BUU Adam quqy jónindegi keńesiniń 17-sessııasy aıasynda Jenevada bolǵan pikirsaıysta dinı bostandyqty ilgeriletý, konfessııaaralyq toleranttylyqta qatar ómir súrý máseleleri basty taqyryp boldy, dep habarlady Parlament Senatynyń baspasóz qyzmeti.
Pikirsaıysqa EQYU Is basyndaǵy tóraǵasynyń Musylmandarǵa qatysty tózimdilik pen kemsitpeý máselelerine qatysty jeke ókili, Parlament Senatynyń depýtaty Á.Ahmetov qatysyp, sóz sóıledi.
Halyqaralyq qoǵamdastyqtyń dinı jáne ulttyq ereksheligi boıynsha tózbeýshilikpen jáne kemsitýshilikpen kúreste ózara is-qımyldyń mańyzdylyǵyn atap óte kelip, Á.Ahmetov qoǵamdaǵy túrli toptar arasyndaǵy ózara túsinistikti nyǵaıtý jónindegi tetikterdi ázirleý jáne qoldaný máselelerine toqtaldy.
Senator aıtqandaı, byltyr Astanada ótken toleranttylyqty ilgeriletý máseleleri jónindegi EQYU konferensııasynda tózimdilik, kemsitpeý máseleleri men mádenıetaralyq únqatysýdy ilgeriletýde zańnamalardyń, quqyq qorǵaý organdarynyń, ulttyq bilim berý júıesi men buqaralyq aqparat quraldarynyń róli atalyp ótildi.
Á.Ahmetov dinderdi, mádenıetter men halyqtardy alshaqtatpaı, biriktiretin ortaq qundylyqtardy ýaǵyzdaǵan pontıfık Ioann Pavel II-niń shaqyrýlaryna pikirsaıysqa qatysýshylar nazaryn aýdardy.