Qurmetti Nursultan Ábishuly!
Sizdiń buqaralyq aqparat quraldarynda jarııalanǵan «Bolashaqqa baǵdar: rýhanı jańǵyrý» atty maqalańyzda qozǵalǵan ozyq oılaryńyz ben jańashyl kózqarastaryńyzdy jas urpaqty tárbıelep otyrǵan O.Tańsyqbaev atyndaǵy Almaty sándik-qoldanbaly óner kolledji ujymy biraýyzdan qoldaıdy. Ulttyq mádenıet, ulttyq sana, ulttyq rýh – eń basty qundylyqtarymyz. Osy maqalaǵa ózek bolǵan el bolashaǵy, ult taǵdyry, sondaı-aq jas urpaq úshin asa mańyzdy isterdi júzege asyrýǵa jáne ulttyq qundylyqtarmen sýsyndaǵan sanaly urpaqty
tárbıeleýge óz úlesimizdi qosamyz dep senim bildiremiz.
S.ShALABAEV,
Qazaqstannyń eńbek sińirgen qaıratkeri, professor
Asa mártebeli Nursultan Ábishuly!
Qazaqstan Respýblıkasy Ulttyq mýzeıiniń aýqymdy ujymy Sizdiń uǵynyqty túrde jańa ıdeologııalyq tuǵyrnama tujyrymdalyp, Qazaqstan qoǵamyn rýhanı jańǵyrtýdyń qundy basymdyqtary belgilengen «Bolashaqqa baǵdar: rýhanı jańǵyrý» atty baǵdarlamalyq maqalańyzben muqııat tanysa kelip, ony biraýyzdan qoldaıdy.
Baǵdarlamalyq qujattyń arqasynda aldymyzda jańa múmkindikter ashylýda, bul túptep kelgende, Ulttyq mýzeıdiń ujymyn damýdyń básekege qabiletti deńgeıine shyǵaryp, álemdegi áıgili mýzeıler arasynda óziniń ornyn tabýǵa múmkindik beredi.
Biz Sizben árdaıym birgemiz!
J.TAIMAǴAMBETOV,
Ulttyq mýzeı dırektorynyń orynbasary,
UǴA korrespondent-múshesi, professor
Qurmetti Nursultan Ábishuly!
Sizdiń «Bolashaqqa baǵdar: rýhanı jańǵyrý» atty mán-mazmuny tereń maqalańyzdy keshegi ult danalarynyń kıeli besigi bolǵan shyǵystaǵy Abaı eli de zor yqylaspen qabyldady. Memlekettik damýdy aıqyndaıtyn saıası-ıdeologııalyq osynaý qujatta qazaq halqynyń órkenıettik tańdaýy jasalynypty. Maqalańyzdaǵy HHI ǵasyrda Ulttyq kodty saqtaı otyryp, jańǵyrý, Jahandyq sana boıynsha básekege qabilettilik, Bilimniń jalpyǵa ortaq saltanattylyǵy, Sananyń ashyqtyǵy syndy basymdyqtar dál merziminde kóregendilikpen jasalǵan tujyrymdar. Siz usynyp otyrǵan tyń ıdeıalar josparyn ulttyq múddeniń strategııalyq baǵytyn aıqyndaıtyn jańa ıdeologııalyq konsepsııa dep bilemiz. Kıeli meken Abaı aýdanynyń turǵyndary bıylǵy jyly hákim Abaıdyń ákesi, Úsh júzge aty málim qaıratker, aǵa sultan, ári qajy Qunanbaı О́skenbaıulyna eńseli eskert-
kish kóterýdi maqsat tutyp otyr. Bul da bolsa ólke tarıhyn tanytý men urpaq júregin nurlandyrý jolyndaǵy rýhanı jańarýdyń jańa belesine kóteriletin bir baspaldaǵy dep bilemiz. Mine, osy rette, osynaý jarqyn kezeńde Sizdiń kóshbasshylyǵyńyzdaǵy búgingi jasampaz býyndy Siz atap kórsetken taıaý jyldardaǵy mindetterdi tize qosa oryndaýǵa shaqyryp, barsha otandastarymyzdy jigerlendirgimiz keledi.
Árdaıym amandyqta bolyp, órkenıet kóshindegi halqyńyzdy damýdyń jańa belesterine bastaı berińiz. Sizdiń boıyńyzdaǵy danalyq Allanyń alash jurtyna bergen syıy dep bilemiz. Elimizdiń órkendeýimen birge mártebeńiz de asqaqtaı bersin!
О́zińizge degen ystyq iltıpat, izgi tilekpen hat joldaýshy:
Abaı eliniń aqsaqaldary, zııaly qaýym ókilderi.