«Referendým qorytyndylary Túrkııa halqy arasyndaǵy Sizdiń joǵary bedelińizdiń jáne halyqaralyq arenada elińizdiń tuǵyryn nyǵaıtýǵa baǵyttalǵan saıasatyńyzǵa kórsetken kópshiliktiń qoldaýynyń aıqyn dáleli bolyp sanalady. Sizdiń basshylyǵyńyzben Túrik Respýblıkasy óńirdegi turaqtylyqty saqtaýǵa zor úles qosatyn, jahandyq saıasatta eleýli orny bar el, yntymaǵy berik, zaıyrly memleket bolyp qala beretinine senimdimin.
Qazaqstan men Túrkııa arasynda qalyptasqan tyǵyz yntymaqtastyq eki el halqynyń ıgiligi jolyndaǵy ózara túsinistik negizinde jalǵasa beredi dep senemin», – delingen jedelhatta.
Nursultan Nazarbaev Túrik Respýblıkasy Prezıdentiniń jaýapty qyzmette mol tabysqa jetýine, al baýyrlas túrik halqynyń odan ári damyp, ósip-órkendeı berýine tilektestik bildirdi.