2016 jylǵy 29 jeltoqsan №904 Astana, Úkimet Úıi
Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar bekitilsin.
2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.
3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Ykimetiniń
2016 jylǵy29 jeltoqsandaǵy №904 qaýlysymen bekitilgen
Qazaqstan Respýblıkasy Úkimetiniń
keıbir sheshimderine engiziletin ózgerister men tolyqtyrýlar
1. «Qazaqstan Respýblıkasy Ádilet mınıstrliginiń máseleleri» týraly Qazaqstan Respýblıkasy Úkimetiniń 2004 jylǵy 28 qazandaǵy №1120 qaýlysynda (Qazaqstan Respýblıkasynyń PÚAJ-y, 2004 j., №41, 532-qujat):
3-tarmaq alyp tastalsyn;
kórsetilgen qaýlymen bekitilgen Qazaqstan Respýblıkasy Ádilet mınıstrligi týraly erejede:
16-tarmaqta:
ortalyq apparattyń fýnksııalarynda:
mynadaı mazmundaǵy 9-1) tarmaqshamen tolyqtyrylsyn:
«9-1) Zań shyǵarý jumysynyń tujyrymdamalyq josparyn jáne zań jobalaý jumystarynyń aǵymdaǵy josparlaryn ázirleý;»;
12) tarmaqsha mynadaı redaksııada jazylsyn:
«12) Premer-Mınıstrdiń tapsyrmasy boıynsha múddeli memlekettik organdarmen birlese otyryp Qazaqstan Respýblıkasy Úkimetiniń normatıvtik quqyqtyq aktilerine resmı túsinik berý;»;
13), 14) tarmaqshalar alyp tastalsyn;
mynadaı mazmundaǵy 15-1) tarmaqshamen tolyqtyrylsyn:
«15-1) ortalyq atqarýshy jáne ózge de ortalyq memlekettik organdardyń, sondaı-aq máslıhattardyń, ákimdikterdiń, tekserý komıssııalarynyń jáne ákimderdiń normatıvtik quqyqtyq aktileriniń resmı jarııalanýyn baqylaý»;
40) tarmaqsha mynadaı redaksııada jazylsyn:
«40) biryńǵaı quqyqtyq aqparat júıesin qurý, ortalyq atqarýshy jáne ózge de ortalyq memlekettik organdarǵa anyqtamalyq-aqparattyq jumysta kómek kórsetý;».
2. «Qazaqstan Respýblıkasy Ykimetiniń Reglamenti týraly» Qazaqstan Respýblıkasy Úkimetiniń 2002 jylǵy 10 jeltoqsandaǵy № 1300 qaýlysynda (Qazaqstan Respýblıkasynyń PÚAJ-y, 2002 j., № 44, 443-qujat):
kórsetilgen qaýlymen bekitilgen Qazaqstan Respýblıkasy Ykimetiniń Reglamentinde:
25-tarmaqtyń birinshi bóligi mynadaı redaksııada jazylsyn:
«25. Úkimet májilisinde qaraýǵa daıyndalǵan memlekettik jáne orys tilderindegi materıaldar májiliske deıin kúntizbelik 7 (jeti) kúnnen keshiktirilmeı Keńsege engiziledi.»;
50-tarmaqta:
2) tarmaqshanyń birinshi bóliginde:
ekinshi abzas mynadaı redaksııada jazylsyn:
«tıisti normatıvtik quqyqtyq aktilerge jasalǵan siltemesi bar jobany qabyldaýdyń negizdemesi, Qazaqstan Respýblıkasy ratıfıkasııalaǵan halyqaralyq sharttardyń normalary, Qazaqstan Respýblıkasy qatysýshysy bolyp tabylatyn halyqaralyq uıymdardyń sheshimderi, Úkimet pen Keńse basshylyǵynyń hattamalyq jáne ózge de tapsyrmalary jáne/nemese ony qabyldaý qajettiliginiń basqa da negizdemeleri (Qazaqstan Respýblıkasy qatysýshysy bolyp tabylatyn halyqaralyq uıymdardyń sheshimderi, Úkimet pen Keńse basshylyǵynyń hattamalyq jáne ózge de tapsyrmalary túsindirme jazbaǵa qosa beriledi);»;
onynshy jáne on birinshi abzastar mynadaı redaksııada jazylsyn:
«qaýly jobasyn memlekettik organnyń ınternet-resýrsynda, sondaı-aq ashyq normatıvtik quqyqtyq aktilerdiń ınternet-portalynda ornalastyrý týraly aqparat (kúni, baıt sany);»;
taýar saýdasyna, kórsetiletin qyzmetterge nemese zııatkerlik menshik quqyqtaryna qatysty jobany, sondaı-aq áleýmettik máni bar qaýly jobasyna baspasóz relızin ýákiletti memlekettik organdardyń ınternet-resýrstarynda ornalastyrý týraly aqparat;»;
mynadaı mazmundaǵy abzaspen tolyqtyrylsyn:
«qaýly jobasynyń Qazaqstan Respýblıkasy ratıfıkasııalaǵan halyqaralyq sharttarǵa jáne Qazaqstan Respýblıkasy qatysýshysy bolyp tabylatyn halyqaralyq uıymdardyń sheshimderine sáıkestigi.»;
5) tarmaqsha mynadaı redaksııada jazylsyn:
«5) eger qaýly (ókim) jobasy jeke kásipkerlik sýbektileriniń múddelerin qozǵaıtyn bolsa, jobaǵa Qazaqstan Respýblıkasynyń Ulttyq kásipkerler palatasy men jeke kásipkerlik sýbektileriniń akkredıttelgen birlestikteriniń saraptama qorytyndylary qosa beriledi. Saraptama qorytyndysymen kelispegen jaǵdaıda qaýly (ókim) jobasyn ázirleýshi memlekettik organ saraptama qorytyndysymen kelispeý sebepteriniń jazbasha dáleldi negizdemelerin keltirýge tıis. Qazaqstan Respýblıkasy Ulttyq kásipkerler palatasy men jeke kásipkerlik sýbektileriniń akkredıttelgen birlestikteriniń qorytyndylary belgilengen merzimde usynylmaǵan jaǵdaıda olar qosa berilmeıdi;»;
