Portýgalııa bıligi Madeıra aralyndaǵy áýejaıǵa «Real» fýtbol klýbynyń shabýylshysy Krıshtıaný Ronaldýdyń esimin berý týraly sheshim qabyldady. Bul týraly bbc.com habarlady.
Saltanatty shara búgin Fýnshal qalasynda ótedi. Oǵan fýtbolshynyń ózi qatysady dep kútilýde. 24 naýryz kúni áýejaıdyń joǵary jaǵyna áıgili shabýylshynyń emblemasy qoıylǵan. Osyǵan deıin bul qalaǵa Ronaldýdyń eskertkishi ornatylyp, CR7 brendimen murajaı jáne qonaq úı ashyldy.
Madeıra araly 1964 jyldyń 8 shildesinen beri jumys istep keledi. Onyń bir ushý-qoný jolaǵy bar.
Aıta keteıik, Madeıra jerinde sportshy karerasyn bastaǵan. Jergilikti «Andorınıý» jáne «Nasıonal» komandalarynda oınaǵan. Al madrıdtikterdiń qataryna 2009 jyly «Manchester Iýnaıted» komandasynan aýysyp keldi.