2017 jylǵy 10 aqpan №47 Astana, Úkimet Úıi
«Ruqsattar jáne habarlamalar týraly» 2014 jylǵy 16 mamyrdaǵy Qazaqstan Respýblıkasynyń Zańy 10-babynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Ishki ister mınıstrliginiń Ákimshilik polısııa komıteti jáne Astana, Almaty qalalarynyń, oblystardyń, Kóliktegi ishki ister departamentteri jáne olardyń aýmaqtyq jáne jelilik bólimsheleri azamattyq jáne qyzmettik qarý men onyń patrondarynyń, azamattyq pırotehnıkalyq zattar men olar qoldanylyp jasalǵan buıymdardyń aınalymy salasyndaǵy ekinshi sanattaǵy ruqsattardy berýge ýákiletti organdar bolyp aıqyndalsyn.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri
B.SAǴYNTAEV
Qazaqstan Respýblıkasy Úkimetiniń 2017 jylǵy 10 aqpandaǵy
№47 qaýlysyna qosymsha
Azamattyq jáne qyzmettik qarý men onyń patrondarynyń,
azamattyq pırotehnıkalyq zattar men olar qoldanylyp jasalǵan buıymdardyń aınalymy salasyndaǵy
ekinshi sanattaǵy ruqsattar
R/s
№ Ruqsat berý rásiminiń ataýy Ruqsattyń jáne júzege asyrý úshin ruqsattyń bolýy talap etiletin qyzmet (áreket) túrleriniń ataýy
1 2 3
1. Azamattyq pırotehnıkalyq zattar men olardy qoldana otyryp jasalǵan buıymdardy saqtaýǵa ruqsat berý azamattyq pırotehnıkalyq zattar men olar qoldanylyp jasalǵan buıymdardy saqtaýǵa ruqsat
2. Zańdy tulǵalarǵa azamattyq jáne qyzmettik qarý men onyń patrondaryn tasymaldaýǵa ruqsat berý zańdy tulǵalarǵa azamattyq jáne qyzmettik qarý men onyń patrondaryn tasymaldaýǵa ruqsat
3. Jeke tulǵalarǵa azamattyq qarý men onyń patrondaryn tasymaldaýǵa ruqsat berý jeke tulǵanyń azamattyq qarý men onyń patrondaryn tasymaldaýǵa ruqsat
4. Zańdy tulǵalarǵa qyzmettik qarý men onyń patrondaryn saqtaýǵa ruqsat berý qyzmettik qarý men onyń patrondaryn saqtaýǵa ruqsat
5. Jeke tulǵalarǵa azamattyq qarý men onyń patrondaryn saqtaýǵa, saqtaý men alyp júrýge ruqsat berý jeke tulǵanyń azamattyq qarý men onyń patrondaryn saqtaýǵa, saqtaý men alyp júrýge ruqsat
6. Atys tırleri (atys oryndary) men stendilerin ashýǵa jáne olardyń jumys isteýine ruqsat berý atys tırleri (atys oryndary) men stendilerin ashýǵa jáne olardyń jumys isteýine ruqsat
7. Zańdy tulǵalarǵa azamattyq jáne qyzmettik qarý men onyń patrondaryn satyp alýǵa ruqsat berý zańdy tulǵalarǵa azamattyq jáne qyzmettik qarý men onyń patrondaryn satyp alýǵa ruqsat
8. Zańdy tulǵalarǵa azamattyq pırotehnıkalyq zattardy jáne olardy qoldana otyryp jasalǵan buıymdardy satyp alýǵa ruqsat berý zańdy tulǵalarǵa azamattyq pırotehnıkalyq zattardy jáne olardy qoldana otyryp jasalǵan buıymdardy satyp alýǵa ruqsat
9. Zańdy tulǵa qyzmetkerlerine qyzmettik qarý men onyń patrondaryn saqtaýǵa jáne alyp júrýge ruqsat berý zańdy tulǵa qyzmetkerlerine qyzmettik qarý men onyń patrondaryn saqtaý men alyp júrýge ruqsat berý
10. Zańdy tulǵalarǵa azamattyq jáne qyzmettik qarý men onyń patrondaryn Qazaqstan Respýblıkasynyń aýmaǵyna ákelýge, Qazaqstan Respýblıkasynyń aýmaǵynan áketýge jáne Qazaqstan Respýblıkasynyń aýmaǵy arqyly tranzıtteýge qorytyndy berý zańdy tulǵalarǵa azamattyq jáne qyzmettik qarý men onyń patrondaryn Qazaqstan Respýblıkasynyń aýmaǵyna ákelýge, Qazaqstan Respýblıkasynyń aýmaǵynan áketýge jáne Qazaqstan Respýblıkasynyń aýmaǵy arqyly tranzıtteýge qorytyndy
11. Jeke tulǵalarǵa azamattyq qarýdyń birli-jarym danalary men onyń patrondaryn Qazaqstan Respýblıkasynyń aýmaǵyna ákelýge, Qazaqstan Respýblıkasynyń aýmaǵynan áketýge, sondaı-aq Qazaqstan Respýblıkasynyń aýmaǵy arqyly tranzıtteýge qorytyndy berý jeke tulǵalar azamattyq qarýdyń birli-jarym danalary men onyń patrondaryn Qazaqstan Respýblıkasynyń aýmaǵyna ákelýge, Qazaqstan Respýblıkasynyń aýmaǵynan áketýge, sondaı-aq Qazaqstan Respýblıkasynyń aýmaǵy arqyly tranzıtteýge qorytyndy
12. Jeke tulǵalarǵa azamattyq qarýdy jáne onyń patrondaryn satyp alýǵa ruqsat berý jeke tulǵanyń azamattyq qarýdy jáne onyń patrondaryn satyp alýǵa ruqsat
Qazaqstan Respýblıkasy Úkimetiniń qaýlysy
2017 jylǵy 13 aqpan №52 Astana, Úkimet Úıi
Oblystyq bıýdjetterdiń,
Astana jáne Almaty qalalary bıýdjetteriniń 2017 jylǵa arnalǵan respýblıkalyq bıýdjetten «О́rleý» jobasy boıynsha shartty aqshalaı kómekti endirýge beriletin aǵymdaǵy nysanaly transfertterdi paıdalaný qaǵıdalaryn bekitý týraly
«2017 – 2019 jyldarǵa arnalǵan respýblıkalyq bıýdjet týraly» 2016 jylǵy 29 qarashadaǵy Qazaqstan Respýblıkasy Zańynyń 11-babyn jáne «2017 – 2019 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2016 jylǵy 6 jeltoqsandaǵy № 775 qaýlysyn iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan Oblystyq bıýdjetterdiń, Astana jáne Almaty qalalary bıýdjetteriniń 2017 jylǵa arnalǵan respýblıkalyq bıýdjetten «О́rleý» jobasy boıynsha shartty aqshalaı kómekti endirýge beriletin aǵymdaǵy nysanaly transfertterdi paıdalaný qaǵıdalary bekitilsin.
