«Qazaqstan temir joly» UK» AQ ujymy dástúrli senbilikke shyqty
Altaıdan Atyraýǵa deıingi qus qanaty talatyn 14 myń shaqyrymdyq magıstraldy jeliniń boıyndaǵy temirjolshylar qaýymy bir atanyń balasyndaı uıymdasqan túrde senbilikke shyqty. Ondaǵy maqsat – qys boıy qasat qardyń astynda qalyp, kún kóterile aınalaǵa onsha ár bere qoımaıtyn kúl-qoqystardan arylý.
Astana qalasyndaǵy tórt myńnan astam, aımaqtardaǵy jol bólimshelerindegi ondaǵan myń temirjolshylar senbi kúni kásiporyn aýmaqtaryn tazalady. «QTJ» UK» AQ ortalyq apparaty qyzmetkerleri men fılıaldarynyń qyzmetkerleri áýejaıǵa shyǵatyn jol boıynda jumys istedi.
Astanadaǵy aýa raıynyń salqyndyǵyna qaramastan temirjolshylar jol jıegindegi orman alqaptary men shóptesin ósimdikterdi byltyrdan beri jınalyp qalǵan japyraqtardan arshydy.
Qyzmetkerlerge arnalǵan «dalalyq ashana» ystyq shaı men dámdi taǵamdardy jetkizdi.
Eskendir ERTAI.
Astana.