Endi qujat Parlament Senatynyń qaraýyna jiberiledi.
«Hattamamen taraptardyń basqarýyna berilgen temirjol ýchaskeleri boıynsha memlekettik shekara arqyly jolaýshylar jáne júk poıyzdarynyń toqtatýsyz ótý tártibi qarastyrylady. Sonymen qatar, toqtatýsyz ótetin poıyzdar shekara qyzmeti jaǵynan bolatyn tekserýlerge jatpaıdy. Atalǵan normalar jolaýshylardy jetkizý merzimin bir baǵytta 36 saǵattan 23 saǵatqa deıin qysqartýǵa múmkindik beredi», - dedi QR Investısııalar jáne damý mınıstri Jeńis Qasymbek zań jobasy boıynsha baıandama jasaý barysynda.
Mınıstrdiń sózine qaraǵanda, budan basqa, hattamamen ózge eldiń aýmaǵynda ornalasqan bir eldiń temirjol ýchaskesinde júk operasııalaryn júrgizý úshin stansalardy ashý jáne jabý tártibi reglamentteledi. Hattamamen shekaralyq aımaqtardaǵy jolaýshylar tasymalyn uıymdastyrý máseleleri qarastyrylǵan. Sonyń ishinde jergilikti atqarýshy organdarǵa konkýrsty uıymdastyrý, tasymaldaýshylardyń shyǵynyn sýbsıdııalaý erejelerin ázirleý boıynsha quzyreti beriletin bolady.