Fılmniń prodıýsseri ári basty rolde oınaǵan Azamat Satybaldy bastamanyń qalaı týǵanyn, ssenarıiniń qalaı jazylǵanyn, túsirý merzimi, akterlermen jumysy týraly áńgimelep berdi.
«Jańa fılmdi Qostanaıǵa ákelgen sebebimiz, men óner jolyndaǵy alǵashqy qadamymdy osyndaǵy I.Omarov atyndaǵy oblystyq qazaq drama teatrynda bastaǵan bolatynmyn. Maǵan Qostanaı jeri ystyq. Sondyqtan fılmdi de qostanaılyqtardyń kórýi úshin, ózimiz kórermendermen kezdesý úshin osynda keldik», – dedi Azamat Satybaldy.
Fılmde Orazhan Kenebaev sekildi belgili aktermen qatar, Qostanaı qazaq drama teatrynyń akteri Álimhan Myrzahan da oınady. Akterler men rejısser 90 mınýttyq fılmniń kótergen júgi jeńil emes ekenin aıtty. Fılm otbasylyq dramany ózek ete otyryp, jubaılar arasyndaǵy adamgershilik, mahabbat, adaldyq máselesin kóteredi.
Fılm «Cinema-28» stýdııasynan shyǵaryldy. Azamat Satybaldynyń aıtýynsha, taıaý ýaqytta osyndaı ataýmen teatr ashylmaq.
Názıra Járimbetova
«Egemen Qazaqstan»
QOSTANAI