«Mańǵystaý juldyzdary» jarqyraı kórindi

Qazaq eli Táýelsizdiginiń 20 jyldyǵyna arnalǵan óner festıvalinde jas talanttar bıik talap deńgeıinen tabyla bildi Oblysta qalyptasqan dástúrge aına­lyp, tórtinshi ret uıymdastyrylǵan «Mań­ǵystaý juldyzdary» atty óner festıvali eki apta boıy aımaqtyń aspanyn án men kúıge bólep, oıdaǵydaı aıaqtaldy. Oǵan 2 myńdaı ónerpaz qatysyp, 7 ata­lym boıynsha óner saıysyna tústi. Me­rekeli jyldaǵy óner saıysynyń ózindik erekshelikteri festvaldiń mańyzyn te­reń­dete tústi. Burynǵy jyldardaǵy sa­ıys­tarǵa qosa eki bólimnen turatyn baǵ­dar­lamanyń ekinshi bóliminde el táýel­siz­digine arnalǵan sahnalyq kórinister, mý­zy­k­alyq qoıylym­dar jáne de aýyl-se­lodaǵy mádenı oshaq­tardyń jumystary da nazarda boldy.   Bul jylǵy óner festıvaliniń taǵy bir ereksheligi men mańyzdylyǵy, el ishindegi talantty jastardy izdep, taýyp, olardy ónersúıer halyqqa keńinen tanys­ty­rýymyz boldy – deıdi oblystyq mádenıet basqarmasynyń bastyǵy Maıra Ǵumarova. О́nerli jastar úshin taǵy bir taǵy­lym­dy sharýa festıvalde óz ónerlerimen jar­qy­raı kóringen jastarǵa óner jolyn jalǵas­tyrýǵa jaǵdaı jasalyp, olardyń birazy oblystyń óner kolledjinde bilim alýǵa sha­qyrylypty. Sondaı-aq, joǵary oqý oryn­daryna barýǵa da usynys jasap, qoldaý kórsetiletindigi aıtyldy. Fes­tı­valdi uıym­dastyrýdaǵy taǵy utymdy tásil – bu­rynǵy jyldardaǵydaı olardy oblys orta­lyǵyna jınap, asyǵyp-apty­ǵyp ótkizbeı, árbir aýylda, aýdan, qalada ótkizý ónerdiń tárbıelik, taǵylymdyq mánin tereńdetip qana qoımaı, oblys or­talyǵyna aıaqtary je­te bermeıtin aýyl jurtyna kóńildi sátter syılaý bolǵany deýge bolar. Taǵy bir atap aıtarlyǵy ónerpazdarǵa qajetti kómek pen qoldaý kó­rsetýshi ónerkásip oryndary men kásip­kerlerdiń qatary da kóbeıe túsken. Osy­nyń bári «Mańǵystaý juldyzdarynyń» jarqyraı túsýine ıgi yqpal etkeni kóri­nip-aq tur. Qazylar alqa­synyń pikirinshe, merekeli jyldyń óner baıqaýyndaǵy Mań­ǵystaý aýdany óner­paz­darynyń «Táýel­sizdigim – teńdigim», «Erkindigim – eldigim», qaraqııalyqtardyń «Táýel­sizdik – tuǵyrym» ádebı-sazdy qoıy­lym­dary, Aqtaý qalasy ónerpazdarynyń «Táýel­siz­dik maqtanyshy» atty konserttik baǵdar­la­masy el táýelsiz­diginiń qadir-qa­sıetin, mán-mańyzyn asha túsipti. Táýelsiz­digi­mizdi ánge, jyrǵa qosqan jeke óner­pazdar eńbegi olardy odan ári to­lyqtyryp, tul­ǵa­landyra túsken. Bul óner festıvali sonysymen erekshe este qal­atyn­daı sátti ótti. Eki aptaǵa sozylǵan án-jyr merekesi Aqtaýda úlken gala-konsertpen aıaqtalyp, kórermender kóńilinen shyqty. Sol sal­ta­natty keshte oblystyq «Mańǵys­taý jul­dyz­dary» óner festıvaliniń bas júldesi Mańǵystaý aýdanyna tapsy­ryl­dy. Son­daı-aq «Nur Otan» HDP oblystyq fı­lıaly taǵaıyndaǵan bas júlde Qaraqııa aýda­ny­nyń ónerpazdaryna berildi. Birinshi oryn Túpqaraǵan aýdanyna, oblys qa­la­lary arasynda birinshi oryn Aqtaý qalasy óner­pazdaryna berildi. Jalpy, óner festıvaline qatysyp, úzdik óner kórsetken alpystan astam jeke óner­paz­dar men otyzdan astam óner ujym­dary ar­naıy syılyqtar men dıplomdarǵa ıe boldy. Jolaman BOShALAQ, Aqtaý.