2. Qazaqstan Respýblıkasynyń Eńbek jáne halyqty áleýmettik qorǵaý mınıstrligi aǵymdaǵy nysanaly transfertterdiń bekitilgen somalaryn zańnamada belgilengen tártippen oblystyq bıýdjetterge, Astana jáne Almaty qalalarynyń bıýdjetterine aýdarýdy qamtamasyz etsin.
3. Oblystardyń, Astana jáne Almaty qalalarynyń ákimderi:
1) aǵymdaǵy nysanaly transfertterdiń bólingen somalaryn ýaqtyly jáne maqsatty paıdalanýdy;
2) Qazaqstan Respýblıkasynyń Eńbek jáne halyqty áleýmettik qorǵaý mınıstrligine esepti aıdan keıingi aıdyń 10-kúnine deıin aǵymdaǵy nysanaly transfertterdiń bólingen somalarynyń paıdalanylýy týraly esepter berýdi qamtamasyz etsin.
4. Osy qaýly 2017 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri
B.SAǴYNTAEV
Qazaqstan Respýblıkasy Úkimetiniń 2017 jylǵy 13 aqpandaǵy
№52 qaýlysymen bekitilgen
Oblystyq bıýdjetterdiń, Astana jáne Almaty qalalary bıýdjetteriniń
2017 jylǵa arnalǵan respýblıkalyq bıýdjetten «О́rleý» jobasy boıynsha shartty aqshalaı kómekti endirýge beriletin aǵymdaǵy nysanaly transfertterdi paıdalaný qaǵıdalary
1. Jalpy erejeler
1. Osy Oblystyq bıýdjetterdiń, Astana jáne Almaty qalalary bıýdjetteriniń 2017 jylǵa arnalǵan respýblıkalyq bıýdjetten «О́rleý» jobasy boıynsha shartty aqshalaı kómekti endirýge beriletin aǵymdaǵy nysanaly transfertterdi paıdalaný qaǵıdalary (budan ári – Qaǵıdalar) «2017 – 2019 jyldarǵa arnalǵan respýblıkalyq bıýdjet týraly» 2016 jylǵy 29 qarashadaǵy Qazaqstan Respýblıkasy Zańynyń 11-babyna jáne «2017 – 2019 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2016 jylǵy 6 jeltoqsandaǵy № 775 qaýlysyna sáıkes ázirlendi.
2. Osy Qaǵıdalar 027 «Azamattardyń jekelegen sanattaryn áleýmettik qamsyzdandyrý jáne olardyń tólemderin júrgizý» respýblıkalyq bıýdjettik baǵdarlamasy (budan ári – 027-baǵdarlama) boıynsha 141 «Oblystyq bıýdjetterge, Astana jáne Almaty qalalarynyń bıýdjetterine «О́rleý» jobasy boıynsha shartty aqshalaı kómekti endirýge beriletin aǵymdaǵy nysanaly transfertter» kishi baǵdarlamasy (budan ári – 141-kishi baǵdarlama) boıynsha kózdelgen «О́rleý» jobasy boıynsha shartty aqshalaı kómekti endirýge beriletin aǵymdaǵy nysanaly transfertterdi oblystyq bıýdjetterdiń, Astana jáne Almaty qalalary bıýdjetteriniń paıdalaný tártibin aıqyndaıdy.
3. Oblystyq bıýdjetterdiń, Astana jáne Almaty qalalary bıýdjetteriniń respýblıkalyq bıýdjetten «О́rleý» jobasy boıynsha shartty aqshalaı kómekti endirýge beriletin aǵymdaǵy nysanaly transfertterdi paıdalanýy 2008 jylǵy 4 jeltoqsandaǵy Qazaqstan Respýblıkasynyń Bıýdjet kodeksine jáne «Memlekettik satyp alý týraly» 2015 jylǵy 4 jeltoqsandaǵy Qazaqstan Respýblıkasynyń Zańyna sáıkes júzege asyrylady.
