Qamqorlyq dep osyny aıt

Jaraqattanýshylyq búgingi kúni erekshe kóńil aýdararlyq máselelerdiń biri. Olaı deıtinimiz aýrý-syrqat, ýaqytsha eńbek­ke qabiletsizdik pen túbi ólimge alyp keletin kórsetkish bo­ıy­n­sha jaraqattanýshylyq qaýi­pi ekinshi orynda tur eken. Naq­ty málimetterge súıensek, jyl sa­ıyn Qazaqstan boıynsha 600 myń­nan astam adam túrli jara­qattar alsa, sonyń 22 paıyzyn balalar quraıtyn kórinedi. So­ǵan oraı Travmatologııa jáne ortopedııa ǵylymı-zertteý ın­s­tı­týtynda jasalynatyn operasııalar sanynyń artýyna baıla­nys­ty operasııalyq, jansaqtaý jáne qabyldaý bólimderin keńeı­tý máseleleri asa jaýapty mindet bolyp otyr. Mundaı mańyzdy máselelerdi der kezinde sheshýdiń ózi de saýapty is bolatynyn bilgen vedomstvo basshylary jýyr­da kóńilge qýanysh uıalatatyn súıinshi habar aıtty. Iаǵnı, «Salamatty Qazaqstan» memlekettik baǵdarlamasyn júze­ge asyrý aıasynda Astanada Den­saýlyq saqtaý mınıstrliginiń Travmatologııa jáne ortopedııa ǵy­ly­mı-zertteý ınstıtýtynda mı­­nıstr Salıdat Qaıyrbekova­nyń qatysýymen jańa 4 qabatty operasııalyq blok ǵımaratynyń ashylý saltanaty bolyp ótti. Ǵımarattyń jalpy aýdany 8 726 sharshy metr bolsa, jobanyń jalpy quny 2 mlrd. 682 mıllıonnan astam teńgeni quraıdy. Jańa operasııalyq blok ǵı­maraty qabyldaý-dıagnos­tıka­lyq, operasııalyq, anestezıolo­gııa­lyq, jansaqtaý jáne ıntensıvti terapııa, ortalyq zarar­syz­dandyrý jáne kir jýý bólim­derinen turady. Qabyl­daý-dıagnostıkalyq bólimi jedel jáne josparly túrde áke­linetin naýqastardy qabyl­daýǵa, aldyn-ala dıagnoz qoıýǵa jáne emdik kómek kórsetýge arnalǵan. Al operasııalyq blok­ta aýanyń lamınarly aǵyny qamtamasyz etil­gen 9 «taza» operasııalyq zal bar jáne onda eń ozyq qu­ral-jabdyqtar or­natylǵan. Onda býyndar aýyr­ǵanda nemese jaraqat alǵan kezde, omyrt­qanyń týa bitken nemese júre paıda bolǵan aýrý­laryn joǵar­ǵy tehnologııalar kómegimen emdeýge múmkindik jasalǵan. Araı ÚIRENIShBEKQYZY.