Astana qalasynyń ákimi Áset Isekeshev elordalyqtardy 1 mamyr – Qazaqstan halqynyń birligi kúni merekesimen quttyqtady.
«Qurmetti astanalyqtar jáne qala qonaqtary!
Sizderdi 1 mamyr – Qazaqstan halqynyń birligi kúni merekesimen quttyqtaımyn!
Elbasymyzdyń salıqaly saıasatynyń arqasynda elimizde túrli ulystar bir shańyraq astynda tatý-tátti ǵumyr keshýde. Álemde balamasy joq qoǵamdyq ınstıtýt – Qazaqstan halqy Assambleıasy berekeniń uıytqysyna aınaldy.
Yntymaq pen birlik – Qazaqstannyń basty baılyǵy. Ishki tatýlyǵymyz berik bolyp, elimiz órkendeı bersin.
Merekeden merekege jaqsylyqpen, jańa tabyspen jete bereıik», delingen habarlamada.