mynadaı mazmundaǵy 5-1) tarmaqshamen tolyqtyrylsyn:
«5-1) eger qaýly (ókim) jobasy azamattardyń quqyqtaryn, bostandyqtary men mindetterin qozǵaıtyn bolsa, «Qoǵamdyq keńester týraly» Qazaqstan Respýblıkasynyń Zańynda memlekettik organda qoǵamdyq keńes qurý kózdelmegen jaǵdaılardy qospaǵanda, jobaǵa qoǵamdyq keńestiń usynymdary qosa beriledi. Usynymdarmen kelispegen jaǵdaıda jobany ázirleýshi memlekettik organ kelispeý sebepteriniń jazbasha dáleldi negizdemelerin keltirýge tıis. Qoǵamdyq keńestiń usynymdary belgilengen merzimde usynylmaǵan jaǵdaıda olar qosa berilmeıdi;»;
7) tarmaqsha mynadaı redaksııada jazylsyn:
«7) osy Reglamenttiń 4.2-bólimine sáıkes ózge memlekettik organdardyń qorytyndylary (kelispeýshilikter hattamasy, sondaı-aq kelisetin memlekettik organnyń eskertýleri boıynsha ózara qolaıly sheshim tabý maqsatynda ótkizilgen keńestiń hattamasy);»;
70-tarmaqtyń ekinshi bóligi mynadaı redaksııada jazylsyn:»;
«Úkimet qaýlylarynyń jobalary olardy Úkimet májilisinde qaraǵannan keıin úsh kúnniń ishinde Premer-Mınıstrdiń qol qoıýyna usynylýǵa tıis. Úkimet qaýlylary jobalarynyń Keńsede ótýiniń jalpy merzimi aldyn ala tekserýdi qospaǵanda – 20 (jıyrma) jumys kúninen, Premer-Mınıstr ókimderi – 15 (on bes) jumys kúninen aspaýǵa tıis. Úkimet basshylyǵynyń tapsyrmasymen ázirlengen shuǵyl jobalar boıynsha olardyń Keńsede ótýiniń ózge qysqartylǵan merzimi belgilenedi.»;
80-tarmaq mynadaı redaksııada jazylsyn:
«80. Úkimettiń zań shyǵarý qyzmeti Zań shyǵarý jumysynyń tujyrymdamalyq josparyna jáne Úkimettiń zań jobalaý jumystarynyń aǵymdaǵy josparlaryna sáıkes júzege asyrylady.»;
mynadaı mazmundaǵy 80-1-tarmaqshamen tolyqtyrylsyn:
«80-1. Zań shyǵarý jumysynyń tujyrymdamalyq jospary Parlamenttiń kezekti saılanymy kezeńine qabyldanady jáne olardyń sheńberinde Parlament sessııalary boıynsha zańnamalyq aktilerdiń jobalaryn (Parlamenttiń jáne onyń palatalarynyń qaýlylaryn qospaǵanda) daıyndaý boljanatyn zańnama salalaryn (aıasyn) kórsetedi.
Zań shyǵarý jumysynyń tujyrymdamalyq jospary Parlament palatalary men Úkimettiń toptastyrylǵan usynystarynyń negizinde jasalady.
Zań shyǵarý jumysynyń tujyrymdamalyq josparyn Ádilet mınıstrligi ázirleıdi, ony Úkimet Parlament palatalarynyń tóraǵalarymen kelisý úshin engizedi jáne Qazaqstan Respýblıkasynyń Prezıdenti bekitedi.
Zań shyǵarý jumysynyń tujyrymdamalyq josparyn iske asyrý maqsatynda Úkimet bir jylǵa jasalatyn zań jobalaý jumystarynyń aǵymdaǵy josparlaryn (budan ári – Jospar) bekitedi.»;
81-tarmaq mynadaı redaksııada jazylsyn:
«81. Aldaǵy jylǵa arnalǵan Jospardy qalyptastyrý Qazaqstan Respýblıkasy Prezıdentiniń tapsyrmalary men jyl saıynǵy Joldaýyn, Konstıtýsııalyq Keńestiń normatıvtik qaýlylary men jyl saıynǵy joldaýlaryn, Zań shyǵarý jumysynyń tujyrymdamalyq josparyn, memlekettik baǵdarlamalar men Úkimet bekitetin baǵdarlamalardy, memlekettik baǵdarlamalardy iske asyrý jónindegi is-sharalar josparlaryn, Úkimettiń sheshimderin, qabyldanýy Bıýdjet kodeksinde kózdelgen normatıvtik quqyqtyq aktilerdiń, zańdardyń quqyqtyq monıtorıngi nátıjelerin, sondaı-aq Premer-Mınıstrdiń sheshimderin eskere otyryp júzege asyrylady.»;
84-tarmaqtyń jetinshi bóligi mynadaı redaksııada jazylsyn:
«Qabyldanyp qoıǵan zań jobalaý jumystarynyń josparlaryna engiziletin ózgerister jáne (nemese) tolyqtyrýlar Keńse Basshysynyń ne ony almastyratyn adamnyń qoly qoıylyp, Prezıdent Ákimshiligine kelisýge usynylady. Aktiniń jobasyna zań jobalaý jumystarynyń josparlaryna engiziletin ózgerister men tolyqtyrýlar negizdelgen tıisti túsindirme jazba, sondaı-aq tıisti hattamalardyń kóshirmeleri, Qazaqstan Respýblıkasy Prezıdentiniń, Prezıdent Ákimshiligi men Úkimet basshylyǵynyń tıisti tapsyrmalarynyń kóshirmeleri mindetti túrde qosa beriledi.»;
84-1-tarmaqtyń birinshi bóligi mynadaı redaksııada jazylsyn:
«84-1. Premer-Mınıstrdiń nemese Keńseniń atyna Úkimettiń zań jobalaý jumystarynyń josparynda kózdelmegen zań jobasyn ázirleý týraly usynyspen júgingen jaǵdaıda, zań jobasyn ázirleýshi memlekettik organ aldyn ala tıisti zań jobasynyń tujyrymdamasyn ázirleıdi jáne Zań jobalaý qyzmeti máseleleri jónindegi vedomstvoaralyq komıssııada qaraý úshin Ádilet mınıstrligine usynady.»;
