Keshe Syrtqy ister mınıstrliginde Premer-mınıstrdiń orynbasary – Indýstrııa jáne jańa tehnologııalar mınıstri Áset Isekeshevtiń tóraǵalyǵymen jáne Syrtqy ister mınıstri Erjan Qazyhanovtyń qatysýymen Qazaqstanǵa ınvestısııa tartý jáne ınvestısııalyq jaǵdaıdy jaqsartý máselesi boıynsha otyrys bolyp ótti.
Atalǵan kezdesýdi ótkizý týraly bastama Prezıdent N.Nazarbaevtyń jaqynda Úkimet músheleri, ortalyq memlekettik organdardyń basshylary, «Nur Otan» HDP jáne «Samuryq-Qazyna» UÁQ qatysýymen ótken keńeıtilgen otyrys barysynda bergen tapsyrmasyn oryndaý haqynda kóterilgen bolatyn. Osy keńeıtilgen otyrysta Elbasy shetel ınvestısııasy men ınnovasııasyn elimizge tartýdy ulttyq ekonomıkamyzdyń damýyn qamtamasyz etýdegi basty mindetterdiń biri retinde aıqyndap berdi.
Kezdesý sheńberinde qatysýshylar elimizdiń ınvestısııalyq saıasatyn damytý jóninde barlyq múddeli taraptardyń tıimdi yntymaqtasýyn qamtamasyz etýge baǵyttalǵan vedomstvoaralyq jumys tobyn qurý máselesin talqyǵa saldy.