4. Osy Qaǵıdalarda mynadaı uǵymdar paıdalanylady:
1) arnaýly áleýmettik qyzmetter – ómirlik qıyn jaǵdaıda júrgen adamǵa (otbasyna) týyndaǵan áleýmettik problemalardy eńserý úshin jaǵdaılardy qamtamasyz etetin jáne onyń qoǵam ómirine qatysýyna basqa azamattarmen teń múmkindikter jasaýǵa baǵyttalǵan qyzmetter kesheni;
2) assıstentter – shartty aqshalaı kómek alý úshin aýdandyq mańyzy bar qala, kent, aýyl, aýyldyq okrýg ákimine nemese oblystyq, respýblıkalyq mańyzy bar qaladaǵy aýdannyń ákimine júgingen úmitkermen konsýltasııalar, áńgimelesý ótkizý úshin ýákiletti organ shartty negizde tartatyn adamdar;
3) áleýmettik jumys jónindegi konsýltanttar – shartty aqshalaı kómek alý úshin halyqty jumyspen qamtý ortalyǵyna júgingen úmitkermen konsýltasııalar, áńgimelesý ótkizý úshin ýákiletti organ shartty negizde tartatyn adamdar;
4) áleýmettik kelisimshart – jumyssyzdar, ózin-ózi jumyspen qamtyǵandar qataryndaǵy Qazaqstan Respýblıkasynyń azamaty ne oralman, sondaı-aq Qazaqstan Respýblıkasynyń halyqty jumyspen qamtý týraly zańnamasynda kózdelgen jaǵdaılarda ózge adamdar men halyqty jumyspen qamtý ortalyǵy arasyndaǵy, al Qazaqstan Respýblıkasynyń zańnamasynda kózdelgen jaǵdaılarda, jumyspen qamtýǵa járdemdesýdiń belsendi sharalaryn uıymdastyrýǵa tartylǵan jeke jáne zańdy tulǵalarmen jumyspen qamtýǵa járdemdesýdiń belsendi sharalaryna qatysý, sondaı-aq memlekettik ataýly áleýmettik kómek kórsetý týraly taraptardyń quqyqtary men mindetterin aıqyndaıtyn kelisim;
5) eńbekke qabiletti adam (otbasynyń eńbekke qabiletti múshesi) – on alty jastan bastap «Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasy Zańynyń 11-babynyń 1-tarmaǵynda belgilengen zeınetkerlik jasqa deıingi, eńbekke jáne belgili bir biliktilik deńgeıindegi, kólemdegi jáne sapadaǵy jumysty oryndaýǵa qabiletti adam nemese otbasy múshesi;
6) jan basyna shaqqandaǵy ortasha tabys – aıyna otbasynyń árbir múshesine keletin otbasynyń jıyntyq tabysynyń úlesi;
7) jumyspen qamtýǵa járdemdesýdiń belsendi sharalary – jumyssyzdar, ózin-ózi jumyspen qamtyǵandar qataryndaǵy Qazaqstan Respýblıkasynyń azamattaryn jáne oralmandardy, sondaı-aq Qazaqstan Respýblıkasynyń zańnamasynda kózdelgen jaǵdaılarda ózge adamdardy halyqty jumyspen qamtý týraly Qazaqstan Respýblıkasynyń zańnamasynda belgilengen tártippen júzege asyrylatyn jumyssyzdyqtan áleýmettik qorǵaý jáne halyqty jumyspen qamtý, memlekettik qoldaý sharalary;
8) memlekettik ataýly áleýmettik kómek (budan ári – ataýly áleýmettik kómek) – jan basyna shaqqandaǵy ortasha aılyq tabysy oblystarda, respýblıkalyq mańyzy bar qalada, astanada belgilengen kedeılik sheginen tómen jeke tulǵalarǵa (otbasylarǵa) memleket aqshalaı nysanda beretin tólem;
9) oblystyń ýákiletti organy – «О́rleý» jobasyn iske asyrýdy úılestirýdi jáne onyń monıtorıngin júzege asyratyn oblystyń jergilikti atqarýshy organynyń jumyspen qamtýdy úılestirý jáne áleýmettik baǵdarlamalar basqarmasy;
10) otbasyna kómektiń jeke jospary (budan ári – jeke jospar) – halyqty jumyspen qamtý ortalyǵy shartty aqshalaı kómek alýǵa úmitker adammen jáne (nemese) onyń otbasy múshelerimen birlesip ázirlegen jumyspen qamtýǵa járdemdesý jáne (nemese) áleýmettik beıimdeý jónindegi is-sharalar kesheni;
11) otbasynyń belsendiligin arttyrýdyń áleýmettik kelisimsharty – «О́rleý» jobasyna qatysý úshin otbasy atynan ókildik etetin eńbekke qabiletti jeke tulǵa men halyqty jumyspen qamtý ortalyǵy arasyndaǵy taraptardyń quqyqtary men mindetterin aıqyndaıtyn kelisim;
12) otbasynyń jıyntyq tabysy – Normatıvtik quqyqtyq aktilerdi memlekettik tirkeý tiziliminde № 5757 bolyp tirkelgen Qazaqstan Respýblıkasy Eńbek jáne halyqty áleýmettik qorǵaý mınıstriniń 2009 jylǵy 28 shildedegi № 237-ó buıryǵymen bekitilgen Memlekettik ataýly áleýmettik kómek alýǵa úmitker adamnyń (otbasynyń) jıyntyq tabysyn esepteý erejesine sáıkes esepteletin, shartty aqshalaı kómek taǵaıyndaýǵa ótinish bildirgen aıdyń aldyndaǵy úsh aıda aqshalaı, sol sııaqty zattaı nysanda alynǵan tabystyń jalpy somasy;
13) ortalyq atqarýshy organ – halyqty jumyspen qamtý jáne áleýmettik qorǵaý salasyndaǵy basshylyqty, sondaı-aq Qazaqstan Respýblıkasynyń zańnamasynda kózdelgen shekte salaaralyq úılestirýdi júzege asyratyn memlekettik organ;
14) «О́rleý» jobasy – otbasynyń (adamnyń) eńbekke qabiletti músheleriniń jumyspen qamtýǵa járdemdesýdiń memlekettik sharalaryna qatysýy jáne qajet bolǵan jaǵdaıda, eńbekke qabilettilerin qosa alǵanda, otbasy músheleriniń (adamnyń), áleýmettik beıimdelýden ótýi shartymen otbasyna (adamǵa) shartty aqshalaı kómek berý jónindegi is-sharalar kesheni;
15) ótinish berýshi (úmitker) – «О́rleý» jobasyna qatysý úshin óz atynan jáne otbasy atynan ótinish bildiretin adam;
16) respýblıkalyq bıýdjettik baǵdarlamanyń ákimshisi – azamattardyń jekelegen sanattaryna áleýmettik kómek kórsetý jónindegi sharalardy qarjylandyrýdy jáne olardyń iske asyrylýyna monıtorıngti júzege asyratyn eńbek jáne halyqty áleýmettik qorǵaý salasyndaǵy ortalyq ýákiletti organ;