85-tarmaqta:
mynadaı mazmundaǵy ekinshi bólikpen tolyqtyrylsyn:
«Zań jobasyn ázirleýshi memlekettik organ shuǵyl jáne basym zań jobalaryn, sondaı-aq Prezıdenttiń tapsyrmalarynan týyndaıtyn zań jobalaryn daıyndaý, zań jobalarynyń Úkimette jáne Parlamentte ótkizilýi týraly aqparatty, sondaı-aq Jospardyń oryndalý barysy týraly esepti ár aıdyń 20-synan keshiktirilmeıtin merzimde Ádilet mınıstrligine beredi.»;
úshinshi bólik mynadaı redaksııada jazylsyn:
«Ádilet mınıstrligi aı saıyn Úkimettiń zań jobalaý qyzmetiniń barysyn qorytady jáne esepti aıdan keıingi aıdyń 1-ine qaraı Keńsege aǵymdaǵy Jospardyń oryndalý barysy týraly esepti, basym zań jobalary men Prezıdent tapsyrmasy boıynsha ázirlenetin zań jobalary jónindegi, josparlanǵan zań jobalarynyń memlekettik organdar men Parlamentte ótýi, sondaı-aq zań jobalaryn ázirleý merziminiń yqtımal buzylýy týraly aqparat beredi jáne zań jobalaryn ázirleý merziminiń buzylýyna kináli laýazymdy adamdardy jaýapkershilikke tartý týraly usynys engizedi.»;
88-tarmaq mynadaı redaksııada jazylsyn:
«88. Zań jobalaryn daıyndaý, resimdeý, kelisý, olarǵa daýys berý, sondaı-aq olar boıynsha kelispeýshilikterdi qaraý tártibi «Quqyqtyq aktiler týraly» Qazaqstan Respýblıkasynyń Zańynda, Qazaqstan Respýblıkasy Parlamentiniń Májilisi men Senatynyń reglamentterinde jáne osy Reglamentte kózdelgen ereksheliktermen Úkimet qaýlylarynyń jobalaryn engizý úshin belgilengen tártipke uqsas.»;
89-tarmaqtyń ekinshi bóligi mynadaı redaksııada jazylsyn:
«Parlament qaraýyna Úkimet engizetin zań jobalary boıynsha zań jobasynda retteletin quqyqtyq qatynastarǵa qaraı tıisti ǵylymı (quqyqtyq, lıngvıstıkalyq, ekonomıkalyq, ekologııalyq jáne basqa da) saraptamanyń júrgizilýi mindetti. Qabyldaýdyń boljamdy saldary ekologııalyq, onyń ishinde radıasııalyq qaýipsizdikke, qorshaǵan ortany qorǵaýǵa qater tóndirýi múmkin normatıvtik quqyqtyq aktilerdiń jobalaryna mindetti ekologııalyq saraptama júrgizilýge tıis.»;
90-tarmaqtyń birinshi bóligi mynadaı redaksııada jazylsyn:
«90. Zań jobasyn ázirleýshi memlekettik organ jobaǵa tıisti ǵylymı saraptama (onyń ishinde mindetti ǵylymı lıngvıstıkalyq saraptama) júrgizýdi qamtamasyz etedi, onyń nátıjeleri boıynsha qorytyndy usynymdyq sıpatta bolady (barlyq zańdy jáne jeke tulǵalardyń oryndaýy úshin mindetti memlekettik ekologııalyq saraptamanyń qorytyndysyn qospaǵanda).»;
93-tarmaq mynadaı redaksııada jazylsyn:
«93. Zań jobalaryn Keńsege engizý tártibi «Quqyqtyq aktiler týraly» Qazaqstan Respýblıkasynyń Zańynda, Qazaqstan Respýblıkasy Parlamentiniń Májilisi men Senatynyń reglamentterinde jáne osy Reglamentte kózdelgen ereksheliktermen Úkimet qaýlylarynyń jobalaryn engizý úshin belgilengen tártipke uqsas.»;
95-tarmaqta:
11) tarmaqsha mynadaı redaksııada jazylsyn:
«11) eger zań jobasy jeke kásipkerlik sýbektileriniń múddelerin qozǵaıtyn bolsa, zań jobasyna Qazaqstan Respýblıkasynyń Ulttyq kásipkerler palatasy men salalyq múddeleri zań jobasynda tikeleı qozǵalatyn jeke kásipkerlik sýbektileriniń akkredıttelgen birlestikteriniń saraptamalyq qorytyndylary qosa beriledi. Zań jobasyn ázirleýshi memlekettik organ saraptamalyq qorytyndymen kelispegen jaǵdaıda, saraptamalyq qorytyndyǵa kelispeý sebepteriniń jazbasha dáleldengen negizdemesin keltirýge tıis. Ulttyq kásipkerler palatasy men jeke kásipkerlik sýbektileriniń akkredıttelgen birlestikteriniń saraptamalyq qorytyndylary belgilengen merzimde usynylmaǵan jaǵdaıda olar qosa berilmeıdi.»;
mynadaı mazmundaǵy 11-1) tarmaqshamen tolyqtyrylsyn:
«11-1) eger zań jobasy azamattardyń quqyqtaryn, bostandyqtary men mindetterin qozǵaıtyn bolsa, «Qoǵamdyq keńester týraly» Qazaqstan Respýblıkasynyń Zańynda memlekettik organda qoǵamdyq keńes qurý kózdelmegen jaǵdaılardy qospaǵanda, zań jobasyna qoǵamdyq keńestiń usynymdary qosa beriledi. Usynymdarmen kelispegen jaǵdaıda, zań jobasyn ázirleýshi memlekettik organ kelispeý sebepteriniń jazbasha dáleldengen negizdemesin keltirýge tıis. Qoǵamdyq keńestiń usynymdary belgilengen merzimde usynylmaǵan jaǵdaıda olar qosa berilmeıdi;»;
mynadaı mazmundaǵy 19) tarmaqshamen tolyqtyrylsyn:
«19) aqparattandyrý salasyndaǵy ýákiletti organ belgilegen nysan boıynsha zań jobasyn jarııa talqylaýdyń aıaqtalǵany týraly esepti qamtýǵa tıis.»;
