Memleket basshysy kezdesýde partııanyń 2016 jylǵy qyzmetiniń qorytyndylary jónindegi esepti tyńdap, aldaǵy kezeńge arnalǵan jumys josparlarymen tanysty.
Nursultan Nazarbaevqa jalpyulttyq kún tártibindegi mańyzdy aspektilerdi iske asyrý sharalary, sondaı-aq el damýynyń basty baǵyttary jóninde jurtshylyqty habardar etý máseleleri týraly baıandaldy.
M.Qul-Muhammedtiń málimeti boıynsha, partııa qurylymdaryna aryz-shaǵymmen júgingen azamattar sany 2015 jylmen salystyrǵanda 30%-ǵa artqan. 2016 jyly 283 myńnan astam ótinish kelip túsken, qazir onyń 92%-y oń sheshimin tapty.
Sondaı-aq, Elbasyna partııa ókilderiniń óńirlerdegi jurtshylyqpen kezdesýleriniń qorytyndylary jáne kúndelikti qyzmet barysynda qoldanylatyn partııa jumysynyń jańa formaty jóninde málimet berildi.