Jarystyń aldynda uıymdastyrýshylar júldeler jaıynda jáne dopıng máseleleri týraly aıtyp berdi, - dep habarlaıdy Vesti.kz.
"Qazaq halqy úshin jeti sany árqashanda kıeli boldy. Bizdi qoldaǵan seriktesterge úlken alǵys bildiremiz. Qazaq kúresi basqa kúres túrlerimen salystyrǵanda kóleńkede bolyp keldi, al qazirgi ýaqytta ol óziniń laıyqty deńgeıine jetti dep oılaımyn. Bıyl jańa ózgerister engizdik, endigi kezekte "Ásker Barysy" týrnıriniń jeńimpazdary da bólek marapattalady", - dedi qazaq kúresi Federasııasynyń prezıdenti Arman Shoraev.
Keń masshtabty jarys tórt kezeńnen turady: aýyldyq, aýdandyq, oblystyq jáne fınal. Sońǵy kezeńge 34 sportshy shyǵady. Olardyń barlyǵy dopıng synamasynan ótedi.
"Sońǵy jyldary biz dopıng máselesine qatty nazar aýdaryp júrmiz. О́tken jyldary birneshe balýandar shettetildi. Aldyńǵy jyly sportshylardyń dopıng qabyldaǵany týraly kúdik boldy, alaıda WADA sońǵy sátte óz sheshimin berdi, ıaǵnı sportshylardyń qanynda ruqsat etilmegen preparattar mólsheri normadan tómen boldy. Sol sebepti biz olardy jarysqa qatystyrdyq", - deıdi ol.
Sondaı-aq, kúres federasııasynyń prezıdenti "Álem Barysy" halyqaralyq týrnır ótetinin aıtty. Álemniń 50 elinen balýandar qatysady.
Shoraev ótken jylǵa qaraǵanda bıyl júlde qorynyń mólsheri az bolatynyn aıtty. Onyń aıtýynsha, ótken jyly jarys jeńimpazy 25 mıllıon teńge (shamamen 100 myń dollar) jáne Astanadan páter kiltin alǵan.
Bıyl fınaldyq kezdesý "Barys Arenada" ótedi. Sport kesheni 12 myń orynmen qamtylǵan. О́tken jyldary osy jarys "Saryarqa" (10 myń oryn) velotreginde jáne "Dáýlet" (úsh myń) sport kesheninde ótken bolatyn. Shoraevtyń aıtýynsha, 2018 jyly Astanada Jekpe-jek Saraıy ǵımaratynyń qurylysy aıaqtalyp, ulttyq jarys sol jerde ótýi múmkin.