep atadyq. Jańa telearna bútin bir býynǵa áser etken Sháken Aımanov, Májıt Begalın, Abdolla Qarsaqbaev, Sultan Qojyqov sııaqty maıtalmandardyń týyndylaryn búgingi urpaqqa keńinen nasıxattaýǵa tamasha múmkindik beredi. Sonymen qatar bizdiń maqsatymyz - bilim, ǵylym men óner salasyna arnalǵan derekti fılmder men tanymdyq baǵdarlamalardyń kórermenge barynsha qoljetimdi bolýyna yqpal etý, elimizdiń aqparattyq keńistigin óz týyndylarymyzben qamtý. Bul arnanyń ashylýy kıno salasyndaǵy jas mamandar úshin de úlken qoldaý dep bilemin. Endi, olardyń shyǵarmalary xalyqtyń nazaryna keńinen usynylatyn bolady", - dedi jańa telearnanyń ashylý saltanatynda sóılegen Qazaqstannyń Aqparat jáne kommýnıkasııalar mınıstri Dáýren Abaev.
Vedomstvo basshysy kórermenniń bul jobany kóp kútkenin aıtty. «Buǵan áleýmettik jelide jazylyp jatqan pikirler, mınıstrlikke elimizdiń jer-jerinen kelgen hattar jáne baspasózdiń bul máselege nazar aýdaryp otyrǵany dálel. Jańa telearna kóńilderińizden shyǵaryna senimdimin» dedi Dáýren Abaev.