Úkimet basshysy AО́K damytý baǵdarlamasynyń júzege asyrylýymen jáne ınnovasııalyq tehnologııalardy qoldanatyn sharýa qojalyqtarynyń jumysymen tanysty.
Oblys ákiminiń orynbasary Serikjan Beskempirov oblystaǵy AО́K damytý jáne qant qyzylshasyn, sýarmaly eginshilikti damytý boıynsha, sonymen qatar servıstik-daıyndaý sehtaryn qurý boıynsha qolǵa alynyp jatqan sharalar týraly baıandady.
Atap aıtqanda, Baqytjan Saǵyntaevqa «Nam G. N.» sharýa qojalyǵynyń úlgisinde sýarmaly eginshilikte jańa tehnologııalardyń qoldanylýy týraly áńgimelep berdi. Bul sharýashylyqtaǵy sýarmaly jer kólemi – 75 ga, onyń ishinde 25 ga jerde qant qyzylshasy, 30 ga jerge kartop ósiriledi, qalǵan jerlerge soıa jáne kúzdik bıdaı egiledi.
Almaty oblysynda qant qyzylshasyn óńdeıtin Jetisýdaǵy asa iri Aqsý zaýyty iske qosylǵan. 2017 jyly aımaqta qant qyzylshasy egiletin aýmaqty 9 myń ga deıin arttyryp, 30 myń tonna qant alý josparlanyp otyr. Bul oblys halqyn 84%-ǵa óz qantymen qamtamasyz etýge jáne ımportqa táýeldilikti tómendetýge múmkindik beredi, bul 2017-2020 jyldarǵa arnalǵan AО́K damytýdyń memlektetik baǵdarlamasynyń mindetterine saı keledi.
Sonymen qatar, jumys sapary barysynda Premer-Mınıstr «Taldyqorǵan» avtomattandyrylǵan gaz bólý stansasyna baryp, ondaǵy tehnologııalyq jabdyqtarmen jáne magıstraldi gaz qubyryn avtomattandyrylǵan basqarý júıesimen tanysty, sondaı-aq aımaq pen Taldyqorǵan qalasyn gazdandyrý barysy týraly baıandamany tyńdady.
Baqytjan Saǵyntaevqa uzyndyǵy shamamen 265 shaqyrym bolatyn «Almaty-Taldyqorǵan» magıstraldi gaz qubyry qurylysynyń aıaqtalýy týraly baıandaldy. Bul jańa gaz bólý stansasyn iske qosýmen birge ortalyqtandyrylǵan gaz qubyryna Taldyqorǵannyń birqatar yqsham aýdandaryn qosýǵa múmkindik berdi.
Baqytjan Saǵyntaev alǵash ret gaz qubyry jelisine qosylǵan aýdandardyń birinde bolyp, jergilikti turǵyndarmen kezdesti.
«Almaty-Taldyqorǵan» magıstraldi gaz qubyrynyń qurylysy – aımaq úshin asa iri ári áleýmettik mańyzǵa ıe jobalardyń biri. Ony júzege asyrý úshin bıýdjet qarajatynan 21,4 mlrd teńge bólindi.
QR Úkimetiniń aldynda aımaqtardy gazdandyrý deńgeıin 2030 jylǵa qaraı 56% deıin jetkizý mindeti tur. Osyǵan baılanysty qazirgi kezde atalǵan maqsattarǵa qol jetkizý boıynsha keshendi jumystar júrgizilip jatyr.
Bıylǵy jyldyń II toqsanynda bıýdjet qarajaty esebinen «Taldyqorǵan-Tekeli» jobasy boıynsha júrgiziletin gaz qubyrynyń qurylysyn bastaý josparlanyp otyr. Onyń quny 1,5 mlrd teńge. Bul 35 myń adam turatyn Tekeli qalasy men 23,5 myń adam turyp jatqan Eskeldi aýdanynyń 9 eldi mekenin gazdandyrýǵa múmkindik beredi.
Sondaı-aq Baqytjan Saǵyntaev jańa óndiris oryndary ashylyp jatqan «Taldyqorǵan» ındýstrıaldy aımaǵynyń jumysymen tanysty, aımaq turǵyndaryn jumyspen qamtý boıynsha sharalar týraly esep tyńdady.
Úkimet basshysyna «Taldyqorǵan», «Bereke» ındýstrıaldy aımaqtarynyń aǵymdaǵy qyzmeti, «Qorǵas – Shyǵys qaqpasy» AEA jumysy týraly málimet berildi, sondaı-aq Panfılov aýdanyndaǵy jańa Nurkent qalasynyń qurylys barysy jáne Gate Sity seriktes qalasyn damytý týraly baıandaldy.
Qazirgi kezde ındýstrıaldy aımaq aýmaǵynda barlyǵy 11 kásiporyn jumys istep tur. Onyń ishinde metall buıymdaryn, jylytatyn bazaltti plıtalardy, asfalt, beton men basqalaryn óndiretin zaýyttar men sehter bar. Sonymen qatar aldaǵy ýaqytta taǵy 9 kásiporyn osy jerge óz óndiristerin ornalastyrýdy josparlaýda.
Jańa óndiristerdi bilikti mamandarmen qamtamasyz etý úshin óńirde turaqty túrde bos jumys oryndary jármeńkeleri ótkizilip turady. Premer-Mınıstr «Jastar» saıabaǵynda ótken bos jumys oryndar jármeńkesine bardy, munda 100-ge jýyq kásiporyn 1500-den astam jumys ornyn usyndy.