Eki jaqtyń arasyndaǵy saýda-sattyq pen yntymaqtastyqty nyǵaıtatyn atalmysh forýmda V2V formatynda kelissózder júrgizilip, onda ońtústikqazaqstandyq delegattar farm ónimderi naryǵynyń órisin keńeıtýge qol jetkizdi.
Iаǵnı, bıznes ókilderiniń basy birikken jıynda «Ońtústik Qazaqstan farmasevtıkalyq klaster qaýymdastyǵy» zańdy tulǵalar birlestiginiń prezıdenti B.Nurmashev pen ózbekstandyq «Ýzfarmsanoat» memlekettik aksıonerlik konsern basqarma tóraǵasy M.Dýsmýratov kásiporyndar arasyndaǵy ózara yntymaqtastyq jónindegi memorandýmǵa qol qoıdy. Nátıjesinde, Tashkent pen Shymkent qalasynda eki eldiń farmasevtıka kompanııalarynyń ónimderi satylatyn saýda úıi ashylmaq. Iаǵnı, О́zbekstanda ashylatyn saýda úıinde OQO farmasevtıka kompanııalarynyń ónimderi satylsa, Shymkent qalasynda ashylatyn saýda úıinde ózbekstandyq farm ónimderi saýdalanady.
Aıta keteıik, respýblıkadaǵy óndirilip jatqan farmasevtıkalyq preparattardyń jartysyna jýyǵy Ońtústiktiń úlesinde. Bul elimizde farmasevtıka klasteri damyǵan birden-bir óńir - Ońtústik Qazaqstan ekeni anyq.
Esterińizge salsaq, ótken aptada О́zbekstan Respýblıkasynyń Prezıdenti Shavhat Mırzıeevtyń Qazaqstanǵa memlekettik sapary sheńberinde Astanada qazaq-ózbek bıznes forýmy ótken bolatyn.
Oǵan eki eldiń 500-ge tarta kásipkeri men ulttyq kompanııa jáne memlekettik uıym ókilderi qatysty.Vse prava zashısheny.