«Gennadıı Qazaqstanda jekpe-jek ótkizgisi keledi. Bul onyń armany ekenin de jasyrmady. Meniń buǵan esh qarsylyǵym joq. Ne surasa da, bárin berýge daıynmyn. О́zimniń belbeýimdi ortaǵa qoıýdan qoryqpaımyn. Tek kezdesý ótse bolǵany. Sebebi, bul aıqas ta meniń armanym. Golovkın ekeýimizdiń qolǵap túıistirýimiz tarıhqa enýi múmkin. Ony jeńý úshin barymdy salamyn», – dedi Sonders.
«Ekeýimizdiń jekpe-jegimiz osy jazda ótkenin qalaımyn. Gennadııge degen qurmetim joǵary, men tek ózimniń kúshimdi tekserip kórgim keledi. Eger alda-jalda bul boks keshi uıymdastyrylmaıtyn bolyp jatsa, Mıgel Kottomen kúsh synassam deımin», – dedi Worldboxingnews.net basylymyna bergen suhbatynda.
О́z kezeginde Sonderstiń promoýteri Frenk Ýorren qandaı jaǵdaı bolsa da, brıtan boksshysy osy jyldyń maýsym aıynda sharshy alańǵa shyǵatynyn málimdedi. Onyń aıtýynsha qazirgi ýaqytta Golovkınniń ókilderimen qarjy máselesi sheshilgen. Sonymen qatar, qazaqstandyq boksshy osy aptanyń sońyna deıin kelisimshart usynbasa, ózge qarsylas izdeıtinin alǵa tartty.