17) ýákiletti organ – shartty aqshalaı kómek taǵaıyndaýdy júzege asyratyn respýblıkalyq mańyzy bar qalanyń, aýdannyń, oblystyq mańyzy bar qalanyń jumyspen qamtý jáne áleýmettik baǵdarlamalar bólimi (basqarmasy), respýblıkalyq mańyzy bar qalanyń, astananyń jumyspen qamtý, eńbek jáne áleýmettik qorǵaý basqarmasy, aýdannyń (oblystyq mańyzy bar qalanyń) jumyspen qamtý, áleýmettik baǵdarlamalar jáne azamattyq hal aktilerin tirkeý bólimi;
18) ýchaskelik komıssııa – ataýly áleýmettik kómek alýǵa júgingen adamdardyń (otbasylardyń) materıaldyq jaǵdaıyna tekserý júrgizý úshin tıisti ákimshilik-aýmaqtyq birlikter ákimderiniń sheshimimen qurylatyn arnaıy komıssııa;
19) aýdandyq (qalalyq) komıssııa – Normatıvtik quqyqtyq aktilerdi memlekettik tirkeý tiziliminde № 13867 bolyp tirkelgen «Keıbir úlgilik qujattardy bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2016 jylǵy 7 maýsymdaǵy № 482 buıryǵymen bekitilgen halyqty jumyspen qamtý máseleleri jónindegi aýdandyq (qalalyq) komıssııa týraly úlgilik erejege sáıkes halyqty jumyspen qamtý salasyndaǵy memlekettik saıasatty aýdannyń, qalanyń, oblystyq jáne respýblıkalyq mańyzy bar qalalardyń, astananyń aýmaǵynda iske asyrý maqsatynda qurylatyn halyqty jumyspen qamtý máseleleri jónindegi komıssııa;
20) halyqty jumyspen qamtý ortalyǵy (budan ári − ortalyq) − «Halyqty jumyspen qamtý týraly» 2016 jylǵy 6 sáýirdegi Qazaqstan Respýblıkasynyń Zańyna sáıkes jumyspen qamtýǵa járdemdesýdiń belsendi sharalaryn iske asyrý jáne jumyssyzdyqtan áleýmettik qorǵaýdy jáne jumyspen qamtýǵa járdemdesýdiń ózge de sharalaryn uıymdastyrý maqsatynda aýdannyń, oblystyq jáne respýblıkalyq mańyzy bar qalalardyń, astananyń jergilikti atqarýshy organy quratyn memlekettik mekeme;
21) shartty aqshalaı kómek (budan ári – ShAK) – otbasynyń belsendiligin arttyrýdyń áleýmettik kelisimshartynyń talaptary boıynsha jan basyna shaqqandaǵy ortasha aılyq tabysy eń tómengi kúnkóris deńgeıiniń alpys paıyzynan tómen jeke tulǵalarǵa nemese otbasylarǵa memleket beretin aqshalaı nysandaǵy tólem.
5. Respýblıkalyq bıýdjettik baǵdarlamanyń ákimshisi belgilengen tártippen bekitilgen tólemder boıynsha 027-bıýdjettik baǵdarlamany jáne 141-kishi baǵdarlamany qarjylandyrýdyń jeke josparynyń negizinde oblystyq bıýdjetterge, Astana jáne Almaty qalalarynyń bıýdjetterine aǵymdaǵy nysanaly transfertterdi aýdarýdy júrgizedi.
2. Oblystyq bıýdjetterdiń, Astana jáne Almaty qalalary
bıýdjetteriniń 2017 jylǵa arnalǵan respýblıkalyq bıýdjetten «О́rleý» jobasy boıynsha shartty aqshalaı kómekti endirýge beriletin aǵymdaǵy nysanaly transfertterdi paıdalaný tártibi
6. Oblystyq bıýdjetter, Astana jáne Almaty qalalary bıýdjetteri «О́rleý» jobasy boıynsha ShAK-ty endirýge beriletin aǵymdaǵy nysanaly transfertterdi:
1) ShAK tóleýge;
2) áleýmettik jumys jónindegi konsýltanttardyń jáne assıstentterdiń qyzmetterine aqy tóleýge paıdalanady.
Ýákiletti organ «О́rleý» jobasyna qatysýshylarmen jumys isteýge járdemdesý úshin kásipkerlik qyzmet sýbektileri bolyp tabylmaıtyn jeke tulǵalarmen jasalatyn óteýli qyzmetter kórsetý sharttary nemese memlekettik satyp alý sharty negizinde áleýmettik jumys jónindegi konsýltanttardyń jáne assıstentterdiń kórsetiletin qyzmetterin satyp alady. Atalǵan kórsetiletin qyzmetterdi satyp alý tásilin ýákiletti organ Qazaqstan Respýblıkasynyń zańnamasyna sáıkes respýblıkalyq bıýdjettik baǵdarlama ákimshisiniń kelisiminsiz tańdaıdy.
Áleýmettik jumys jónindegi konsýltanttardyń jáne assıstentterdiń «О́rleý» jobasyn iske asyrýmen baılanysty kórsetiletin qyzmetterine, onyń ishinde jol júrý men basqa da shyǵystaryn tóleý, sondaı-aq qyzmet kórsetý ýaqytyn esepteý sharttary men kórsetiletin qyzmetterdiń tizbesi shartta kózdeledi.
Assıstentterdiń kórsetiletin qyzmetterin satyp alý qunyna eńbekaqy jáne issapar shyǵystary, áleýmettik jumys jónindegi konsýltanttardyń kórsetiletin qyzmetterine eńbekaqy tóleý shyǵystary qosylady.
7. Oblystyń ýákiletti organy kelip túsetin nysanaly transfertterdi 047 «Aýdandardyń (oblystyq mańyzy bar qalalardyń) bıýdjetterine «О́rleý» jobasy boıynsha ShAK-ty endirýge beriletin aǵymdaǵy nysanaly transfertter» bıýdjettik baǵdarlamasy boıynsha kózdeıdi, oǵan sáıkes oblystyń ýákiletti organy bıýdjetti atqarý jónindegi ýákiletti organ belgilegen tártippen aýdandyq bıýdjetterge, oblystyq mańyzy bar qalalardyń bıýdjetterine aǵymdaǵy nysanaly transfertterdi aýdarýdy júrgizedi.
8. Ýákiletti organ kelip túsetin nysanaly transfertterdi 025 «О́rleý» jobasy boıynsha shartty aqshalaı kómekti endirý» bıýdjettik baǵdarlamasy jáne 048 «О́rleý» jobasy boıynsha shartty aqshalaı kómekti endirý» bıýdjettik baǵdarlamasy boıynsha kózdeıdi. Kórsetilgen baǵdarlamalar boıynsha osy Qaǵıdalardyń 6-tarmaǵynda kórsetilgen shyǵystar júrgiziledi.