105-tarmaqta:
birinshi bólik mynadaı redaksııada jazylsyn:
«105. Parlament depýtattary bastamashylyq jasaǵan, Úkimetke kelip túsken, onyń ishinde respýblıkalyq jáne jergilikti bıýdjetterdiń jáne (nemese) Ulttyq qordyń túsimderin qysqartýdy nemese shyǵystaryn ulǵaıtýdy kózdeıtin zań jobalary boıynsha Úkimet Parlamentke osy Reglamentke 8-qosymshaǵa sáıkes nysan boıynsha memlekettik jáne orys tilderinde qorytyndy usynady.»;
besinshi bólik mynadaı redaksııada jazylsyn:
«Úkimet qorytyndysynyń jobasyn Vedomstvoaralyq komıssııanyń usynystaryn eskere otyryp, zań jobasynda retteletin qatynastar quzyretine kiretin memlekettik organ ázirleıdi. Qorytyndynyń jobasy memlekettik jáne orys tilderinde daıyndalady jáne kelip túsken kúninen bastap 3 jumys kúninen aspaıtyn merzimde mindetti túrde Ádilet, Ulttyq ekonomıka, Qarjy mınıstrlikterimen kelisiledi (olardyń birinshi basshylary buryshtama qoıady ne memlekettik organnyń birinshi basshysy qol qoıǵan tıisti hat beriledi). Qajet bolǵan kezde ázirleýshi qorytyndynyń jobasyna respýblıkalyq jáne jergilikti bıýdjetterdiń jáne (nemese) Ulttyq qordyń túsimderin yqtımal qysqartý nemese shyǵystaryn yqtımal ulǵaıtý bóliginde qarjy-ekonomıkalyq esepterdi qosa beredi.»;
jetinshi bólik mynadaı redaksııada jazylsyn:
«Osy Reglamentke sáıkes daıyndalǵan Parlament depýtattary bastamashylyq jasaǵan zań jobalaryna Úkimet qorytyndylarynyń jobalaryn Keńsege engizgen kezde ázirleýshi olarǵa Vedomstvoaralyq komıssııanyń hattamalyq sheshiminiń kóshirmesin, eger qorytyndynyń jobasynda olardyń vızalary bolmasa, memlekettik organnyń birinshi basshysynyń qoly qoıylǵan, Ádilet, Ulttyq ekonomıka jáne Qarjy mınıstrlikteri hattarynyń kóshirmelerin qosa beredi, sondaı-aq qajet bolǵan kezde ázirleýshi qorytyndynyń jobasyna respýblıkalyq jáne jergilikti bıýdjetterdiń jáne (nemese) Ulttyq qordyń túsimderin yqtımal qysqartý nemese shyǵystaryn yqtımal ulǵaıtý bóliginde qarjy-ekonomıkalyq esepterdi qosa beredi.»;
108-1-tarmaqtyń tórtinshi bóligi mynadaı redaksııada jazylsyn:
«Úkimettiń Parlamenttegi ókildigi Reglamenttiń osy tarmaǵy talaptarynyń oryndalýyn baqylaýdy júzege asyrady jáne belgilengen talaptar buzylǵan jaǵdaıda, bul týraly Premer-Mınıstrdi jáne Keńse Basshysyn habardar etedi, sondaı-aq merzimdi túrde osyndaı faktiler týraly aqparatty jınaqtaıdy.»;
109-tarmaq mynadaı redaksııada jazylsyn:
«109. Osy Reglamenttiń 108 jáne 108-1-tarmaqtarynyń talaptaryn oryndaý úshin ýákiletti memlekettik organdar Úkimet basshylyǵynyń atyna zań jobalaryna engiziletin túzetýlerdi kelisý týraly ótinishpen hat jiberedi.
Bul rette zań jobasyn ázirleýshi nemese múddeli memlekettik organ zań jobasyna engiziletin ózgerister men tolyqtyrýlardy salystyrma keste túrinde ázirleýshiniń aldyn ala ustanymyn qamtıtyn qysqasha túıindememen birge Keńsege engizedi, olardy Úkimet basshylyǵy osy ózgerister men tolyqtyrýlar boıynsha Úkimettiń biryńǵaı ustanymyn ázirleý úshin Ádilet, Ulttyq ekonomıka jáne Qarjy mınıstrlikterine, sondaı-aq basqa da múddeli memlekettik organdarǵa jiberedi.
Birlesip oryndaýshylar retinde aıqyndalǵan memlekettik organdar zań jobasyna engiziletin túzetýlerge óz usynystaryn nemese qarsylyqtaryn, eger tapsyrmada ózge merzim kórsetilmese, kúntizbelik 7 (jeti) kún ishinde ázirleýshi memlekettik organǵa jiberedi.
Qajet bolǵan kezde zań jobasyn ázirleýshi memlekettik organ nemese múddeli memlekettik organ biryńǵaı ustanymdy qalyptastyrý úshin tıisti ózgerister men tolyqtyrýlardy Respýblıkalyq bıýdjet komıssııasynyń ne Úkimet janyndaǵy konsýltasııalyq-keńesshi organdardyń qaraýyna jiberedi.
Zań jobasyn ázirleýshi memlekettik organ nemese múddeli memlekettik organ eger tapsyrmada ózge merzim kórsetilmese, kúntizbelik 7 (jeti) kún ishinde zań jobasyna engiziletin barlyq ózgerister men tolyqtyrýlar boıynsha Úkimettiń biryńǵaı ustanymyn qalyptastyrady jáne Keńsege engizedi.
Qalyptastyrylǵan ustanymdy Úkimet basshylyǵynyń qaraý nátıjeleri Parlamentte zań jobasymen jumys isteý kezinde olardy odan ári eskerý úshin tıisti tapsyrmamen ázirleýshi memlekettik organnyń, múddeli memlekettik organnyń jáne birlesip oryndaýshy memlekettik organdardyń nazaryna jetkiziledi.
