Dıplommen qosa páter kilti tapsyryldy

Kókshetaý qalasyndaǵy №3 kásiptik-tehnıkalyq lıseıdiń 121 túlegine dıplomdar tapsy­ry­­lyp, ındýstrııalyq-ınnova­sııa­lyq joba júıesindegi ká­sip­oryndarǵa jol­dama berildi. Oqý orny men ju­mys berýshiler arasyndaǵy eki­jaqty kelisim sharttyń qundy qaıta­ry­myn osydan da kórýge bolady. Bul kezdeısoqtyq emes. Ozyq úlgi­degi 25 oqý kabıneti men kompıýter synyptary, eki tigin sehy, qurylys zerthanasy, oqý polıgony, basqa da áleý­met­tik-mádenı baǵyttaǵy ny­san­dary bar lıseı túlekterine suranys jyl sanap artyp keledi. Saltanatta úlgi alarlyq bastama kóterildi. Oqý ornyn úzdik dıplommen bitirgen Qýa­nysh Jum­kenov pen Janýra Sársen­baeva­nyń fotosýreti «Qur­met taq­tasyna» ilinse, ob­lystyq bilim basqarmasynyń bastyǵy Marat Ybyraev Anatolıı Mıronov­qa osyndaı dıp­lomǵa qosa  tur­mys­qa qolaıly eki bólmelik pá­ter­diń kiltin tapsyrdy. Esil balalar úıinde tárbıelengen Anatolıı óziniń týǵan qalasynyń qury­lys sa­lasyn órkendetýge úles qosa­tyn bolady. Páterdi lıseı oqytýshy­lary óz qarajatyna satyp alǵanyn da sóz oraıynda aıta ketsek deımiz. Baqbergen AMALBEK, Aqmola oblysy.