2011 jylǵy 28 sáýir №28-3/227 Astana qalasy
2011 jyly aýyl halqyna jáne aýyl sharýashylyǵy taýarlaryn óndirýshilerge shaǵyn kredıt berý týraly
«2011-2013 jyldarǵa arnalǵan respýblıkalyq bıýdjet týraly» Qazaqstan Respýblıkasynyń 2010 jylǵy 29 qarashadaǵy Zańyn iske asyrý maqsatynda jáne Qazaqstan Respýblıkasy Úkimetiniń 2006 jylǵy 7 shildedegi № 645 qaýlysymen bekitilgen Agroónerkásiptik keshendi mamandandyrylǵan uıymdardyń qatysýymen qoldaý erejesiniń 34 jáne 36-tarmaqtaryna sáıkes, buıyramyn:
1. «Aýyl sharýashylyǵyn qarjylaı qoldaý qory» aksıonerlik qoǵamyna mynalar belgilensin:
1) aýyl halqyna jáne aýyl sharýashylyǵy taýarlaryn óndirýshilerge shaǵyn kredıt berý kezinde:
syıaqy stavkasy jyldyq - 9,5% -dan artyq emes;
shaǵyn kredıtterdi berý merzimi – 3 jyldan artyq emes;
beriletin shaǵyn kredıtterdiń mólsheri – 1 000,0 myń teńgeden artyq emes;
2) iri qara maldyń analyq basyn jáne etti tuqymdy tóldiń ósimin molaıtýǵa arnalǵan asyl tuqymdy buqalardy damytý úshin aýyl sharýashylyǵy taýarlaryn óndirýshilerge shaǵyn kredıt berý kezinde:
syıaqy stavkasy jyldyq - 6% -dan artyq emes;
shaǵyn kredıtterdi berý merzimi – 7 jyldan artyq emes;
beriletin shaǵyn kredıtterdiń mólsheri – 8 500,0 myń teńgeden artyq emes.
2. Aýyldyq aýmaqtar isteri jónindegi komıtet (Tuńǵyshbekov S.T.) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin jáne resmı jarııalanýyn qamtamasyz etsin.
3. Osy buıryq alǵash ret resmı jarııalanǵan kúninen bastap qoldanysqa engiziledi.
Mınıstr A.MAMYTBEKOV.
Buıryq Qazaqstan Respýblıkasynyń Ádilet mınıstrliginde 2011 jylǵy 11 mamyrda Normatıvtik quqyqtyq kesimderdi memlekettik tirkeýdiń tizilimine №6945 bolyp engizildi.