Úkimet basshylyǵynyń tapsyrmasyn ýákiletti memlekettik organdar Parlament palatalarynda múltiksiz oryndaýǵa tıis.»;
109-1-tarmaqta:
birinshi bólik mynadaı redaksııada jazylsyn:
«109-1. Úkimet bastamashylyq jasaǵan zań jobasyna Parlament depýtattary túzetýler engizgen jaǵdaıda (onyń ishinde onyń tujyrymdamasyn ózgertýge baılanysty, respýblıkalyq jáne jergilikti bıýdjetterdiń jáne (nemese) Ulttyq qordyń túsimderin qysqartý nemese shyǵystaryn ulǵaıtý), Úkimet basshylyǵynyń nemese Keńse Basshysynyń tapsyrmasy boıynsha zań jobasyn ázirleýshi memlekettik organ osy Reglamentke 9-qosymshaǵa sáıkes nysan boıynsha Úkimet qorytyndysynyń jobasyn ázirleıdi.»;
mynadaı mazmundaǵy ekinshi bólikpen tolyqtyrylsyn:
«Parlament depýtattary bastamashylyq jasaǵan zań jobalary boıynsha Parlament depýtattarynyń túzetýlerine Úkimettiń qorytyndysy osy Reglamentke 9-qosymshaǵa sáıkes nysan boıynsha usynylady.»;
109-3-tarmaqtyń birinshi bóligi mynadaı redaksııada jazylsyn:
«109-3. Ýákiletti memlekettik organdar Parlament palatalarynyń otyrystaryna qatysý barysynda Úkimet jáne basqa da zańnamalyq bastama sýbektileri bastamashylyq jasaǵan zań jobalaryna depýtattardyń túzetýleri boıynsha Úkimet qorytyndysynda kórsetilgen onyń biryńǵaı ustanymyn qatań saqtaýǵa mindetti.»;
111-tarmaq mynadaı mazmundaǵy ekinshi bólikpen tolyqtyrylsyn:
«Zań jobalaryn jáne Úkimettiń qyzmetine qatysty basqa da máselelerdi Parlament palatalarynda qaraý kezinde Úkimet ustanymyn iske asyrý maqsatynda О́kildik zań jobalaý jáne ózge de jumys máseleleri boıynsha ýákiletti memlekettik organdardyń Parlament depýtattarymen konsýltasııalar, jumys keńesterin ótkizýge bastamashylyq jasaýǵa, qajet bolǵan kezde olardan Parlament palatalaryna jumys toptarynyń, palatalar komıtetteriniń otyrystaryna qatysý úshin laýazymdy adamdardyń kandıdatýralaryn, tıisti qujattardy usynýdy suratýǵa, sondaı-aq óz quzyreti sheginde ózge de jumysty júrgizýge quqyly.»;
113-1-tarmaq mynadaı redaksııada jazylsyn:
«113-1. Zańǵa táýeldi aktilerdi sapaly jáne ýaqtyly ázirleý maqsatynda Parlament Májilisi zań jobasyn maquldaǵan kúnnen bastap 15 (on bes) jumys kúni ishinde ázirleýshi memlekettik organ (nemese óziniń quzyretine oraı) múddeli memlekettik organdarǵa tıisti zańǵa táýeldi aktilerdiń (Prezıdent, Úkimet aktileriniń, sondaı-aq «Quqyqtyq aktiler týraly» Qazaqstan Respýblıkasy Zańynyń 7-baby 2-tarmaǵynyń 6), 7), 8), 9) tarmaqshalarynda kózdelgen, memlekettik tirkelýge tıis normatıvtik quqyqtyq aktilerdiń) jobalaryn qaraý úshin joldaıdy.»;
128-tarmaqtyń birinshi bóligi mynadaı redaksııada jazylsyn:
«128. Memlekettik organdar men uıymdarda Prezıdenttiń, Premer-Mınıstrdiń, Premer-Mınıstr orynbasarlarynyń, Keńse Basshysynyń aktileri men tapsyrmalarynyń oryndalýyn baqylaýdy myna laýazymdy adamdar júzege asyrady:
1) memlekettik organ men uıymnyń birinshi basshysy aktiler men tapsyrmalardyń ýaqtyly jáne sapaly oryndalýyna jalpy basshylyq pen baqylaýdy júzege asyrady;
2) memlekettik organnyń jaýapty hatshysy, apparat basshysy aktiler men tapsyrmalardyń oryndalýyn jáne oryndaýshylyq tártiptiń saqtalýyn baqylaýdy uıymdastyrady, memlekettik organ bólimsheleriniń tıimdi ózara is-qımyl jasaýyn qamtamasyz etedi;
3) memlekettik organ men uıymnyń birinshi basshysynyń orynbasarlary jetekshilik etetin jumys baǵyttary boıynsha aktiler men tapsyrmalardyń sapaly oryndalýyn qamtamasyz etedi.»;
131-tarmaqtyń 6) tarmaqshasy mynadaı redaksııada jazylsyn:
«6) memlekettik organdar men uıymdarǵa tapsyrmalary bar Úkimettiń qaýlylary, Premer-Mınıstrdiń ókimderi, Úkimet májilisteriniń, Premer-Mınıstrde, onyń orynbasarlarynda, Keńse Basshysynda ótken keńesterdiń hattamalary, Premer-Mınıstrdiń, onyń orynbasarlarynyń, Keńse Basshysynyń tapsyrmalary, onyń ishinde halyqaralyq, sondaı-aq óńirlik saparlardyń qorytyndylary boıynsha tapsyrmalary;»;
138-tarmaq mynadaı redaksııada jazylsyn:
«138. Eger Úkimet tapsyrmalaryn birlesip oryndaýshylar belgilengen merzimde jınaqtaýdy júzege asyratyn memlekettik organǵa ózderiniń usynystaryn bermegen jáne ol birlesip oryndaýshy memlekettik organnyń belgilengen merzimde tıisti aqparatty bermegeni týraly aqparatty usynǵan jaǵdaıda, oryndaý merziminiń buzylǵanyna birlesip oryndaýshy memlekettik organ ǵana jaýapty bolady.»;
141-tarmaqtyń besinshi bóligi mynadaı redaksııada jazylsyn:
«Tapsyrmalardy birneshe memlekettik organ oryndaǵan kezde ataýynyń qatarynda «(jınaqtaý)» nemese «jınaq» degen belgi qoıylǵan organ jaýapty bolyp tabylady. Onyń birlesip oryndaýshylarmen kelisilgennen keıin oryndalý merzimin aýystyrý týraly usynys engizýge quqyǵy bar. «(Jınaqtaý)» nemese «jınaq» degen belgiler bolmaǵan jaǵdaıda, tapsyrmada kórsetilgen memlekettik organdar Keńsege aqparatty ózdiginen engizedi.»;
kórsetilgen Reglamentke 1-qosymsha osy qaýlyǵa 1-qosymshaǵa sáıkes jańa redaksııada jazylsyn;
kórsetilgen Reglament osy qaýlyǵa 2, 3-qosymshalarǵa sáıkes 8, 9-qosymshalarmen tolyqtyrylsyn.
