Jarysqa barlyǵy 8 komanda qatysty. Onda Qazaqstan sport baspasózi qaýymdastyǵy Astana qalalyq fılıalynyń «Jeńis», «Egemen Qazaqstan», «Habar», «Qazaq Radıosy», «QazMedıa», «Sport 59», «Kazsport» jáne «Atameken» komandalary kúsh synasty.
Týrnırde komandalar eki topqa bólinip, óner kórsetti. «A» tobynda Qazaq Radıosy, «Egemen Qazaqstan», «Kazsport» jáne «Habar» ujymdary oınasa, «V» tobynda «QazMedıa», «Jeńis», «Sport 59», «Atameken» jigitteri ózara kúsh synasty.
Jarys óte tartysty jəne qyzyqty ótti. Ony týrnırdiń ashylý saltanatynda sóz sóılep, soǵan deıin oıyndardy óz kózimen kórgen Mádenıet jəne sport mınıstrligi sport jəne deneshynyqtyrý isteri komıtetiniń tóraǵasy Elsııar Qanaǵatov ta aıtty.
Eki topqa bólingen komandalar bir-birimen oınap, myqtylary jartylaı fınalǵa shyqty. «A» tobynda «Habar» agenttigi men «Egemen Qazaqstan» gazetiniń klýbtary birinshi jáne ekinshi orynmen kelesi aınalymǵa shyqsa, «V» tobynda «Jeńis» pen «Sport 59» komandalary ½ fınalǵa joldama aldy.
Qorytyndysynda týrnır uıymdastyrýshy «Jeńis» komandasy chempıon atansa, «Habar» ujymy ekinshi orynǵa turaqtady. Al «Sport 59» úzdik úshtikti túıindedi.
Sonymen qatar, uıymdastyrý komıteti jekelegen atalym boıynsha úzdik atanǵan tórt adamǵa arnaıy syılyq taǵaıyndady. Onda týrnırdiń úzdik oıynshysy ataǵyn «Habar» agenttiginiń kapıtany Nursultan Qurman, úzdik qorǵaýshy nomınasııasyn «Egemen Qazaqstan» komandasynyń oıynshysy Eltaı Nurǵazın alsa, Qumarbek Azat («Jeńis») úzdik shabýylshy, Aıbek Qabylsha («Habar») úzdik qaqpashy atandy.
Endi bolashaqta Qazaqstan sport baspasózi qaýymdastyǵynyń Astana qalalyq fılıaly jýrnalıster arasynda jarystyń birneshe túrinen Spartakıada ótkizýdi josparlap otyr.