Keshe Senat spıkeri Máýlen Áshimbaevtyń tóraǵalyǵymen bıýro ótti. Depýtattar 9 sáýirdegi palata otyrysynyń kún tártibin aıqyndady.
Beısenbide ótetin palatanyń aldaǵy otyrysynda senatorlar «Ázerbaıjan Respýblıkasy, Qazaqstan Respýblıkasy jáne О́zbekstan Respýblıkasy arasyndaǵy jasyl energııany óndirý jáne berý salasyndaǵy strategııalyq áriptestik týraly kelisimdi ratıfıkasııalaý týraly» QR zańyn qaraıdy. Yntymaqtastyq ekologııalyq taza sýtegi men ammıakty birlesip óndirýdi jáne satýdy, sondaı-aq elder arasynda jańartylatyn energııany úzdiksiz berý úshin biryńǵaı tehnıkalyq jáne ákimshilik erejelerdi ázirleýdi kózdeıdi.
Kún tártibindegi kelesi másele «TMD-ǵa qatysýshy memleketterdiń radıasııalyq jaǵdaı monıtorınginiń derekterimen almasý kezindegi ózara is-qımyly týraly kelisimdi ratıfıkasııalaý týraly» QR zańy bolmaq. Kelisim radıasııalyq jaǵdaı monıtorınginiń derekterimen almasý, taldaý jáne boljaý arqyly ózara is-qımyl tıimdiligin arttyrýǵa jáne ıadrolyq ári radıasııalyq qaýipsizdikti qamtamasyz etýge baǵyttalǵan.
Sonymen qatar depýtattar Memleket basshysynyń jyl saıynǵy Joldaýyndaǵy mindetterge sáıkes Senattyń jumys josparyn talqylap, Májilis buǵan deıin qabyldaǵan zańdardy turaqty komıtetter arasynda bólip berdi.