Partııa Tóraǵasynyń birinshi orynbasary barlyq jumystardyń negizgi kórsetkishi aıtarlyqtaı jaqsarǵanyna toqtaldy. Atap aıtsaq, ortalyqta da, jergilikti jerlerde de «Nur Otan» partııasynyń barlyq bólimsheleriniń qyzmeti jandana túsken. Bul rette, ásirese, konstıtýsııalyq reforma, Prezıdenttiń «Qazaqstannyń Úshinshi jańǵyrýy: jahandyq básekege qabilettilik» atty halyqqa Joldaýy, «Nurly jol» ınfraqurylymdy damytý baǵdarlamasy, Agroóndiris keshenin damytý memlekettik baǵdarlamasy, Nátıjeli jumyspen qamtýdy jáne jappaı kásipkerlikti damytý baǵdarlamasy, sondaı-aq «Nurly jer» turǵyn úı qurylysy baǵdarlamasy sııaqty kún tártibindegi mańyzdy máselelerge erekshe kóńil bólinip keledi.
Muhtar Qul-Muhammed resýrstardy aıqyn bólý men menedjmenttiń tıimdi úlgisi bar, sondaı-aq barlyq deńgeıdegi istiń nátıjeliligin qatań baqylaýdy qamtamasyz etetin partııa qyzmetiniń qysqa jáne uzaq merzimge arnalǵan josparlaýynyń jańa júıesin engizýdiń arqasynda jumys sapasynyń artyp, qamtylý aýqymynyń keńeıe túskenin atap ótti.
Keleshektegi negizgi basymdyqtarǵa toqtalatyn bolsaq, Muhtar Qul-Muhammed nurotandyqtarǵa ótken aptada qazaqstandyq jetekshi BAQ-tarda jaryq kórgen jáne saıası, ekonomıkalyq qaıta qurýlarmen qatar, rýhanı jańǵyrýdyń jalǵasy bolyp tabylatyn Prezıdenttiń «Bolashaqqa baǵdar: rýhanı jańǵyrý» atty jańa baǵdarlamalyq maqalasyna qatysty jalpyhalyqtyq talqylaýlarǵa belsendi qatysyp, ony tıimdi júzege asyrýdy tapsyrdy. Partııa Tóraǵasynyń birinshi orynbasary Elbasynyń jańa tarıhı bastamalaryn túsindirý jónindegi jumystyń erekshe mańyzdylyǵyna toqtalyp, partııanyń bul istiń basy-qasynda bolatynyna senim bildirdi.
Sonymen qatar, jıyn barysynda kóktemgi sý tasqynynan zardap shekken aımaqtardaǵy ahýal týraly da aıtyldy. Muhtar Qul-Muhammed «Nur Otannyń» óńirdegi fılıaldaryna zardap shekken turǵyndarǵa barynsha kómek kórsetýdi tapsyrdy.
«Biz – qashanda birligi bekem, yntymaǵy jarasqan, kimge de bolsyn qamqorlyq qolyn sozýǵa daıyn halyqpyz. Bul joly da sizderdi qıyndyqqa tap bolǵan otandastarymyzdyń jaǵdaıyna beıjaı qaramaıdy dep senemin. «Nur Otan» partııasy bul qaıyrymdy, saýaby mol iste kópke úlgi bolýy tıis. Sý tasqynynan zardap shekkenderge qolushyn sozý – bizdiń azamattyq abzal boryshymyz. Sondyqtan, jergilikti jerlerde osy baǵyttaǵy jumysty jedel ári júıeli uıymdastyrýymyz kerek», – dedi «Nur Otan» partııasy Tóraǵasynyń birinshi orynbasary.