3. «Qazaqstan Respýblıkasy memlekettik organdarynyń zań qyzmetteri týraly úlgi erejeni bekitý týraly» Qazaqstan Respýblıkasy Úkimetiniń 2006 jylǵy 9 qarashadaǵy № 1072 qaýlysynda (Qazaqstan Respýblıkasynyń PÚAJ-y, 2006 j., № 41, 454-qujat):
kórsetilgen qaýlymen bekitilgen Qazaqstan Respýblıkasy memlekettik organdarynyń zań qyzmetteri týraly úlgi erejede:
8-tarmaqtyń on birinshi abzasy mynadaı redaksııada jazylsyn:
«memlekettik organnyń norma shyǵarmashylyq qyzmetin, normatıvtik quqyqtyq aktiler jobalarynyń, sondaı-aq «Quqyqtyq aktiler týraly» Qazaqstan Respýblıkasy Zańynyń 7-baby 2-tarmaǵynyń 6), 7), 8), 9) tarmaqshalarynda kózdelgen, ádilet organdarynda memlekettik tirkelýge tıis normatıvtik quqyqtyq aktilerdiń zań saraptamasynyń nátıjeleri boıynsha Ádilet mınıstrliginiń eskertýlerin turaqty negizde taldaıdy jáne taldaý nátıjeleri boıynsha memlekettik organnyń birinshi basshysyna, sondaı-aq ortalyq atqarýshy organnyń jaýapty hatshysyna (belgilengen tártippen ortalyq atqarýshy organnyń jaýapty hatshysynyń ókilettikteri júktelgen laýazymdy adamǵa) ony jetildirý jáne anyqtalǵan kemshilikterdi joıý jóninde usynystar engizedi jáne jylyna eki ret jartyjyldyqtan keıingi aıdyń 10-na deıin Ádilet mınıstrligine júrgizilgen taldaý jáne qabyldanǵan sharalar týraly aqparat jiberedi;».
4. «Qazaqstan Respýblıkasy mınıstrleriniń jáne ortalyq memlekettik organdardyń ózge de basshylarynyń, vedomstvolar basshylarynyń normatıvtik quqyqtyq buıryqtaryn, ortalyq memlekettik organdardyń normatıvtik quqyqtyq qaýlylaryn, Ortalyq saılaý komıssııasynyń normatıvtik qaýlylaryn, máslıhattardyń normatıvtik quqyqtyq sheshimderin, sondaı-aq ákimdikterdiń normatıvtik quqyqtyq qaýlylary men ákimderdiń normatıvtik quqyqtyq sheshimderin resmı jarııalaý júzege asyrylatyn ınternet-resýrsty aıqyndaý jáne Qazaqstan Respýblıkasy Úkimetiniń keıbir sheshimderine ózgerister engizý týraly» Qazaqstan Respýblıkasy Úkimetiniń 2013 jylǵy 21 qazandaǵy № 1124 qaýlysynda (Qazaqstan Respýblıkasynyń PÚAJ-y, 2013 j., № 62, 839-qujat):
taqyryp mynadaı redaksııada jazylsyn:
«Ortalyq atqarýshy jáne ózge de ortalyq memlekettik organdardyń, ortalyq memlekettik organdardyń vedomstvolary basshylarynyń, sondaı-aq máslıhattardyń, ákimdikterdiń, ákimderdiń, tekserý komıssııalarynyń normatıvtik quqyqtyq aktilerin resmı jarııalaý júzege asyrylatyn ınternet-resýrsty aıqyndaý týraly»;
1-tarmaq mynadaı redaksııada jazylsyn:
«1. «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń (budan ári – Respýblıkalyq quqyqtyq aqparat ortalyǵy) «Ádilet» aqparattyq-quqyqtyq júıesi memlekettik qupııalar jáne ózge de zańmen qorǵalatyn qupııa qamtylǵan normatıvtik quqyqtyq aktilerdi, sondaı-aq «Qyzmettik paıdalaný úshin», «Baspasózde jarııalaýsyz», «Baspasózge arnalmaǵan» degen belgileri bar normatıvtik quqyqtyq aktilerdi qospaǵanda, Qazaqstan Respýblıkasy mınıstrleriniń jáne ortalyq memlekettik organdardyń ózge de basshylarynyń, ortalyq memlekettik organdardyń vedomstvolary basshylarynyń normatıvtik quqyqtyq buıryqtaryn, Qazaqstan Respýblıkasy Ortalyq saılaý komıssııasynyń, Respýblıkalyq bıýdjettiń atqarylýyn baqylaý jónindegi esep komıtetiniń, Qazaqstan Respýblıkasy Ulttyq Bankiniń jáne ózge de ortalyq memlekettik organdardyń normatıvtik quqyqtyq qaýlylaryn, máslıhattardyń normatıvtik quqyqtyq sheshimderin, ákimdikterdiń normatıvtik quqyqtyq qaýlylaryn, ákimderdiń normatıvtik quqyqtyq sheshimderin, tekserý komıssııalaryn normatıvtik quqyqtyq qaýlylaryn resmı jarııalaý júzege asyrylatyn ınternet-resýrs retinde aıqyndalsyn.»;
2-tarmaqtyń 2) tarmaqshasynyń ekinshi jáne úshinshi abzastary mynadaı redaksııada jazylsyn:
