Ulttyq kodyn ulyqtaǵandar ozady

Ásirese, álemdi ǵalamtor jaý­lap alǵan qazirgi zamanda «sana-sezi­mimiz ben dúnıetanymymyzǵa áb­den sińip qalǵan taptaýryn qaǵı­dalardan arylmasaq, kósh basyn­daǵy eldermen terezemizdi teńep, ıyq túıistirý múmkin emes» ekenin shegelep aıtýy kezdeısoqtyq emes.

Ǵalamdyq órkenıettiń kóshine ilesý úshin jeke ult bolyp qalýdyń mańyzy erekshe zor.Tarlan tarıhta tili men rýhanııatynan ada bo­lyp, ult retinde joıylyp ketken qaýymdar az emes. Solardyń kebin kımeý úshin tek óz ultymyzǵa ǵana tán erekshelikti, ádet-ǵuryp, salt-dástúrlerdi saqtap qalyp, keler urpaqtarymyzǵa jetkizý eń qasıetti mindetterimizdiń biri.

Osy oraıda Prezıdentimiz: «Ájeptáýir jańǵyrǵan qoǵamnyń óziniń tamyry tarıhynyń tere­ńi­nen bastaý alatyn rýhanı kody bolady. Jańa turpatty jań­ǵyrý­dyń eń basty sharty – sol ult­tyq kodyńdy saqtaı bilý. On­syz jańǵyrý degenińizdiń qur jań­ǵyryqqa aınalýy op-ońaı. Biraq, ulttyq kodymdy saqtaımyn dep boıyńdaǵy jaqsy men jaman­nyń bárin, ıaǵnı bolashaqqa senim­di nyǵaıtyp, alǵa bastaıtyn qa­sıet­terdi de, kejegesi keri tartyp turatyn, aıaqtan shalatyn ádetterdi de ulttyq sananyń aıasynda súrlep qoıýǵa bolmaıtyny aıdan anyq» dep kóptiń kókeıinde júrgen oı sul­ba­syn qabyrǵaly oı taram­darymen óte salmaqty baıyp­tapty. Shynynda ulttyq kodyn baǵa­lap, ony qasıetti qundy­lyq retin­de ustanyp kele jatqan elder tarıh kóshiniń basynda turǵanyn qazir kórip otyrmyz. Endi osy óreli oılardyń ómirde júzege asy­rylýyna barshamyz, ásirese bu­qaralyq aqparattyq quraldary mol úles qosýy aýadaı qajet.

Demek osy turǵyda arnaıy mem­le­kettik baǵdarlama jasalsa tipti quba-qup bolar edi. Sebebi, bú­gin­gi tańdaǵy aqparattyq kommý­nı­ka­sııa quraldarynyń múmkindigi sheksiz. Dástúrli BAQ-ta ǵana emes ǵalamtorda da aýdıo-vıdeo ónim­derdi kórermen, tyńdarman naza­ry­na udaıy, júıeli, josparly túr­de ári memlekettik deńgeıde usy­nyp otyrsaq onyń jemisi mol bola­tyny daý týǵyzbaıdy. Bas re­dak­torlar klýby da osy rette ózin­dik úles qosýǵa ázir. Rasynda, bul kóp bolyp qolǵa alynatyn, jú­ze­ge asyrylatyn tirlik. Endeshe, búkil zııaly qaýymdy osy ult keleshegi jolyndaǵy irgeli iske jumyldyraıyq.

Qazaqstannyń Bas redaktorlar klýby QB