Bala tárbıesin jetildirýge baǵyttalǵan ıgilikti sharaǵa óńir ata-analary men tárbıe ádiskerleri, synyp jetekshileri qatysyp, otbasy qundylyqtaryn talqyǵa saldy.
Forýmǵa jınalǵan jurtshylyq bala tárbıesindegi ózekti máselelerdi qyzý talqylap, ata-analar keńesiniń jumysyna kóńil bóldi. Árbir mektep bazasynda «Otbasy ortalyǵyn» ashý qajet ekenin aıtty.
«Forýmda ózekti máselelerdi kóterdik. Bala – bolashaǵymyz. Biz balalardy qalaı tárbıelesek, bolashaǵymyz sondaı bolady. Uqypty eńbekqor adam jemis ósiredi. Jalqaý adam aram shóp ósiredi. Al aqyldy danyshpan adam eldi ósirip, beıbitshilik ornatady. Balany bes jasqa deıin erekeletip ósirip, besten keıin eńbekke baýlý qajet. Balanyń ósip jetilýi árıne, ata-anaǵa kóbirek baılanysty», – deıdi ata-analar keńesiniń tóraıymy Saparkúl Omasheva.
Oblystyq ata-analar forýmyna qatysýshylar Elbasy maqalasyn da taldap ózekti oılarymen bólisti.
Baqtııar TAIJAN,
«Egemen Qazaqstan»