Halel Dosmuhamedov atyndaǵy Atyraý memlekettik ýnıversıtetinde bastaý alǵan joba Kids University dep atalady. Álem boıynsha osy ispetti 150 oqý orny bar. Oqýshylardyń jalpy bilim beretin mektep baǵdarlamasynyń aıasynan shyǵyp, halyqaralyq bilim keńistigine enýine jaǵdaı jasaý, ǵylymǵa baýlý, jańa tehnologııalardy qoldana bilýge úıretý Balalar ýnıversıteti arqyly júzege asyrylatyn bolady.
Bul jobanyń ereksheligi – jasóspirimder oqyp qana qoımaı, ǵylym men tehnıkaǵa qatysty saýaldaryna jaýap alady. Ǵalymdar qyzyqty dárister ótkizedi.
– Mektep oqýshylarynyń kóktemgi demalysy kezinde aımaqtaǵy 5-11 synyptarda oqıtyn 52 oqýshy ýnıversıtetke qabyldandy. Matematıka, ınformatıka, ekologııa, aǵylshyn tili, tarıh pánderinen sabaq alyp, kórkemsýret stýdııasynda jumys istedi. Olarǵa arnaıy stýdenttik bıletter tabystaldy, – deıdi Balalar ýnıversıtetiniń rektory Oryngúl Ábilova.
Baqytgúl BABASh,
«Egemen Qazaqstan»
ATYRAÝ