2013 jyly 16 qyrkúıek kúni QR Prezıdenti Nursultan Nazarbaev pen QHR Tóraǵasy Sı Szınpın eki el arasyndaǵy strategııalyq áriptestikti damytý maqsatynda birikken deklarasııaǵa qol qoıyp, 2017 jyldy Qytaı Halyq Respýblıkasynyń Qazaqstandaǵy Týrızm jyly dep jarııalaǵan bolatyn.
«Bul - eki eldiń týrızm salasyndaǵy alǵashqy aýqymdy sharasy. Qytaıdyń Qazaqstandaǵy týrızm jyly osy saladaǵy elimizdiń naryǵyna aıtarlyqtaı serpilis berip, týrıstik klasterdiń damýyn kúsheıtedi dep oılaımyn», - dedi Mádenıet jáne sport mınıstri Arystanbek Muhamedıuly.
Kórmeniń ashylýyna jáne Qazaqstandaǵy Qytaıdyń týrızm jylynyń bastalýyna arnaıy kelgen QHR-dyń Týrızm isteri boıynsha memlekettik basqarma basshysy Dý Szıan bıylǵy jyl eki eldiń yntymaqtastyǵyn jańa deńgeıge kóteretinin aıtty.
«Qazaqstandaǵy Qytaıdyń týrızm jyly eki el yntymaqtastyǵynyń jańa deńgeıge shyqqanyn kórsetedi. Týrızm salasy boıynsha eki el turǵyndarynyń belsendi is-sharalar boıynsha qarym-qatynasy, týrıstik kompanııa qyzmetkerleriniń jumysy jemisin beretin bolady», - dedi Dý Szıan.
Aıta keteıik, Qazaqstandaǵy Qytaıdyń týrızm jyly aıasynda elimizde birqatar aýqymdy is-sharalar uıymdastyrylmaq. Onyń ishinde, kórmeler, tanystyrý jıyndary, Qazaqstanǵa qosymsha týrlar uıymdastyrý sharalary kiredi.