ShAK tóleý osy Qaǵıdalardyń 10-tarmaǵynda kórsetilgen mólsherde 025 «О́rleý» jobasy boıynsha shartty aqshalaı kómekti endirý» bıýdjettik baǵdarlamasynyń tıisti kishi baǵdarlamalary jáne 048 «О́rleý» jobasy boıynsha shartty aqshalaı kómekti endirý» bıýdjettik baǵdarlamasy boıynsha júrgiziledi.
9. ShAK eńbekke qabiletti otbasy músheleriniń (adamnyń) jumyspen qamtýǵa járdemdesýdiń memlekettik sharalaryna qatysýy jáne qajet bolǵan jaǵdaıda otbasy músheleriniń (adamnyń) áleýmettik beıimdelýden ótýi shartymen otbasyna (adamǵa) taǵaıyndalady.
ShAK taǵaıyndaý otbasynyń belsendiligin arttyrýdyń áleýmettik kelisimsharty qoldanylatyn merzimde ony alýǵa júgingen aıdan bastap júzege asyrylady. Qosa berilgen qujattarmen ótinish bergen aı júginý aıy bolyp esepteledi.
Otbasynyń belsendiligin arttyrýdyń áleýmettik kelisimsharty qoldanylatyn jáne ShAK tólenetin kezeńde ataýly áleýmettik kómek tóleý toqtatyla turady.
Jumyspen qamtýǵa járdemdesýdiń memlekettik sharalary «Halyqty jumyspen qamtý týraly» 2016 jylǵy 6 sáýirdegi Qazaqstan Respýblıkasy Zańynyń 17-babynyń 1, 2, 4-tarmaqtarynda, Qazaqstan Respýblıkasy Úkimetiniń 2016 jylǵy 29 jeltoqsandaǵy № 919 qaýlysymen bekitilgen Nátıjeli jumyspen qamtýdy jáne buqaralyq kásipkerlikti damytý baǵdarlamasynda kózdelgen is-sharalar arqyly otbasynyń eńbekke qabiletti múshelerin jumyspen qamtamasyz etýdi kózdeıdi.
Otbasy múshelerin (adamdy) áleýmettik beıimdeý «Qazaqstan Respýblıkasynda múgedekterdi áleýmettik qorǵaý týraly» 2005 jylǵy 13 sáýirdegi Qazaqstan Respýblıkasy Zańynyń 21-babynda aıqyndalǵan múgedekterdi áleýmettik ońaltý sharalaryn, «Arnaýly áleýmettik qyzmetter týraly» 2008 jylǵy 29 jeltoqsandaǵy Qazaqstan Respýblıkasynyń Zańyna sáıkes ómirlik qıyn jaǵdaıda júrgen adamdarǵa kórsetiletin arnaýly áleýmettik qyzmetterdi, sondaı-aq Qazaqstan Respýblıkasynyń zańnamasynda kózdelgen tártippen kórsetiletin áleýmettik qoldaýdyń ózge de sharalaryn qamtıdy.
10. Otbasynyń árbir múshesine (adamǵa) arnalǵan ShAK mólsheri otbasynyń (adamnyń) jan basyna shaqqandaǵy tabysy men oblystarda (respýblıkalyq mańyzy bar qalada, astanada) belgilengen eń tómengi kúnkóris deńgeıiniń alpys paıyzy arasyndaǵy aıyrma retinde aıqyndalady.
Bul rette jan basyna shaqqandaǵy tabysy kedeılik sheginen tómen otbasyna (adamǵa) ShAK tóleý mynadaı tártippen júzege asyrylady:
1) otbasynyń jan basyna shaqqandaǵy tabysy men oblystarda (respýblıkalyq mańyzy bar qalada, astanada) belgilengen kedeılik sheginiń arasyndaǵy aıyrma jergilikti bıýdjet qarajaty esebinen (025 «О́rleý» jobasy boıynsha shartty aqshalaı kómekti endirý» bıýdjettik baǵdarlamasy 015 «Jergilikti bıýdjet qarajaty esebinen» kishi baǵdarlamasy, 048 «О́rleý» jobasy boıynsha shartty aqshalaı kómekti endirý» bıýdjettik baǵdarlamasy 015 «Jergilikti bıýdjet qarajaty esebinen» kishi baǵdarlamasy boıynsha) qarjylandyrylady;
2) oblystarda (respýblıkalyq mańyzy bar qalada, astanada) belgilengen kedeılik shegi men eń tómengi kúnkóris deńgeıiniń alpys paıyzy arasyndaǵy aıyrma, sondaı-aq otbasynyń jan basyna shaqqandaǵy tabysy arasyndaǵy aıyrma, eger ol oblystarda (respýblıkalyq mańyzy bar qalada, astanada) belgilengen kedeılik sheginen jáne eń tómengi kúnkóris deńgeıinen asatyn jaǵdaıda respýblıkalyq bıýdjetten beriletin aǵymdaǵy nysanaly transfertter esebinen (025 «О́rleý» jobasy boıynsha shartty aqshalaı kómekti endirý» bıýdjettik baǵdarlamasy 011 «Respýblıkalyq bıýdjetten beriletin transfertter esebinen» kishi baǵdarlamasy, 048 «О́rleý» jobasy boıynsha shartty aqshalaı kómekti endirý» bıýdjettik baǵdarlamasy
011 «Respýblıkalyq bıýdjetten beriletin transfertter esebinen» kishi baǵdarlamasy boıynsha) qarjylandyrylady.
ShAK alýshylardyń shottaryna tólemder 025 «О́rleý» jobasy boıynsha shartty aqshalaı kómekti endirý» bıýdjettik baǵdarlamasy jáne 048 «О́rleý» jobasy boıynsha shartty aqshalaı kómekti endirý» bıýdjettik baǵdarlamasynyń eki kishi baǵdarlamasy boıynsha bir mezgilde júzege asyrylady.
Jan basyna shaqqandaǵy ortasha tabys ShAK taǵaıyndaýǵa ótinish bildirgen aıdyń aldyndaǵy úsh aıda alynǵan jıyntyq tabysty otbasy músheleriniń sanyna jáne úsh aıǵa bólý arqyly esepteledi jáne otbasynyń belsendiligin arttyrýdyń áleýmettik kelisimsharty qoldanylatyn merzim ishinde qaıta qaralmaıdy.
Otbasynyń quramy ózgergen jaǵdaıda ShAK mólsheri kórsetilgen mán-jaılar bastalǵan kezden bastap, biraq ony taǵaıyndaǵan kezden keıin ǵana qaıta esepteledi.
