Memleket basshysy kezdesý barysynda DIFC qyzmetimen jáne ortalyqtyń budan ári qaraı damý perspektıvasymen tanysty, dep habarlaıdy Aqordanyń resmı saıty.
Qazaqstan Prezıdentine Dýbaı halyqaralyq qarjy ortalyǵy qurylǵan kezeńnen beri onyń Dýbaı qalasynyń ishki jalpy ónimine qosqan úlesi 8%-ǵa jetkeni týraly málimet berildi.
Nursultan Nazarbaev Astana halyqaralyq qarjy ortalyǵynyń jumysyn uıymdastyrý barysynda bizdiń elimiz Birikken Arab Ámirlikteriniń tájirıbesin zerttep, qoldanyp otyrǵanyn atap ótti. Sondaı-aq, ortalyqtyń jumysyn odan ári tıimdi júrgizý maqsatymen birqatar sharalar iske asyrylǵanyn aıtty.
Qazaqstan Prezıdenti Astana ortalyǵy bazasynda qurylatyn Eýrazııa aımaǵyndaǵy jetekshi qarjy qurylymy retinde Astana halyqaralyq qarjy ortalyǵyn damytý jónindegi óz oılaryn ortaǵa saldy.
Kelissóz sońynda taraptar ekijaqty yntymaqtastyqtyń nátıjeleri men odan ári damý perspektıvalaryn talqylady.