SpaceX jáne Tesla Motors kompanııalarynyń negizin qalaýshy Ilon Mask Neuralink atty jańa kompanııa qurmaq.
Bul kompanııa adam jadysyndaǵy málimetterdi kompıýterge kóshiretin tehnologııa shyǵarmaq, dep jazady The Wall Street Journal.
Basylymnyń málimetinshe, kompanııa "neırondy shilter" tehnologııasy arqyly elektrodtardy mıǵa ımplantasııalaıdy. Osylaısha, adamdar óz mılaryndaǵy málimetti kompıýterge kóshirip nemese kompıýterdegi málimetti mıyna júktep ala alady.
Sonymen qatar, osy ádis arqyly mıǵa qatysty keı aýrý túrlerin de emdeýge jol ashylmaq.
Neuralink kompanııasy 2016 jyldyń shilde aıynda tirkeldi. Maskpen qatar bul kompanııanyń teń quqyly negizin qalaýshy amerıkalyq kásipker Maks Hodak ta bar. Onyń aıtýynsha, kompanııa jumysqa endi kirisip jatyr.