ShAK aı saıyn nemese úmitkerdiń ótinishi boıynsha úsh aı úshin bir mezgilde tólenedi.
Birjolǵy ShAK tóleý týraly sheshimdi ýákiletti organ aýdandyq (qalalyq) komıssııanyń usynymdaryn eskerip qabyldaıdy.
ShAK-tyń birjolǵy somasy osy Qaǵıdalarǵa qosymshaǵa sáıkes otbasynyń belsendiligin arttyrýdyń áleýmettik kelisimsharty boıynsha mindetterdi oryndaýǵa baılanysty is-sharalarǵa, onyń ishinde jeke qosalqy sharýashylyǵyn damytýǵa (úı malyn, qusyn jáne t.b. satyp alý), dara kásipkerlik qyzmetti uıymdastyrýǵa (burynǵy qaryzdardy óteýge, jyljymaıtyn turǵyn úı satyp alýǵa shyǵyndardan basqa) paıdalanylady.
11. Úmitker «О́rleý» jobasyna qatysý úshin jeke óziniń nemese otbasynyń atynan turǵylyqty jeri boıynsha ortalyqqa nemese ol bolmaǵan jaǵdaıda aýdandyq mańyzy bar qala, kent, aýyl, aýyldyq okrýg ákimine júginedi.
12. Ortalyq, aýdandyq mańyzy bar qala, kent, aýyl, aýyldyq okrýg ákimi ne assıstent úmitker ótinish bildirgen kúni oǵan «О́rleý» jobasyna qatysý sharttary týraly konsýltasııa beredi. Úmitker «О́rleý» jobasyna qatysýǵa kelisim bergen kezde ortalyq, aýdandyq mańyzy bar qala, kent, aýyl, aýyldyq okrýg ákimi ne assıstent áńgimelesý júrgizedi.
Áńgimelesý júrgizý kezinde:
1) ShAK alý negizdemesi;
2) jumyspen qamtýǵa járdemdesýdiń memlekettik sharalaryna muqtajdyǵy;
3) jeke muqtajdyqtaryn eskere otyryp, otbasy múshelerine olardyń áleýmettik beıimdelý sharalary aıqyndalady.
Áńgimelesý nátıjeleri boıynsha ortalyq atqarýshy organ bekitetin nysan boıynsha áńgimelesý paraǵy resimdeledi.
13. Áńgimelesý paraǵyna qol qoıǵan úmitker ortalyq atqarýshy organ bekitetin nysandarǵa sáıkes «О́rleý» jobasyna qatysýǵa ótinish pen otbasylyq jáne materıaldyq jaǵdaıy týraly saýalnama toltyrady, oǵan mynadaı qujattardy qosa beredi:
1) jeke basyn kýálandyratyn qujat, sondaı-aq oralmandar úshin – oralman kýáligi;
2) ortalyq atqarýshy organ bekitetin nysan boıynsha otbasy quramy týraly málimetter;
3) otbasy múshesine qamqorshylyqtyń (qorǵanshylyqtyń) belgilengenin rastaıtyn qujat (qajet bolǵan kezde);
4) ár otbasy múshesine turaqty turǵylyqty jeri boıynsha tirkelgenin rastaıtyn qujat nemese mekenjaı anyqtamasy nemese aýdandyq mańyzy bar qala, kent, aýyl, aýyldyq okrýg ákiminiń anyqtamasy;
5) ortalyq atqarýshy organ bekitetin nysan boıynsha jeke qosalqy sharýashylyǵynyń bolýy týraly málimetter.
14. Eger ótinish berýshi júgingen kezde memlekettik ataýly áleýmettik kómekti jáne (nemese) on segiz jasqa deıingi balalarǵa taǵaıyndalatyn jáne tólenetin aı saıynǵy memlekettik járdemaqyny alýshy bolyp tabylǵan jaǵdaıda, sondaı-aq olarda qamtylǵan aqparatty memlekettik aqparattyq júıelerden alý múmkin bolǵan kezde, osy Qaǵıdalardyń 13-tarmaǵynyń 3), 4) tarmaqshalarynda kórsetilgen qujattardy usyný talap etilmeıdi.
15. Osy Qaǵıdalardyń 13-tarmaǵynyń 1), 3) jáne 4) tarmaqshalarynda kórsetilgen qujattardyń:
1) aýdandyq mańyzy bar qala, kent, aýyl, aýyldyq okrýg ákimine júgingen kezde – salystyryp tekserý úshin tólnusqalary jáne kóshirmeleri usynylady, sodan keıin qujattardyń tólnusqalary ótinish berýshige qaıtarylady;
2) ortalyqqa júgingen kezde – tólnusqalary usynylady, olar skanerlenedi jáne ótinish berýshige qaıtarylady, al elektrondyq qujattar ortalyq qyzmetkeriniń elektrondyq sıfrlyq qoltańbasymen kýálandyrylady.
Úmitker toltyratyn osy Qaǵıdalardyń 13-tarmaǵynyń 2) jáne 5) tarmaqshalarynda kórsetilgen qujattardyń tólnusqalary usynylady.
Ortalyq qujattardyń elektrondyq kóshirmeleri men málimetterdiń sapasyn jáne olardyń ótinish berýshi usynǵan túpnusqalaryna sáıkestigin qamtamasyz etedi.
16. Úmitker osy Qaǵıdalardyń 13-tarmaǵynda kózdelgen tıisti qujattardy usynǵannan keıin ortalyq osy Qaǵıdalardyń 29-tarmaǵynda kózdelgen azamattar sanattaryn qospaǵanda, úmitkerdi jáne otbasynyń eńbekke qabiletti múshelerin jumys izdeýshi retinde tirkeıdi jáne kórsetilgen tirkeý kúninen bastap on jumys kúninen keshiktirmeı olardy jumyspen qamtýdyń memlekettik sharalarymen qamtamasyz etedi.
17. Ortalyq úmitkerdiń qatysýymen úmitkerdiń jáne otbasy músheleriniń jeke sáıkestendirý nómiri boıynsha ortalyq atqarýshy organ bekitetin nysan boıynsha memlekettik aqparattyq júıelerge suraý salýdy qalyptastyrady.
