Maqsat Qabashev "KAZAKH INVEST" Ulttyq kompanııasy" AQ basqarma tóraǵasy bolyp saılandy, dep jazady kompanııanyń baspasóz qyzmeti.
«"KAZAKH INVEST" Ulttyq kompanııasy" AQ dırektorlar keńesiniń 2017 jyldyń 31 naýryzyndaǵy sheshimine saı, Basqarma Tóraǵasy bolyp Maqsat Qabashev saılandy", - delingen habarlamada.
Maqsat Raqymjanuly Qabashev 1967 jyly 1 qańtarda Qyzylorda qalasynda týǵan.
Máskeý ormantehnıkalyq ınstıtýtyn (1991) ınjener-tehnolog mamandyǵy boıynsha; Q. I. Sátbaev atyndaǵy Qazaq ulttyq-tehnıkalyq ýnıversıtetiniń kadrlardy qaıta daıarlaý fakýltetin (2001) ınjener-mehanık mamandyǵy boıynsha; Massachýsets tehnologııalyq ınstıtýtyn (2004) iskerlik ákimshildilik magıstri mamandyǵy boıynsha bitirgen. Tehnıka ǵylymdarynyń kandıdaty.
1991 jyldan - Qazaq memlekettik sáýlet-Qurylys akademııasynyń synaq merziminen etýshi-zertteýshisi. 1992 jyldan - «Vıst» JShS dırektory. 1993 jyldan - «Qazmunaıhım» JAQ kommersııalyq dırektory. 1997 jyldan - «Qazaqgaz» THK birinshi vıse-prezıdenti; «Aksept-klırıng» JAQ vıse-prezıdenti. 1998 jyldan - «Qazaqgaz» UK prezıdenti (Oral qalasy). 1999 jyldan - Máskeý qalasyndaǵy «Qazaqoıl» UK ókildiginiń dırektory. 2000 jyldan - QR Energetıka jáne mıneraldyq resýrstar mınıstrliginiń gaz óndirý jáne tasymaldaý basqarmasynyń bastyǵy 2002 jyldan - QR Indýstrııa jáne saýda mınıstrliginiń Tehnologııany damytý departamentiniń dırektory, mınıstr keńesshisi. 2004 jyldan - «Ulttyq ınnovasııalyq qor» AQ basqarmasy tóraǵasynyń orynbasary. 2008 jyldan - «Qazyna» TDQ» AQ basqarma tóraǵasynyń ınvestısııalar jónindegi orynbasary. 2008 jyldan Qazaqstannyń ınvestısııalyq qory» AQ basqarmasynyń tóraǵasy. 2009 jyldyń qańtarynan - «Stress aktıvteri qory» AQ basqarmasynyń tóraǵasy.
2009 jyldyń aqpanynan beri - «Alıans bank» AQ basqarmasynyń tóraǵasy bolǵan.
«Astana-Fınans» AQ Dırektorlar keńesiniń (2007 jyldan); «Qazaqstannyń ınvestısııalyq qory» AQ Dırektorlar keńesiniń múshesi (2008 jyldan).
Úılengen. Jubaıy - Toqsanbaeva Aıgýl Erkinqyzy Qyzy - Mádis (1994 jyly týǵan); uly - Abylaı (2002 jyly týǵan).