Sarbazdar saltanaty

Otan aldyndaǵy boryshyn óteý­ge attanǵan sarbazdardyń bul saltanaty Qazaqstan Qarýly Kúsh­terininiń qurylýyna 25 jyl to­lýyna oraılastyryldy. Is-sha­ra­ǵa Jastar saıasaty máseleleri jó­nindegi basqarma men Qaraǵandy oblysynyń qorǵanys isteri jó­nin­degi departamenti uıytqy boldy. Er azamat úshin Otan aldyndaǵy ás­kerı boryshyn óteý – úlken abyroı ári mártebe. Al órenderimizdi bo­lattaı berik, temirdeı tózimdi etip tárbıeleý – áskerı ómirdiń en­shisinde. Muny kózderinde ot oı­naǵan bolashaq sarbazdardyń júzinen-aq ańǵarýǵa bolady.  Sonymen, shara Qaraǵandy gar­nızonyndaǵy áskerı bólim­derdiń jaý­yngerleri sapqa turǵyzylyp, áskerge shaqyrylýshylar Uly Otan soǵysynda sheıit bolǵan ar­dagerlerge taǵzym retinde «Máń­gilik alaý» dańq meorıaly­na gúl destesin qoıý rásiminen bas­taldy. Jastardyń jigerin janyp, rýhyn oıatýdy maqsat etken uıymdastyrýshylar áskerge sha­qyrylýshylarǵa laıyqty qur­met­terin kórsetti.  – Bıyl Qarýly Kúshterdiń qu­ryl­ǵanyna 25 jyl tolyp otyr. Árıne, bul – ár qazaqstandyq úshin aı­tý­ly oqıǵa, zor maqtanysh. Ás­ke­ri aıbyndy eldiń keleshegi kemel bolatyny da sózsiz. Osyǵan oraı, Elbasymyz, Qazaqstan Qarý­ly Kúshteriniń Joǵarǵy Bas qol­ba­s­shysy Nursultan Nazarbaev «XXI ǵa­syrdaǵy qazaqstandyq jaýynger kel­beti – patrıotızm, ıntellektýaldy damý jáne salamatty ómir dástúri bolýy shart» degen bolatyn. Búgin biz qalyptasqan dástúr boı­ynsha ásker qataryna jastardy shy­ǵaryp salyp turmyz. Árbir jas aza­mat úshin elin, jerin qorǵaý – eń qasıetti de kıeli mindet, – dedi Jandos Ábishev. Otan-Ananyń tynyshtyǵyn ama­nattaǵan oblys ákimi orynb­asa­rynyń tilegin qorǵanys isteri jó­nindegi departamenttiń basshysy jalǵady. Polkovnık Ardaq Kýkatov aı­t- ­­­q­andaı, elimizdiń qorǵanys qa­bi­letin jetildirýdiń basty ólshemi – Qarýly Kúshterdi dene tárbıesi, ıntellektýaly turǵysynda daǵ­dy­ly daıyndyqtan ótken jaýyngerlermen qamtamasyz etý.  – Bıylǵy kóktemde obly­sy­myz­dyń 1500 jas azamaty ásker qa­taryna shaqyryldy. Búgin sal­tanatty túrde Qaraǵandy obl­y­s­y­nyń azamattaryn Qarýly Kúshter qa­taryna shyǵaryp salýǵa jınalyp otyrmyz. Jalpy, osy kúni Qar­ýly Kúshter qatarynda 40 jas azamat attanatyn bolady, – dedi Ardaq Kýkatov.

Mıras ASAN,

«Egemen Qazaqstan»

Qaraǵandy