Memlekettik organdar jáne (nemese) uıymdar suratylatyn málimetterdi rastaıtyn elektrondyq qujattardy usynǵan kezde ortalyq ótinishti ortalyq atqarýshy organ bekitetin nysan boıynsha jýrnalǵa tirkeıdi, sodan keıin ótinish berýshige qujattardyń qabyldanǵany týraly belgisi bar úzbeli talon beriledi.
ShAK taǵaıyndaý nemese «О́rleý» jobasyna qatysýǵa ótinish berý faktisin rastaıtyn memlekettik aqparattyq júıelerden málimetter alý kezinde úmitkerge dereý ortalyq atqarýshy organ bekitetin nysan boıynsha ótinishti qabyldaýdan bas tartý týraly qolhat beriledi.
18. Ortalyq nemese aýdandyq mańyzy bar qala, kent, aýyl, aýyldyq okrýg ákimi qujattardy alǵan kúnnen bastap eki jumys kúni ishinde is maketin qalyptastyrady jáne «О́rleý» jobasyna qatysýǵa úmitker ótinish berýshiniń materıaldyq jaǵdaıyn zerttep-qaraýdy júrgizý úshin ýchaskelik komıssııalarǵa beredi.
19. Ýchaskelik komıssııalar qujattar kelip túsken kúnnen bastap úsh jumys kúni ishinde ótinish berýshiniń materıaldyq jaǵdaıyn zerttep-qaraýdy júrgizedi, ortalyq atqarýshy organ bekitetin nysandar boıynsha zerttep-qaraý aktisin jáne ýchaskelik komıssııa qorytyndysyn jasaıdy jáne ýchaskelik komıssııa qorytyndysyn ortalyqqa nemese aýdandyq mańyzy bar qala, kent, aýyl, aýyldyq okrýg ákimine beredi.
20. Aýdandyq mańyzy bar qala, kent, aýyl, aýyldyq okrýg ákimi ótinish berýshilerdiń qujattaryn ýchaskelik komıssııanyń qorytyndysymen qosa, olar qabyldanǵan kúnnen bastap bes jumys kúninen keshiktirmeı ortalyqqa beredi.
Ortalyq aýdandyq mańyzy bar qala, kent, aýyl, aýyldyq okrýg ákiminen qujattardy qabyldaý kúni úmitkerdi jáne osy Qaǵıdalardyń 29-tarmaǵynda kórsetilgen azamattar sanattaryn qospaǵanda, otbasynyń eńbekke qabiletti múshelerin jumys izdeýshi retinde tirkeıdi jáne jumys izdeýshi retinde tirkelgen kúnnen bastap on jumys kúninen keshiktirmeı jumyspen qamtýdyń memlekettik sharalarymen qamtamasyz etedi.
21. Úmitker jáne otbasynyń eńbekke qabiletti músheleri jumys izdeýshi retinde tirkelgen kúnnen bastap on jumys kúni ishinde jumyspen qamtýdyń memlekettik sharalarymen qamtylmaǵan jaǵdaıda, ortalyq bes jumys kúni ishinde úmitkerdiń jáne otbasynyń eńbekke qabiletti múshelerin jumyssyz retinde tirkeýge qoıý týraly sheshim qabyldaıdy jáne ortalyq atqarýshy organ bekitken nysan boıynsha jazba jýrnalyna úmitker jáne otbasynyń eńbekke qabiletti músheleri týraly málimetterdi engizedi.
Jazba jýrnalyna málimetteri engizilgen adamdar jumyssyz retinde tirkelgen kúnnen bastap kúntizbelik otyz kúnnen keshiktirmeı jumyspen qamtýǵa járdemdesýdiń memlekettik sharalarymen qamtamasyz etiledi.
22. О́tinish berýshi jáne (nemese) onyń otbasy músheleri jumyspen qamtýǵa járdemdesý jáne (nemese) áleýmettik beıimdeý jónindegi sharalarǵa muqtaj bolǵan jaǵdaıda, ony usyný týraly sheshim ortalyqtyń jáne ýákiletti organnyń quzyreti sheginen shyqsa, ótinish berýshi usynǵan qujattardy ortalyq halyqty jumyspen qamtý máseleleri jónindegi aýdandyq (qalalyq) komıssııanyń qaraýyna bir jumys kúni ishinde jiberedi.
Halyqty jumyspen qamtý máseleleri boıynsha aýdandyq (qalalyq) komıssııa kúntizbelik jeti kún ishinde úmitkerdiń usynǵan qujattaryn qaraıdy, tıisti sheshim qabyldaıdy jáne ony ortalyqqa joldaıdy.
23. Ortalyq ýchaskelik komıssııadan alynǵan qorytyndynyń, sondaı-aq qajet bolǵan jaǵdaıda, halyqty jumyspen qamtý máseleleri boıynsha aýdandyq (qalalyq) komıssııa usynymdarynyń negizinde ótinish berýshi usynǵan ótinishtiń, qujattardyń elektrondyq kóshirmeleri bar ótinish berýshiniń elektrondyq is maketin bir jumys kúni ishinde qalyptastyrady, otbasynyń árbir múshesine ShAK-tyń aılyq mólsherin aıqyndaıdy.
24. Otbasynyń ár múshesine ShAK-tyń aılyq mólsheri aıqyndalǵannan keıin ortalyq eki jumys kúni ishinde ótinish berýshini jáne (nemese) onyń otbasy múshelerin ortalyq atqarýshy organ bekitetin nysandarǵa sáıkes jeke jospardy ázirleý jáne otbasynyń belsendiligin arttyrýdyń áleýmettik kelisimshartyn jasasý úshin shaqyrady.
25. Jeke jospar ótinish berýshimen jáne (nemese) otbasy múshelerimen birlesip ázirlenedi, onda jumyspen qamtýǵa járdemdesý jáne áleýmettik beıimdelý boıynsha (kórsetilgen beıimdelýdi qajet etetin otbasy músheleri bar bolǵan jaǵdaıda) is-sharalar qamtylady jáne otbasynyń belsendiligin arttyrýdyń áleýmettik kelisimshartyna qosymsha bolyp tabylady.
