Sáýleli dıagnostıka múmkindikteri

Jýyrda elordadaǵy Travmatologııa jáne ortopedııa ǵylymı zertteý ınstıtýtynda «Fılıpps» kompanııasynyń qol­daýy­­­men Ha­lyqaralyq ortopedııa qoǵamynyń (ISS Outreach) aı­maqtyq bilim berý baǵdar­la­malary aıasynda tuńǵysh ret sheberlik synyptary men semınarlar uıymdas­ty­ryl­dy. Avstrııa, Ulybrıtanııa jáne Reseıden kelgen mamandar sheberlik sy­nyp­taryn ótkizip, travmatologııa jáne ortopedııadaǵy ozyq dıag­nostıkalyq amaldar týraly áń­gi­meledi. Al semınardyń ózi eki kúnge sozyldy. Buǵan eýropalyq, reseılik, qazaqstandyq mamandar qatysyp, sáýlelik dıagnostıka sa­lasyndaǵy jańalyqtarmen bó­listi. Negizinen baıandamashy­lar­dyń deni travmatologııa jáne or­topedııadaǵy magnıtti-re­zo­nans­ty tomografııa jáne kompıýterlik tomografııa jóninde baıan­dady. Qazirgi tańda jaraqat alý­shy­lyq tek bizdiń elimizdiń sheń­berinde ǵana emes, álemdik deń­geıdegi úlken máselege aınalyp otyr. Densaýlyq saqtaýdy damy­tý úshin jasalǵan «Salamatty Qa­zaqstan» baǵdarlamasynda 2011-2015 jyldary jaraqat alýshy­lyqty, odan bolatyn ólim-jitim­di azaıtý atap ótilgen. О́ıtkeni, aýrý túrleriniń arasynda jara­qattyń saldarynan jumysqa qa­biletsizdik jáne ólim-jitim ekinshi satyda tur. Travmatologııa jáne ortopedııa ǵylymı-zertteý ınstıtýtynyń málimetine jú­ginsek, 2009 jyly 100 myń eresek turǵynǵa shaqqanda 4120 adam jaraqat alǵan. Atalmysh ınstıtýttyń dırektory, professor Nurlan Batpenov «Zamanaýı dıagnostıkanyń múmkindikterin ıgerý jaqsy jetistikterge jetkizedi. Biz naýqastyń jaǵdaıyn aldyn-ala bilip, shara qoldana alamyz. Ásirese, súıekterde bo­la­tyn isikter men jaraqattyń qan­shalyqty aýyrlyǵyn bilý úshin sáýleli dıagnostıkanyń kómegi zor» – deıdi. Halyqaralyq ortopedııa qo­ǵamynyń ótkizip jatqan shara­lary elimizdiń densaýlyq saq­taý salasy úshin mańyzdy ári ózekti ekenin atap aıtýymyz kerek. О́ıtkeni, medısınalyq mekemelerdi sońǵy úlgidegi tehno­logııa­men jabdyqtaý, sol tehno­lo­gııa­lardyń tilin meńgergen ma­mandar daıarlaý máselesi soń­ǵy jyl­­­dary ózektiligin saqtap otyr. 2011-2015 jyldarǵa ar­nal­ǵan «Salamatty Qazaqstan» baǵdar­la­masynyń talaby da maman­dardyń kásibıligin art­tyrý men ozyq tehnologııa­lar­dy qolda­nyp, halyqtyń den­saýly­ǵyn tú­zetýge baǵyttalǵan. Osy oraıda travmatologııa já­ne ortopedııa salasynda sáýleli dıag­nostı­ka­ny qoldanýdyń qyr-sy­ryn ozyq úırenýdiń mańyzy zor. Aıgúl SEIILOVA.