Qyrda qımyl qyzdy

Qostanaılyq dıqandar  dán sebýdi bastady. Kóktemgi dala jumystary barlyq aýdandarda qatar júrip jatyr. О́tken aptada bir kún jaýyp ótken jańbyr dıqandardyń  kóńilin kóterip tastady. Mamandar jerdiń  ylǵaly jetkilikti,  dán sińirýge topyraq babynda dep otyr. Búginge deıin aýdandarda bar­lyǵy 100 myń gektar jerge bıdaı sebildi. Sonymen qatar  150 myń gektarǵa maıly da­qyl­dar,  kartop, baqsha ónim­deri, kókónis jáne jemdik  jú­geri men bir jyldyq shóp egildi.  Bul daqyldardyń kólemi 200 myń gektarǵa jetkizilmek. Bıyl  oblysta barlyǵy 4 mıllıon 500 myń gektarǵa  egin egilmek. Onyń ishinde  4 mıllıon 300 myń gektary dándi daqyldar da, qalǵany jazdyq  egistiń enshisinde. Bıyl kóktemgi dala ju­mystaryna  oblysta tyńǵylyq­ty daıyndyq jasaldy. Tehnıka bútin, janar-jaǵarmaı jetkilikti. Oblys dıqandary  ótken qýa­ń­shylyq jyldary da  ylǵal jabý tehnologııasynyń arqasynda  qam­bany astyqsyz qaldyrǵan joq. Mamandar men tájirıbeli dıqandardyń  bıyl topyraq ylǵaly jetkilikti bolady degen boljamy bar.  Qazir bar­lyq  astyq alqabynyń jarty­synan kóbi úzdik tehnologııamen óńdeledi. Árıne, bul tehnologııa úshin tehnıka saı bo­lýy kerek. Meńdiǵara aýda­nyn­daǵy  Qazaqstannyń Eńbek Eri  Saıran Buqanov basqaratyn «Karken» jaýapkershiligi shekteýli seriktestigi tehnıkasyn  túgelimen jańartqan bolatyn. Sondyqtan olar  sońǵy jyl­dary  ylǵal jabý tehnolo­gııa­synyń  nátıjesin kórip keledi. Qamysty aýdanyndaǵy  Altyn­sarın atyndaǵy, Áýlıekól aýda­nyndaǵy «Dıev» sharýa­shylyqtary men Qostanaı aýdanyndaǵy «Zarechnyı» ǵy­lymı-tájirıbe ortalyǵy  as­tyq óndirýdiń túgeldeı osy jańa ádisine kóshken. Olarǵa  ilesý úshin irili-ýaqty sharýa­shylyqtardyń  barlyǵy da  aldymen tehnıkasyn  túgen­deýge mán berip otyr. Sanaýly kúndi sapaly paıdalanyp qalǵysy kelgen dıqandar qyrda dúbirdi toqtatpaq emes. Názıra JÁRIMBETOVA, Qostanaı.