Talanttar tanyldy

«Ana tili», «Ekonomıka», «Ýı­ǵýr avazı» gazetteri men «Aqı­qat», «Mysl», «Úrker» jýrnal­dary bar «Qazaq gazetteri» JShS bas­shylyǵy, sondaı-aq «Úrker» jýr­nalynyń ujymy ótken jyly «Úrker – Úmit» báıgesin jarııa­laǵan edi. Jaqynda sol báıgeniń qorytyndysy shyǵaryldy. Bir jyl ishinde jýrnal redak­sııasyna 50-ge jýyq úmitkerdiń týyndylary túsken eken. Qa­zylar alqasynyń tııanaqty sa­rap­taýynan keıin proza janry boıynsha birinshi orynǵa – asta­nalyq Elmıra Erikqyzy, ekinshi júldege taldyqorǵandyq Ashat О́mirbaı ıe bolsa, úshinshi oryn mańǵystaýlyq Allabergen Qonar­baıdyń enshisine tıipti. Al poe­zııa janry boıynsha birinshi júl­deni – astanalyq Dınara Málik, ekinshi oryndy – atyraýlyq Gúl­mıra Súıekenova, úshinshi oryndy – almatylyq Erǵalı Baqash qan­jyǵasyna baılapty. Sol sekildi eki janr boıynsha yntalandyrý syılyqtaryn Nárlibek Qanaǵatov pen almatylyq Qaıyrbek Shaǵyr alǵan eken. Júlde alǵan shyǵarmalar «Úr­ker» jýrnalynda jarııala­nýymen qatar, «Zańǵar» shyǵar­mashylyq birlestiginiń qoldaýy­men jeke kitap bolyp jaryq kóretinin de nazarǵa sala ketsek deımiz. Jeńimpazdarǵa dıplom men zattaı syılyqtardy «Qazaq gazetteri» JShS-nyń bas dı­rek­tory Jumabek Kenjalın, «Úr­­ker» jýrnalynyń bas redak­tory Qýandyq Túmenbaı, ózge de azamattar ystyq yqylaspen tap­syryp, shyǵarmashylyq tabys tiledi. Súleımen MÁMET.