«Qazaqstan Respýblıkasy mınıstrleriniń jáne ortalyq memlekettik organdardyń ózge de basshylarynyń, ortalyq memlekettik organdardyń vedomstvolary basshylarynyń normatıvtik quqyqtyq buıryqtarynyń, Qazaqstan Respýblıkasy Ortalyq saılaý komıssııasynyń, Respýblıkalyq bıýdjettiń atqarylýyn baqylaý jónindegi esep komıtetiniń, Qazaqstan Respýblıkasy Ulttyq Bankiniń jáne ózge de ortalyq memlekettik organdardyń normatıvtik quqyqtyq qaýlylarynyń kóshirmelerin – Respýblıkalyq quqyqtyq aqparat ortalyǵyna;
máslıhattardyń normatıvtik quqyqtyq sheshimderiniń, sondaı-aq ákimdikterdiń normatıvtik quqyqtyq qaýlylarynyń, ákimderdiń normatıvtik quqyqtyq sheshimderiniń, tekserý komıssııalarynyń normatıvtik quqyqtyq qaýlylarynyń kóshirmelerin Respýblıkalyq quqyqtyq aqparat ortalyǵynyń tıisti aýmaqtyq bólimshelerine «Ádilet» aqparattyq-quqyqtyq júıesinde resmı jarııalaý úshin jiberýdi;»;
3-tarmaqta:
1) tarmaqsha mynadaı redaksııada jazylsyn:
«1) jarııalaný kúni men aqparattyq-quqyqtyq júıeniń ataýyn kórsete otyryp, grafıkalyq formatta qazaq jáne orys tilderinde kelip túsetin «Quqyqtyq aktiler týraly» Qazaqstan Respýblıkasy Zańynyń 7-baby 2-tarmaǵynyń 6), 7), 8), 9) tarmaqshalarynda kórsetilgen memlekettik organdardyń normatıvtik quqyqtyq aktilerin bes jumys kúni ishinde resmı jarııalaýdy;»;
2) tarmaqshanyń ekinshi jáne úshinshi abzastary mynadaı redaksııada jazylsyn:
«Qazaqstan Respýblıkasy mınıstrleriniń jáne ortalyq memlekettik organdardyń ózge de basshylarynyń, ortalyq memlekettik organdardyń vedomstvolary basshylarynyń normatıvtik quqyqtyq buıryqtarynyń, Qazaqstan Respýblıkasy Ortalyq saılaý komıssııasynyń, Respýblıkalyq bıýdjettiń atqarylýyn baqylaý jónindegi esep komıtetiniń, Qazaqstan Respýblıkasy Ulttyq Bankiniń jáne ózge de ortalyq memlekettik organdardyń normatıvtik quqyqtyq qaýlylarynyń tizbesin – Qazaqstan Respýblıkasynyń Ádilet mınıstrligine;
máslıhattardyń normatıvtik quqyqtyq sheshimderiniń, sondaı-aq ákimdikterdiń normatıvtik quqyqtyq qaýlylarynyń, ákimderdiń normatıvtik quqyqtyq sheshimderiniń, tekserý komıssııalarynyń normatıvtik quqyqtyq qaýlylarynyń tizbesin Respýblıkalyq quqyqtyq aqparat ortalyǵynyń tıisti aýmaqtyq bólimshelerine berýdi;».
5. «Qazaqstan Respýblıkasy qurylys salasynyń normatıvtik bazasyn reformalaý jónindegi tujyrymdamany bekitý týraly» Qazaqstan Respýblıkasy Úkimetiniń 2013 jylǵy 31 jeltoqsandaǵy № 1509 qaýlysynda:
kórsetilgen qaýlymen bekitilgen Qazaqstan Respýblıkasy qurylys salasynyń normatıvtik bazasyn reformalaý jónindegi tujyrymdamada:
2-bólimniń «Qazaqstan Respýblıkasy qurylys salasynyń normatıvtik bazasyn reformalaýdy iske asyrý quraldary» degen 3-taraýynyń úshinshi bóligi mynadaı redaksııada jazylsyn:
«Osyǵan baılanysty qurylys salasyndaǵy qoldanystaǵy memlekettik normatıvter (memlekettik normatıvtik qujattar) Qazaqstan Respýblıkasynyń Kásipkerlik kodeksine jáne «Quqyqtyq aktiler týraly» Qazaqstan Respýblıkasynyń Zańyna sáıkes qaıta qaralatyn bolady.».
6. «Qazaqstan Respýblıkasy normatıvtik quqyqtyq aktileriniń memlekettik tizilimin, Qazaqstan Respýblıkasy normatıvtik quqyqtyq aktileriniń etalondyq baqylaý bankin júrgizýdi júzege asyratyn memlekettik kásiporyndy aıqyndaý jáne «Qazaqstan Respýblıkasy normatıvtik quqyqtyq aktileriniń memlekettik tizilimin, normatıvtik quqyqtyq aktileriniń etalondyq baqylaý bankin júrgizý qaǵıdalaryn bekitý týraly» Qazaqstan Respýblıkasy Úkimetiniń 2006 jylǵy 29 sáýirdegi № 343 qaýlysyna ózgeris engizý týraly» Qazaqstan Respýblıkasy Úkimetiniń 2014 jylǵy 30 qyrkúıektegi № 1045 qaýlysynda (Qazaqstan Respýblıkasynyń PÚAJ-y, 2014 j., № 59-60, 564-qujat):
taqyryp mynadaı redaksııada jazylsyn:
«Qazaqstan Respýblıkasy normatıvtik quqyqtyq aktileriniń memlekettik tizilimin, Qazaqstan Respýblıkasy normatıvtik quqyqtyq aktileriniń etalondyq baqylaý bankin júrgizýdi júzege asyratyn memlekettik kásiporyndy aıqyndaý týraly»;
kirispe mynadaı redaksııada jazylsyn:
«Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańynyń 53-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:»;
3-tarmaq mynadaı redaksııada jazylsyn:
«3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.».
