Úkimet otyrysynda Bilim jáne ǵylym mınıstri Erlan Saǵadıev 12 mamyr kúni respýblıkalyq ata-analar jınalysy ótetinin aıtty.
"Osy sátti paıdalana otyryp, mınıstrliktiń 12-shi mamyrda ata-analardyń respýblıkalyq jınalysyn ókizýdi josparlap otyrǵanyn aıtqym kelip otyr. Búginde ata-analar jınalystaryna adamdardyń qatysý deńgeıi óte tómen, adamdardyń tek 10 paıyzy ǵana qatysady. Endi, mamyrdyń 12-si kúni, barlyq memlekettik organdar men mekeme basshylaryna ata-analardy jınalysqa ýaqytynda jiberýge Úkimet tarapynan tapsyrma berýdi suraımyz. Osy jınalysta mektepterdiń qamqorshylyq keńesin saılaý men bilim salasynyń ózekti máselelerin talqylaý josparlanyp otyr", - deıdi mınıstr.