Soǵys bitti, Jeńis jetti. Jaýyngerler elge oralyp jatty. Biraq, serjant Nyǵmet Mahanov ásker qatarynda qala berdi. Oǵan Ýkraına jerindegi Keńes ókimetine qarsy kúshtermen, al olardyń arasynda soǵys ýaqytynda fashıstermen aýyz jalasqandar kóp bolatyn, kúresýge týra keldi. Elge tek 1951 jyly ǵana oraldy. Beıbit eńbekke aralasty, abyroısyz bolǵan joq. Qazir aqsaqal Jezdi kentinde turady. Ol − Ulytaý aýdany boıynsha kózi tiri qalǵan jalǵyz maıdanger. Uly Jeńistiń 72 jyldyǵyna baılanysty aqsaqaldy quttyqtaýǵa aýdan ákimi Ánýar Omar, aýdandyq máslıhat hatshysy Talǵat Seıitjanov bastaǵan azamattar arnaıy keldi. Árıne, qurqol kelmegenderi anyq. Maıdangerge 150 myń teńge syıaqy men kommýnaldyq shyǵyndar úshin 80 myń teńge, úıin aǵymdyq jóndeý maqsatynda 50 myń teńge kómek berildi. Aqsaqal aýdan basshylyǵyna rahmetin aıtyp, batasyn berdi. − Bizdiń aqsaqaldardyń súıegi asyl ǵoı, shirkin. Olar alaqan jaıyp, kómek suraýdy ar sanaıdy, bardy qanaǵat tutýdan árige barmaıdy. Úıdiń shatyry da, qorshaýy da jóndeýdi qajetsinetini baıqalyp tur. Bul sharýaǵa shamamen 600 myń teńgedeı kerek sekildi. Arnaıy mamandar kelip esepteıtin bolady. Qansha qarajat kerek, sonshasyn tabamyz. Bálkim, demeýshiler tartýǵa týra keler. Ne bolǵanda da, kerekti qarjyny tabý − bizdiń mindetimiz, − dedi aqsaqaldy quttyqtaı kelgen aýdan ákimi. Ákimniń bul sózi Ulytaýdaǵy jalǵyz maıdagerdi barynsha qurmettep, qadirleýden ulytaýlyqtardyń aıanyp qalmaıtynyn sezdirdi.
Abdolla DASTANOV
Qaraǵandy oblysy, Ulytaý aýdany