Qazaqstan Respýblıkasy Úkimetiniń
2016 jylǵy 29 jeltoqsandaǵy №904 qaýlysyna 1-qosymsha
Qazaqstan Respýblıkasy Úkimetiniń
2002 jylǵy 10 jeltoqsandaǵy №1300 qaýlysyna 1-qosymsha
«________________________________________________________»
(jobanyń ataýy)
Qazaqstan Respýblıkasy Úkimeti qaýlysynyń jobasyna túsindirme jazba
R/s
№ Túsindirme jazbada kórsetilýge
tıis málimetterdiń tizbesi Ázirleýshi memlekettik organnyń aqparaty
1. Jobany ázirleýshi memlekettik organ
2. Tıisti normatıvtik quqyqtyq aktilerge, Qazaqstan Respýblıkasy ratıfıkasııalaǵan halyqaralyq sharttardyń normalaryna, sondaı-aq Qazaqstan Respýblıkasy qatysýshysy bolyp tabylatyn halyqaralyq uıymdardyń sheshimderine, Úkimet pen Keńse basshylyǵynyń hattamalyq jáne ózge de tapsyrmalaryna silteme jasaı otyryp, jobany qabyldaýdyń negizdemesi jáne/nemese ony qabyldaý qajettiliginiń basqa da negizdemesi
3. Joba boıynsha qarjylyq shyǵyndardyń qajettiligi jáne onyń qarjylyq qamtamasyz etilýi, onyń ishinde qarjylandyrý kózi, sondaı-aq qajet bolǵan jaǵdaıda Respýblıkalyq bıýdjet komıssııasynyń sheshimi (tıisti esepteýler, qarjylandyrý kózine silteme, Respýblıkalyq bıýdjet komıssııasy sheshiminiń kóshirmesi mindetti túrde túsindirme jazbaǵa qosa beriledi)
4. Joba qabyldanǵan jaǵdaıda boljanatyn áleýmettik-ekonomıkalyq jáne/nemese quqyqtyq saldarlar
5. Naqty maqsattar, kútiletin nátıjelerdiń merzimi
6. Jobada qaralatyn máseleler boıynsha Prezıdenttiń jáne/nemese Úkimettiń buryn qabyldanǵan aktileri jáne olardyń iske asyrylý nátıjeleri týraly málimetter
7. Engiziletin joba qabyldanǵan jaǵdaıda zańnamany oǵan sáıkes keltirý qajettigi (basqa normatıvtik quqyqtyq aktilerdi qabyldaýdyń nemese qoldanystaǵy aktilerge ózgerister jáne/nemese tolyqtyrýlar engizýdiń talap etiletinin kórsetý) ne ondaı qajettiliktiń bolmaýy
8. Retteýshilik áserge taldaý júrgizý nátıjeleri týraly aqparat (ol bar bolsa)
9. Jobanyń Qazaqstan Respýblıkasy ratıfıkasııalaǵan halyqaralyq sharttarǵa jáne Qazaqstan Respýblıkasy qatysýshysy bolyp tabylatyn halyqaralyq uıymdardyń sheshimderine sáıkestigi
10 Premer-Mınıstrdiń tapsyrmasy boıynsha basqa uıymdarda qosymsha saraptama (quqyqtyq, lıngvıstıkalyq, ekonomıkalyq, ekologııalyq, qarjy jáne basqa da) júrgizilgen jaǵdaıda, onyń nátıjeleri
11.* Qazaqstan Respýblıkasy Premer-Mınıstri Keńsesiniń Basshysy men Qazaqstan Respýblıkasy Baılanys jáne aqparat mınıstriniń 2011 jylǵy 20 mamyrdaǵy № 25-1-32qpú/22P-qpú birlesken buıryǵymen bekitilgen «Qazaqstan Respýblıkasy Úkimetiniń mobıldik keńsesi» aqparattyq júıesinde berýge ruqsat etilgen qyzmettik aqparat tizbesine sáıkes memlekettik qupııa jáne (nemese) qyzmettik aqparat qamtylǵan jobalardy qospaǵanda, jobalardy jáne olarǵa materıaldardy Úkimet músheleriniń mobıldik qurylǵylaryna «Qazaqstan Respýblıkasy Úkimetiniń mobıldik keńsesi» aqparattyq júıesi arqyly berý múmkindigi
12.** Jobany memlekettik organnyń ınternet-resýrsynda (veb-saıtta, ınternet-portalda, sondaı-aq ashyq normatıvtik quqyqtyq aktilerdiń ınternet-portalynda ornalastyrý týraly aqparat (kúni, baıt sany)
13.** Taýarlardy satýǵa, kórsetiletin qyzmetterge nemese zııatkerlik menshik quqyqtaryna qatysty jobany, sondaı-aq áleýmettik máni bar qaýlynyń jobasyna baspasóz relızin ornalastyrý týraly aqparat ýákiletti memlekettik organdardyń ınternet-resýrstarynda ornalastyrylady
14.*** Halyqaralyq shartty ratıfıkasııalaý qajettiligi týraly aqparat
* Qazaqstan Respýblıkasy Premer-Mınıstri Keńsesiniń Basshysy men Qazaqstan Respýblıkasy Baılanys jáne aqparat mınıstriniń 2011 jylǵy 20 mamyrdaǵy № 25-1-32qpú/22P-qpú birlesken buıryǵymen bekitilgen «Qazaqstan Respýblıkasy Úkimetiniń mobıldik keńsesi» aqparattyq júıesinde berýge ruqsat etilgen qyzmettik aqparat tizbesin eskere otyryp, ázirleýshi memlekettik organ basshysynyń sheshimi boıynsha.
** «Qyzmet babynda paıdalaný úshin» degen belgisi bar taratylýy shektelgen málimetterdi jáne/nemese qyzmettik aqparatty qospaǵanda.
*** Qazaqstan Respýblıkasynyń halyqaralyq sharttary jasalǵan kezde toltyrylady.
Memlekettik organnyń
birinshi basshysy _____________/______________________
qoly qoldyń tolyq jazylýy
__________________
kúni
Qazaqstan Respýblıkasy Úkimetiniń
2016 jylǵy 29 jeltoqsandaǵy №904 qaýlysyna 2-qosymsha
Qazaqstan Respýblıkasy Úkimetiniń Reglamentine 8-qosymsha
Qazaqstan Respýblıkasy
Parlamentiniń Májilisi/Senaty
Qazaqstan Respýblıkasy Parlamentiniń depýtattary bastamashylyq jasaǵan «____