Sh.Aımanov atyndaǵy «Qazaqfılm» kınostýdııasynyń «Debıýt» shyǵarmashylyq-óndiristik birlestigi qysqametrajdy kórkem fılmderdiń ssenarıılerin qarastyrý úshin baıqaý jarııalady. Bul týraly kınostýdııanyń baspasóz qyzmeti málimdedi.
Shart boıynsha, baıqaýǵa Qazaqstan Respýblıkasynyń azamattary ǵana qatysa alady.
«Ssenarıı kólemi 5-20 bet bolýy kerek. Mátin qazaq nemese orys tilderinde qabyldanady. Sondaı-aq kınematografııa salasynda buryn jasaǵan rejısserlik jobalary, tájirıbesi bolsa quba-qup» delingen baspasóz baıanynda.
Ssenarıı mazmunynda konstıtýsııalyq qurylymdy kúshtep ózgertýdi úgitteý nemese nasıhattaý; Respýblıkanyń tutastyǵyn buzý; memleket qaýipsizdigine zııankestik jasaý; áleýmettik, násildik, ulttyq, dinı, tektik jáne rýlyq ústemdikti, qatygezdik pen zorlyq-zombylyqty úgitteý nemese nasıhattaý kórinisteri, sonymen qatar pornografııalyq jáne arnaýly seksýaldyq-erotıkalyq sıpattaǵy kórinis sahnalar bolmaýy tıis.
Ssenarııler 2017 jyldyń 1 mamyryna deıin qabyldanady. «Debıýt» ShО́B qabyldanǵan ssenarıılerdiń óndiriske jiberilýine kepildik bermeıdi.
Sh. Aımanov atyndaǵy «Qazaqfılm» AQ – Kórkem, derekti, anımasııalyq kıno óndirisi men óndiristen keıingi kezeńde turǵan ónimdermen (onyń ishinde montajdaý, dybystaý, t.b.) aınalysatyn Qazaqstandaǵy negizgi kınokompanııa. Sh.Aımanov atyndaǵy «Qazaqfılm» kınostýdııasynyń tarıhy 1934 jyldan bastaý alady.