Elimizdiń ózge óńirleri qar sýymen arpalysyp jatqanda О́skemenniń irgesinde órt shyqty. Búgin tús aýa Sheshek asýy mańynda saıajaılarǵa jaqyn aýmaqta tutanǵan tilsiz jaýdy óskemendik órt sóndirýshiler tez arada aýyzdyqtap úlgerdi.
"Qyzyl jalynmen úsh saǵattaı arpalystyq. Tolyǵymen sóndirdik dep aıta almaımyz. Keıbir tustar qaıtadan tutanýy da múmkin. Sondyqtan kezekshilik qoıyp, baqylaýda ustaıtyn bolamyz", - deıdi О́skemen qalalyq N 3 órt sóndirý bólimi basshysynyń orynbasary Pavel Larıonov. О́rtti sóndirýge 5 avtosısterna, 1 orman tehnıkasy men jeke quramynyń 20 adamy jumyldyrylypty.
Oblystyq tótenshe jaǵdaı departamentiniń baspasóz qyzmetiniń taratqan málimetterine súıensek, qyzyl jalyn 20 gektar jerdi jaıpap ótipti.
Azamat Qasym,
"Egemen Qazaqstan"
О́skemen