Tashkenttegi «О́zbekstan» sport kesheninde ótip jatqan Azııa chempıonatynda taǵy bir boksshymyzdyń joly bolmady. Jartylaı fınaldyq jekpe-jekte 75 kıloda synǵa túsken jerlesimiz Ábilhan Amanqul jeńiliske ushyrady.
75 kıloda jańa esimderdiń biri Ábilhan Amanqul. Afına olımpıadasynyń chempıony Baqtııar Artaevtyń bapkeri Nurlan Aqúrpekovtiń tól shákirti. Judyryqtasýyn kórgen mamandar keleshekte kásipqoı boksqa ótken jaǵdaıda, baǵy janatynyna senip otyrǵan jas túlektiń biri. Áıtkenmen, Ábilhan jartylaı fınalda rıng ıesi, 2015 jyldan beri jeńilis kórmegen Israıl Madrımovten tóreshilerdiń sheshimi boıynsha jeńilip qaldy.
«Qolymnan kelgeniniń barlyǵyn jasadym. Kezdesý men oılaǵandaı ońaı bolmady. Bul joly qarsylasyma óz deńgeıimde qarsylyq kórsete almadym. Endi Israılmen álem chempıonatynda kezdeskim keledi» – deıdi Ábilhan.
Almas MANAP,
«Egemen Qazaqstan» –
Tashkentten