26. Ortalyq otbasynyń belsendiligin arttyrýdyń áleýmettik kelisimshartyn jasasqan kúnnen bastap bir jumys kúni ishinde ótinish berýshiden qabyldanǵan qujattardy, ShAK taǵaıyndaý týraly sheshimniń jobasyn jáne taraptar qol qoıǵan áleýmettik kelisimshartty ýákiletti organǵa jiberedi.
27. Ýákiletti organ ShAK taǵaıyndaý úshin usynylǵan qujattardy qaraýǵa qajetti málimetterdi tıisti organdardan suratady jáne qujattardy alǵan kúnnen bastap úsh jumys kúni ishinde ShAK taǵaıyndaý nemese ony taǵaıyndaýdan bas tartý týraly sheshim qabyldaıdy, sondaı-aq ortalyq nemese kent, aýyl, aýyldyq okrýg ákimi arqyly úmitkerge taǵaıyndaý nemese sebepterin kórsete otyryp taǵaıyndaýdan bas tartý týraly jazbasha habarlaıdy.
ShAK taǵaıyndaý (taǵaıyndaýdan bas tartý) týraly sheshimniń jáne ShAK taǵaıyndaý (taǵaıyndaýdan bas tartý) týraly habarlamanyń nysandaryn ortalyq atqarýshy organ bekitedi.
28. Otbasynyń belsendiligin arttyrýdyń áleýmettik kelisimsharty eki danada jasalady, onyń bireýi ótinish berýshige tirkeý jýrnalyna qol qoıǵyzyp beriledi, ekinshisi ýákiletti organda saqtalady.
Tirkeý jýrnalynyń nysanyn ortalyq atqarýshy organ bekitedi.
29. Mynadaı jaǵdaılardy:
1) stasıonarlyq, ambýlatorııalyq (sanatorıılik) emdelý (tıisti medısınalyq uıymdardan rastaıtyn qujattar usynylǵan kezde) kezeńin;
2) otbasynda jumyspen qamtýǵa járdemdesýdiń memlekettik sharalaryna qatysatyn basqa da eńbekke qabiletti músheler bolǵan kezde otbasynyń eńbekke qabiletti múshesi jeti jasqa deıingi balany, múgedek balany, birinshi nemese ekinshi toptaǵy múgedekti, ózge adamnyń kútimine jáne kómegine muqtaj qarttarǵa kútim jasaýdy júzege asyrýdy;
3) turaqty jumysy bar adamdardy qospaǵanda, jumyspen qamtýǵa járdemdesýdiń memlekettik sharalaryna qatysý ShAK alý úshin mindetti shart bolyp tabylady.
30. Mynalar:
1) jan basyna shaqqandaǵy tabystyń eń tómengi kúnkóris deńgeıinen alpys paıyzǵa artyq bolýy;
2) ótinish berýshiniń jáne (nemese) otbasy múshesiniń (músheleriniń) otbasynyń belsendiligin arttyrýdyń áleýmettik kelisimshartyn jasaýdan bas tartýy;
3) ótinish berýshiniń qoldaný merzimi ótken qujattardy jáne (nemese) qujattardyń tolyq emes toptamasyn usynýy;
4) ótinish berýshiniń jáne (nemese) otbasy múshesiniń (músheleriniń) ýchaskelik komıssııanyń otbasylyq jáne materıaldyq jaǵdaıyna zertteý júrgizýinen bas tartýy;
5) ótinish berýshiniń jáne (nemese) otbasy múshesiniń (músheleriniń) dáıeksiz (jalǵan) qujattardy jáne jalǵan aqparatty usyný faktileriniń anyqtalýy;
6) ótinish berýshiniń jáne (nemese) otbasy múshesiniń (músheleriniń) ataýly áleýmettik kómek tólemin toqta turýdan bas tartýy ShAK taǵaıyndaýdan bas tartý negizdemeleri bolyp tabylady.
31. Otbasynyń belsendiligin arttyrýdyń áleýmettik kelisimsharty:
1) otbasy múshelerin áleýmettik beıimdeý boıynsha is-sharalardy uzartý qajet bolǵan;
2) otbasynyń belsendiligin arttyrýdyń áleýmettik kelisimshartynyń merzimi aıaqtalǵan kezde eńbekke qabiletti adamdar (otbasynyń eńbekke qabiletti músheleri) tartylǵan jumyspen qamtýǵa járdemdesýdiń belsendi sharalarynyń merzimi aıaqtalmaǵan;
3) eńbekke qabiletti adam (otbasynyń eńbekke qabiletti músheleri) ózine baılanysty emes sebepter boıynsha (eki aıdan artyq jumysqa ýaqytsha jaramsyzdyq, jazataıym oqıǵa, dúleı apat) otbasynyń belsendiligin arttyrýdyń áleýmettik kelisimsharty boıynsha mindettemelerdi oryndamaǵan;
4) jeke qosalqy sharýashylyqty jáne (nemese) dara kásipkerlik qyzmetti damytýdyń josparlanǵan kórsetkishterine jetý úshin qoldaý qajet bolǵan jaǵdaılarda ony qosymsha alty aıǵa deıin uzartý múmkindigimen alty aıǵa jasalady.
Otbasynyń belsendiligin arttyrýdyń áleýmettik kelisimshartyn uzartý týraly sheshimdi ýákiletti organ otbasynyń belsendiligin arttyrýdyń áleýmettik kelisimshartynyń qoldanylý merzimi aıaqtalǵanǵa deıin kúntizbelik 10 kúnnen keshiktirmeı ótinish berýshiniń jazbasha ótinishhaty nemese halyqty jumyspen qamtý máseleleri boıynsha aýdandyq (qalalyq) komıssııanyń usynymdaryn eskere otyryp qabyldaıdy.
Otbasynyń belsendiligin arttyrýdyń áleýmettik kelisimshartyn uzartý ortalyq atqarýshy organ bekitken nysan boıynsha oǵan qosymsha kelisim túrinde resimdeledi
Otbasynyń belsendiligin arttyrýdyń áleýmettik kelisimsharty uzartylǵan kezde ShAK mólsheri qaıta qaralmaıdy.
32. Ýákiletti organ ShAK taǵaıyndaý týraly sheshimderdiń negizinde alýshyǵa ShAK tóleýdi júzege asyrady.
33. ShAK taǵaıyndaý týraly habarlama ótinish berýshi ýákiletti organǵa nemese aýdandyq mańyzy bar