Jastar namysyn janyǵan jarys

Úsh kúnge sozylǵan Qa­zaqstan Respýblıkasynyń eń­bek sińirgen sport sheberi, bokstan álem chempıony  Galıb Ja­farovtyń júldesine arnal­ǵan jasóspirimder arasyn­daǵy ekin­shi halyqaralyq týrnır máre­sine jetti. Jarystyń ótýine  muryndyq  bolǵan oblystyq sport, dene tárbıesi jáne týrızm basqarmasy  men oblystyq boks federasııasy  sportshylarǵa barlyq jaǵdaı týǵyzdy. Týrnırge «Emshan» jáne «TransMost Grýpp»  syndy beldi kompanııalar demeýshilik jasady.  Bul týrnırge Qazaqstannyń bokstan jasóspirimder  qurama ko­mandasynyń músheleri, elimizdiń kóptegen oblystarynan, Reseıden, О́zbekstannan, Qyrǵyzstan­nan komandalar qatysty. Bar­ly­ǵy 115 jasóspirim bylǵary qol­ǵap sheberi Aqtóbe rıngine shy­ǵyp, kúsh synasty. On tórt sal­maq dárejeleri boıynsha aıqas­qan boksshylar aldyńǵy tolqyn aǵalar kóshine ilesýge degen ta­laptary men qushtarlyqtaryn  ba­rynsha kórsetip qalýǵa ty­rysty. Fınaldyq kezdesýlerdiń shy­myl­dyǵyn ashqan 44 kılo sal­maqtaǵy aqtóbelik Álibek Esenjol men astanalyq Nurjan Sú­leımenov arasyndaǵy jekpe-jekte jerlesimizdiń shoqtyǵy bıik boldy.  46 kılo salmaq dáreje­sin­de qyzylordalyq Nursultan Jorǵabaevtyń jaraqat alýyna baılanysty Qazaqstan qurama komandasynyń múshesi Meırambek Qultóre báıgeni shappaı al­dy. Qalǵan salmaq  dáreje­lerin­de aqtóbelik Aslan Qoıbaǵar (48 kg), almatylyq Konstantın Brýsenskıı (50 kg), Qazaqstan qurama ko­mandasynyń múshesi Beknur Ojanov (52 kg), Aıdarhan Noqanov (54 kg),  reseılik Iýrıı Dorohın (57 kg), Qazaqstan qurama ko­mandasynyń múshesi Maqsat Bazarbaev (60 kg), Danııar Bolatjanov (63 kg), ShQO, Qazaqstan qu­rama komandasynyń músheleri Ádil­bek Jaqanov (66 kg), Abaı Tólesh (70 kg), aqtóbelik Temirlan Baımuhambetov (75 kg), Rýslan Saǵat (80 kg), BQO, mańǵystaýlyq Davıd Pyrhıev (8 0 kılodan joǵary) osy halyqaralyq týr­nır­diń jeńimpazdary boldy.  Ja­rys jeńimpazdary men júlde­ger­lerine dıplomdar men baǵaly syı­lyqtar tapsyryldy.  Bul týrnır­diń bir ereksheligi – oǵan syıly qonaq retinde  kezinde olımpıa­da­lyq oıyndarda,  álem jáne Azııa bi­rin­shilikterimen ha­lyq­aralyq ja­rystarda Qazaq­stan qorjynyna ol­ja salǵan esimderi elimizge belgili bylǵary qolǵap sheberleriniń kóp­tep qatysýy der edik. Ataq-dań­qynan at úrketin aǵalarynyń al­dynda namysty qoldan bermeýge tyrysqan jasós­pirim boksshylar arasyndaǵy jekpe-jekterdiń tar­tysty ótýi de sondyqtan.  Fınal­dyq kezdesýler aıaqtalǵan boıda  týrnırdiń bas tóreshisi, Qazaqstan Respýb­lıkasyna eńbegi sińgen jattyq­tyrýshy Eleýsiz Dúısekovti sózge tartqanbyz. Ol týrnırdiń uıym­­dastyrylýy óte joǵary deń­geıde bolǵanyn aıta kelip, bul jarysta aqtóbelikter Álibek Esenjol jáne Aslan Qoıbaǵarov, qura­ma komanda múshesi Ádilet Oryn­basarov  syndy bolashaǵynan úmit kútti­retin jasóspirim boksshy­lar­dyń kózge túskenin málimdedi. Osy týrnırde jeńimpaz bolǵandardan alda ótetin bokstan jasóspi­rim­der arasyndaǵy álem chempıo­na­tyna qatysatyn  elimizdiń qurama koman­dasynyń músheleri irikteletinin de jasyrmady. – Biz О́zbekstannyń Shyrshyq qa­lasynan  bes boksshy ákel­gen­biz, ekeýi ekinshi oryn aldy.  Týrnırge qazylyq  etken tóreshi Medet Shalabaev  ta, ózim de jarys­tyń osynsha­lyqty ádemi uıym­dastyrylǵanyna tánti boldym deıdi. Jatar oryn, tamaq jáne mádenı sharalar jó­nin­de kemdigi joq, – dedi  ózbekstandyq jat­tyqtyrý­shy Samat Ilııasov bizben áńgime­sinde rızashylyǵyn jasyra almaı. Bokstan álem chem­pıo­ny Galıb Jafarovtyń bapkeri, Qazaqstan Res­pýblıkasyna eń­begi sińgen jat­tyqtyrýshy Álimbek Bal­maǵam­betovtiń aıtýynsha,  bul týrnır  dás­­túrli jarysqa aınalady. Satybaldy SÁÝIRBAI, Aqtóbe oblysy.