Qazaqstan Respýblıkasy Din isteri agenttigi týraly
Qazaqstan Respýblıkasy Konstıtýsııasynyń 44-babynyń 3) tarmaqshasyna sáıkes qaýly etemin:
1. Qazaqstan Respýblıkasy Din isteri agenttigin (budan ári – Agenttik) bólip shyǵarý jolymen, oǵan konfessııaaralyq kelisim, azamattardyń dinı senim bostandyǵyna quqyqtaryn qamtamasyz etý jáne dinı birlestiktermen ózara is-qımyl salasyndaǵy fýnksııalar men ókilettikterdi bere otyryp, Qazaqstan Respýblıkasy Mádenıet mınıstrligi qaıta uıymdastyrylsyn.
2. Qazaqstan Respýblıkasynyń Úkimeti:
1) Qazaqstan Respýblıkasy Mádenıet mınıstrliginiń Dinı ister komıtetin taratsyn;
2) Qazaqstan Respýblıkasy Mádenıet mınıstrliginiń taratylatyn Dinı ister komıtetiniń shtat sanyn Agenttikke berýdi qamtamasyz etsin;
3) osy Jarlyqty iske asyrý jónindegi ózge de qajetti sharalardy qabyldasyn.
3. Agenttik Qazaqstan Respýblıkasy Mádenıet mınıstrliginiń taratylatyn Dinı ister komıtetiniń mindettemeleri boıynsha quqyq mırasqory bolyp belgilensin.
4. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy №6 Jarlyǵyna mynadaı tolyqtyrý engizilsin:
1-tarmaǵy mynadaı mazmundaǵy abzaspen tolyqtyrylsyn:
«Qazaqstan Respýblıkasy Din isteri agenttigi».
5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
6. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2011 jylǵy 18 mamyr. №84