​Baǵany kóterý tyǵyryqtan shyǵarmaıdy

Jýyrda óńirde elektr qýatynyń baǵasyn kóterý jóninde qoǵamdyq tyń­­dalym ótip, «Sevkazenergosbyt» kásiporny bas dırek­tory­nyń min­detin atqarýshy Maǵaýııa Saǵyn­dyqovtyń esebi tyńdaldy. Onyń sózi­ne qara­ǵanda, kásiporynnyń qyzmetin oblysta 150 myń, Petropavl qala­synda 85 myń abonent tutynady. 2016 jyldyń qorytyndysy boıynsha saralanǵan tarıfti qoldaný kezinde kompanııanyń shyǵyndary kóbeıip ketken kórinedi. Tyǵyryqtan shyǵý úshin basqa qarjy kózderinen tolyqtyrý quqyǵyn alǵa tarta otyryp, tutynýshylar esebinen júzege asyrýdy qolaıly kórgen tárizdi. Sóıtip, óz ótinishterin quzyrly organdarǵa joldap, sáýir aıynan bastap tarıfti kóterýge ótinim bergen. Ol «sóıletken» sıfrlar adamnyń aıaýshylyǵyn týdyratyny sonshalyq, qolyńdaǵy baryńmen bólisýge beıilsiń. Seriktestik búginge deıin 6526 mıllıon teńge shyǵynǵa batqan. О́z problemasyn bógdeniń esebinen sheshýdi ádet etken daǵdysyna basyp, jurtshylyqtyń usynys-pikirlerlerimen sanasýdy jón dep tappasa kerek. 

Alaıda, kásiporyn basshysynyń ýáji qo­ǵam­dyq tyńdalymǵa jı­nal­ǵandar­­dy qa­na­ǵat­tandyrmady. Oblystyq tutyný­shy­lar men kásip­ker­ler quqyǵyn qor­ǵaý qaýym­­­das­tyǵynyń múshesi Nıkolaı Zavıalov­­­­tyń qalanyń ózinde elektr qýaty­nyń tarı­fi túrlishe ekendigi, aldymen ony biriz­dilen­dirý qajettigi, sonda jumsalatyn shy­ǵyn­­dar­dy azaıtýǵa múm­kin­dikter týar edi degen usynys-saýaly jaýapsyz qaldy. Ta­bı­ǵı mono­po­lııalardy retteý agent­ti­gi­niń oblys­tyq departamenti janyn­daǵy sarap­taý keńe­si­niń músheleri qıt etse baǵany kóterý úr­dis­­ke aınalyp bara jatqany­na alań­daý­shy­lyq bildirip, onyń qı­syn­­syz­­­dy­ǵyn jet­kizdi. Máselen, Marat Ys­qaqov elektr qýa­ty byltyr qań­tar aıynda kóteril­se de, kom­pa­nııada jaǵdaıdyń jaqsar­ma­ǵa­­nyn aıt­yp, qıyn­dyqty eńserýdiń ózge jol­d­aryn izdesti­rý­ge keńes berdi. Taratý bary­syn­da elektr qýatynyń mólsherdegiden kóp joǵa­latynyn atap kórsetti. Amangeldi Ken­je­ǵojınov, Aleksandr Kazansev, Sergeı Mar­temıanov jáne taǵy basqa qa­ty­sý­shylar da qol­ǵa alynǵan aýqymdy baǵ­­dar­­­lamalar men jo­­ba­lardyń oryndalý sapa­syna kúmán keltirdi.

Qaı-qaısysynyń pikiri bolsyn baǵany kóterý tyǵyryqtan shyǵý joly emes, túıindi máselelerdiń sheshilýine aldymen kásiporyn yqpal jasaýy, múddeli bolýy tıis degen arnaǵa toǵysty.

О́mir ESQALI, «Egemen Qazaqstan»