Elbasymyz Nursultan Nazarbaevtyń jetekshiligimen elimizdiń bolashaǵyn aıqyndaıtyn naqty maqsatymyzdy anyqtadyq, ol – álemdegi eń damyǵan 30 eldiń qataryna kirý.
Keshe ǵana Elbasymyzdyń «Bolashaqqa baǵdar: rýhanı jańǵyrý» taqyrybyndaǵy maqalasy jaryqqa shyqty. Qazaqstan jastary bul maqalanyń naqty bizge baǵyttalǵanyn ańǵara otyryp, Prezıdentimiz Nursultan Ábishuly Nazarbaevtyń maqalasy jaıynda óz pikirimizben bólisýdi uıǵardyq.
Bizdiń anyq túsingen eń birinshi másele – «Qoǵamnyń sanasyn jańǵyrtýdyń baǵyttary» men «Taıaý jyldardaǵy mindetterdiń» bizge, jas býyn ókilderine arnalǵany, sebebi, qazirgi jastar – eń joǵarǵy qundylyq – adamı kapıtal sanalatyn tehnologııalar ǵasyrynyń zamandastary. Sapaly bilim men daǵdylar kelesi onjyldyqtardyń eń mańyzdy qundylyqtary bolmaq jáne ár adam mindetti túrde qabiletterine saı ádil baǵalanyp, qoǵamdaǵy óz ornyn tabatyn bolady.
Elbasymyzdyń «árbir qazaqstandyq, sol arqyly tutas ult HHI ǵasyrǵa laıyqty qasıetterge ıe bolý kerek. Mysaly, kompıýterlik saýattylyq, shet tilderin bilý, mádenı ashyqtyq sııaqty faktorlar árkimniń alǵa basýyna sózsiz qajetti alǵysharttardyń sanatynda» degen sózderimen kelisemiz, óıtkeni, ol – sózsiz shyndyq. Atalǵan qasıetterdi damytý jáne ózge eldermen tatý bolý ult pen jeke adamdardyń álemdik sahnadaǵy sáttilik kepili bolyp tabylady.
Biz taptaýryndar, ıaǵnı stereotıpterge erýdi toqtatýǵa daıynbyz, óıtkeni bizdiń ǵasyrymyz – jańa dáýir bolyp tabylady. Bul dáýirde biz úshin eskiniń tek eń jaqsysy qundy bolyp, barlyq tıimsiz ári mánsiz qaǵıdalar ótkenniń enshisinde qalýy qajet. Biz – kezinde saıası maqsattarda elimizge jasandy túrde engizilgen taptaýryndardy esti túrde oryndylyq pen qısynsyzdyǵyna qaraı saraptaı alatyn jas býynbyz.
Maqalasynda Nursultan Ábishuly ótken júzjyldyqtyń ortasyna deıin ǵasyrlar boıy bizdiń halqymyzdyń «týǵan jerdiń tabıǵatyn kózdiń qarashyǵyndaı saqtap, onyń baılyǵyn únemdi, ári oryndy jumsaıtyn teńdesi joq ekologııalyq ómir saltyn ustanyp kelgenin» esimizge túsiredi. Biz Prezıdenttiń ata-babalarymyzdyń qarapaıymdylyq jáne únemdilik qasıetterin qaıta qalpyna keltirý qajet degen oıymen kelisemiz. Qazirgi qoǵamymyzǵa ysyrapshyldyq, dańǵoılyq, sán-saltanatqa umtylys tán ekeni ras. Bul qasıetterden arylyp, ustamdylyq pen únemshildikti úırenýimiz kerek degen de ras.
Qoǵamymyzda Elbasy jazǵan aımaqtarǵa bóliný qasıeti bary da shyndyq. Bizdiń uly ata-babalarymyz halqymyz aımaqtar men rýlarǵa minez, ádetterge bólinsin dep emes, terrıtorııamyzdyń birtutastyǵyn saqtaý úshin jáne ultymyzdyń saýlyǵy úshin bólgen. Jerimiz búgingi kúnde bizdiń eldik jáne Konstıtýsııamyzben qorǵalǵan bolsa, ult saýlyǵyn saqtaý úshin ata-babalarymyzdyń bıologııalyq zańdar týraly danalyǵyn este ustap, bilimimizdi babalarymyz sekildi kemeńgerlikpen qoldanǵanymyz abzal. Aımaqaralyq taptaýryndardy ótkenniń enshisine qaldyraıyq, óıtkeni, bárimiz de birtutas Qazaqstan shańyraǵynyń bir ulty bolyp tabylamyz.
Biz – jaspyz, biraq jasymyzǵa qaramastan, elimizdegi evolıýsııalyq ózgeristerdiń barlyǵy, ásirese, bilim berý salasyndaǵy jańalyqtar, joǵary býyn ókilderine revolıýsııa bolyp kórinýi múmkin ekenin ańǵaramyz. Biraq qazirgi zaman – jyldam aǵys, júırik ózgerister, shapshań sheshimder qabyldaý ýaqyty. Biz muny túsinemiz. Bizdiń evolıýsııa XXI ǵasyrdyń qarqyndy ekpinine saı júzege asyrylýda. Bolashaqqa qorqynyshpen qarap, kútip qana otyratyndar utylady. Intensıvti ózgerister zamanynda tek ister mańyzdy.
Elbasymyz usynǵan josparlardyń pragmatıkalyq tıimdiligi latyn álipbıine aýysý máselesinde de kórinis tabady. Mundaı qadam bizge uzaq merzimdi múddemizde tıimdi: birinshiden, ekonomıkalyq jaǵynan, al ekinshiden, latyn álipbıindegi taýarlardyń kırıllısadaǵy balamasyn jasaýǵa jumsaıtyn ýaqytty únemdeý tarapynan.
Ulttyq sanany jańǵyrtýmen qatar, «Jahandaǵy zamanaýı qazaqstandyq mádenıet» jobasyn qoldamaý – aqylsyzdyq bolar edi. Biz bar álem Qazaqstandy jyldam damyp kele jatqan memleket retinde ǵana emes, joǵary sapaly adamı kapıtal jáne eń baı tarıhy bar aldyńǵy qatarly memleket retinde bilýi tıis dep oılaımyz.
Úshinshi jańǵyrtý kezeńindegi Qazaqstan – adamdardy eńbek, bilim jáne daryndylyǵyna saı baǵalaıtyn memleket.
Biz Elbasymyz Nursultan Nazarbaevtyń zaman talaptaryn kóregendikpen aıqyndaý qasıetine rızamyz! Prezıdenttiń damý jolyndaǵy naqty ári anyq baǵyttardy usynǵanyna alǵysymyzdy bildiremiz.
Biz jańǵyrtylǵan ulttyq sana ıdeıasyn jáne Elbasy maqalasyndaǵy jobalardyń júzege asyrylýyn qoldaımyz!
Jastar, biz, elimizdiń bolashaǵy úshin jaýapkershiliktiń tek ózimizdiń moınymyzda ekenin bilemiz, sondyqtan Qazaqstan jastary álemge myqty ári jaýapkershiligi joǵary birtutas ultty kórsetýge daıyn ekenin málimdeımiz!
Qazaqstan Respýblıkasy boıynsha 100-den asa jastar uıymdaryn biriktiretin
«Qazaqstan jastarynyń kongresi» zańdy tulǵalar birlestigi